Ինչու է վտանգավոր առնանդամի կոտրվածքը և ինչպես բուժել

Ինչ է առնանդամի կոտրվածքը 

Իհարկե, առնանդամը ոսկոր չէ, ուստի՝ առաջին հայացքից՝ կոտրելու ոչինչ չկա, բայց իրականում այդպես չէ։ 

Առնանդամի մեջ կան սպունգանման հյուսվածքներով տարածքներ, որոնք կոչվում են՝ խոռոչավոր մարմիններ: Նրանք լցվում են արյամբ, երբ տղամարդը գրգռվում է: Հենց սա է առնանդամին հաղորդում կարծրություն: Եթե էրեկցված առնանդամը հանկարծակի և ուժեղ թեքվի, խոռոչավոր մարմիններից մեկի կեղևը կարող է պատռվել: Նման բացը կոչվում է անդամի կոտրվածք: 

Ամենից հաճախ նման վնասվածքը տեղի է ունենում չափազանց էներգետիկ սեռական հարաբերությունների կամ մաստուրբացիայի ընթացքում: 

 Կան դեպքեր, երբ խոռոչավոր մարմնի կեղևը պատռվում է. 

• անկողնում առնանդամի վրա թեքվելու դեպքում, 

• առնանդամին զարկելու հետևանքով. օրինակ՝ խփել առնանդամին, 

•  առնանդամի վրա ընկնելիս 

Ահա առնանդամի կոտրվածքի  ախտանիշները. 

• Կոտրվածք ստանալու պահին լսելի է խրթոց։ 

• էրեկցիայի ակնթարթային կորուստ: 

• Ցավ՝ թույլից ուժեղ: 

• Առնանդամի վրա նկատելի այտուցներ և կապտուկներ: Արտաքին կեղևի պատռվելու դեպքում հնարավոր է արյունահոսություն: 

• Երբեմն հնարավոր են խնդիրներ՝ միզարձակման ժամանակ կամ արյան առկայություն մեզի մեջ:  

Առաջին երկու կետերը ամենակարևորն են ախտորոշման համար: Եթե առկա չեն խրթոց և էրեկցիայի արագ կորուստ, ապա, մեծ հավանականությամբ, դա կոտրվածք չէ, այլ  մեկ այլ տեսակի վնասվածք: 

Այնուամենայնիվ, անհրաժեշտ է այցելել ուրոլոգի։ 

Ինչու է վտանգավոր առնանդամի  կոտրվածքը 

Նման վնասվածքը, անշուշտ, կհանգեցնի առնանդամի դեֆորմացման: Արդյունքում՝ դուք կարող եք ընդմիշտ կորցնել էրեկցիան կամ ունենալ խնդիրներ միզարձակման ժամանակ։ 

Հետևաբար, հույս մի՛ ունեցեք, որ խնդիրն ինքնուրույն կվերանա. չափազանց մեծ է ռիսկը: 

Ինչպես բուժել առնանդամի կոտրվածքը 

Անհրաժեշտ է շտապ դիմել բժշկի: 

Նմանատիպ վնասվածքների օգնությունն իրականացնում է ուրոլոգը, անդրոլոգը կամ վնասվածքաբանը: Բժիշկը կստուգի և հարցեր կուղղի կատարվածի և ախտանիշների հանգամանքների վերաբերյալ: Որպես կանոն՝ սա բավարար է ախտորոշման համար: Բայց երբեմն կարող են պահանջվել լրացուցիչ հետազոտություններ ` ՈՒՁՀ կամ ՄՌՏ: Դրանք ճշգրիտ կարող են որոշել կոտրվածքի տարածքըհատվածը: 

Եթե վնասվածքը լուրջ է, կկատարվի վիրաբուժական միջամտություն: Այն միանգամից մի քանի նպատակ ունի. 

• դադարեցնել արյունահոսությունը, եթե արյան անոթները պատռվել են, 

• հեռացնել առնանդամի ներսի հեմատոման (արյան կուտակում), 

• տեղադրել կարեր, որից հետո վերականգնման ժամանակահատվածը կարող է տևել մի քանի ամիս, և անհրաժեշտ է պատրաստ լինել դրան: 

Երբեմն անհրաժեշտ է շինա դնել առնանդամին՝ նորմալ ձևը վերականգնելու համար։ Կարող է նշանակվել նաև դեղորայք, որը կնվազեցնի էրեկցիայի առաջացումը, քանի որ այն վտանգավոր է մինչև ապաքինումը։ Եթե վնասվածքը, ըստ բժշկի, վիրաբուժական միջամտություն չի պահանջում՝ տնային մեթոդները կօգնեն հեշտացնելու վիճակը. 

• Դրեք սառը թրջոցներ վնասված առնանդամի վրա. սա կօգնի նվազեցնել ցավը։ Կրկնեք 10 րոպեն մեկ՝ մի քանի ժամ շարունակ: 

• Ընդունեք ցավազրկողներ, որոնք  իբուպրոֆենի հիմքով դեղամիջոցի վրա: Այսպիսով  կնվազեցնեք ցավը և այտուցը: 

Բայց ոչ մի դեպքում մի՛ զբաղվեք ինքնաբուժությամբ: Հնարավոր է, որ հավիտյան զրկեք ձեզ սեռական հաճույքներից և միզապարկը ազատ դատարկելու ունակությունից: