Ինչու է քաշը դադարել նվազել և ինչպես նորից սկսել նիհարել

Ինչու է քաշը դադարել նվազել և ինչպես նորից սկսել նիհարել

Կա քաշի կանգի երկու տարբերակ. երբ շարունակում եք ճարպը կորցնել, բայց մարմնի զանգվածը չի փոխվում, և երբ նիհարելու գործընթացն ամբողջությամբ դադարեցված է:
Եկե՛ք դիտարկենք այս երևույթների պատճառները

Ինչու է ճարպը վերանում, բայց քաշը չի նվազում
1. Հեղուկի կուտակում
Երկար ժամանակ կալորաների սահմանափակումը բարձրացնում է կորտիզոլի մակարդակը` սթրեսի հորմոնը: Դա, ի թիվս այլ բաների, օրգանիզմում հեղուկ է պահում: Հեղուկի կուտակումը նաև կարող է առաջանալ նատրիումի ավելցուկի պատճառով: Առողջապահության ոլորտը բնակչության տարբեր խմբերի համար էներգետիկայի և սննդանյութերի ֆիզիոլոգիական կարիքների նորմերը սահմանում է՝ օրական 2,5 գ նատրիում: Աղի շատ օգտագործման սովորությամբ կարող եք հեշտությամբ գերազանցել այս ցուցանիշը: Օրինակ, 100 գ երշիկը պարունակում է 1,8-2.2 գ նատրիում, իսկ 100 գ ապխտած ձուկը` երկու անգամ ավելի՝ 4,8 գ:
Ինչպես հասկանալ, որ հեղուկը կուտակվում է օրգանիզմում
Գնեք «խելացի» կշեռքներ, որոնք ցույց են տալիս օրգանիզմում հեղուկի տոկոսը:
Ստուգեք ախտանիշները՝ անգույն մաշկ, դեմքի և վերջույթների այտուցվածություն, հոդերի կոշտություն:

Գնահատեք սննդակարգում աղի սննդի քանակը:
Ինչպես լուծել խնդիրը
• Նվազեցրեք կարտիզոլի մակարդակը,
• Ժամանակավորապես բարձրացրեք օգտակար ածխաջրերով մթերքների օգտագործման քանակը,
• Բացառեք այն մթերքների օգտագործումը, որն ունի բարձր նատրիումի պարունակություն:
2. Մկանների զանգվածի ավելացում
Եթե դուք զբաղվում եք ուժային մարզումներով, մեծանում է մկանների զանգվածը։ Արդյունքում՝ ճարպը հեռանում է, բայց քաշը չի կրճատվում:
Քանի որ նույն մկանների ծավալը երբեմն ավելի ծանր է ճարպից, քաշը կարող է նույնիսկ աճել: Այս դեպքում կազմվածքն ավելի լավը կդառնա։
Ինչպես հասկանալ, որ խնդիրը հենց սա է
• Գնեք «խելացի» կշեռքներ, որոնք որոշում են ճարպի և մկանների զանգվածի տոկոսը:
• Չափեք և համեմատեք գոտկատեղի և ազդրի չափերը: Ճարպն ավելի թույլ է, բայց ավելի ընդգրկուն, հետևաբար, եթե մարմնի կազմը փոխվի, չափերը կփոխվեն:
• Եթե 10 օրվա ընթացքում ո՛չ քաշն է փոխվում, ո՛չ էլ ծավալը, ուրեմն խնդիրը ճարպը չէ։
Ինչու ճարպը չի հեռանում
• Կա պարզ բացատրություն. անհետացել է կալորիաների դեֆիցիտը: Այլ կերպ ասած՝ դուք ավելի շատ եք ընդունում, քան սպառում եք կամ ընդունում եք այնքան, որքան ծախսում ենք:
Օրգանիզմը ցանկանում է ազատվել դեֆիցիտից և հավասարեցնել կալորիաների ընդունումն ու սպառումը: Եթե դրա համար բավարար էներգիա չեք ապահովում, մարմինը ինքնուրույն է լուծում այդ խնդիրը։
• Մի քանի օր դիետային հետևելուց հետո դանդաղում է նյութափոխանակությունը, և ավելի քիչ կալորիա եք ծախսում ֆիզիկական գործունեության համար:
Կամ ընդունում եք նույնքան կալորիաներ, որքան որ օգտագործում էին մինչև քաշի կանգը, բայց մարմինը դրանք ծախսում է շատ ավելի տնտեսողաբար: Դրա պատճառով կալորիականության դեֆիցիտը անհետանում է, և դրա հետ մետեղ՝ նիհարելու գործընթացը:
Բացի այդ, առաջին երկու ամիսների ընթացքում դիետան մեծացնում է ախորժակը: Եթե դուք չեք հաշվում կալորիաները, առանց գիտակցելու ավելի շատ ուտելու մեծ ռիսկ կա։
Համեղ սնունդ ուտելու ցանկություն է առաջանում հատկապես մարզվելուց հետո, երբ այն չափազանց ինտենսիվ է, ու մարմինը կալորիաներ է պահանջում։ Դուք մտածում եք. «Ինչո՞ւ չուտեմ, եթե այսքան մարզվել եմ»։ Իսկ ձեր կերած շոկոլադե սալիկը լրացնում է կես ժամ վազքի ընթացքում կորցրած էներգիան։ Այնպես որ, եթե ձեզ չզսպեք և ընդունեք մեծ կալորիաներ, օրգանիզմն այն կվերածի ճարպային պահուստի, և դուք արդյունք չեք ունենա, որքան էլ որ մարզվեք։

Ինչպես հաղթահարել
1. Հաշվեք կալորիաները
Դա ձանձրալի է և շատ ժամանակ է պահանջում, բայց առանց հաշվելու դժվար է գերակայությունը հաղթահարել: Սեփական սենսացիաները մեզ ճշգրիտ տեղեկատվություն չեն տալիս, մանավանդ, երբ մարմինը փորձում է էներգիա խնայել: Հաշվարկեք ձեր կալորիականության մակարդակը և ընդունեք դրա 25 %-ը` այն արդյունավետ է քաշի կորստի համար և անվտանգ՝ առողջության համար:

2. Փոխեք դիետան
Եթե չեք կարողանում կամ չեք ցանկանում հաշվել կալորիաները, վերանայեք ձեր սննդակարգը։ Վերացրեք քաղցրի և ալյուրի օգտագործումը, ավելացրեք ավելի շատ սպիտակուցներ: Դա կօգնի վերահսկելու ախորժակը և մկանների նորմալ զանգվածը:

3. Բարձրացրեք ֆիզիկական ակտիվությունը
Խորհուրդ է տրվում շաբաթական 4-5 ժամ ուժային շարզումներ իրականացնել և 1,5-2 ժամ բարձր ինտենսիվությամբ աերոբիկայով զբաղվել: Օրինակ՝ 60 րոպե ուժային վարժություն և շաբաթական չորս անգամ 30 րոպե բարձր ինտենսիվությամբ կարդիո:
Եթե վստահ եք, որ կա կալորիականության դեֆիցիտ, բայց քաշը և ծավալը ավելի քան 10 օր չեն կրճատվում, պատճառները կարող են կախված չլինել ֆիզիկական ակտիվությունից և դիետայից: Օրինակ, դուք կարող եք խնդիրներ ունենալ հորմոնների հետ կամ մշտական սթրես ունենալ: Խորհրդակցեք ձեր բժշկի հետ․ մասնագետը կգնահատի ախտանիշները և, անհրաժեշտության դեպքում, հետազոտություններ կանցնեք:

Աղբյուրը