Սեքսը ոչ միայն հաճույք է, այլև առողջության գրավական 

Սեքսը ոչ միայն հաճույք է, այլև առողջության գրավական 
Սեքսը լավ է առողջության համար․ երկարացնում է կյանքը և ավելի երջանիկ է դարձնում: Սեքսը մարզում է մարմինը և աջակցում է հոգու ուժին: Այն պաշտպանում է դեպրեսիաներից, և ենթադրվում է, որ նույնիսկ նվազեցնում է քաղցկեղի հավանականությունը: 
Սեքսը մարդու տարրական կարիքներից մեկն է, և այդ պատճառով կարևոր է ուղեղի գործունեության համար: Օրգազմի ժամանակ ակտիվանում են ուղեղի աջակողմյան հատվածի որոշակի շրջաններ: Կայծի նման ինչ-որ բան է առաջանում, որը հանգեցնում է հորմոնալ փոփոխությունների, որոնք դրականորեն են ազդում ֆիզիկական և հոգեկան վիճակի վրա: 
Ֆիզկուլտուրան և հրաշագործ կոկտեյլը 
Մարդու սեքսուալության և նրա առողջության միջև կապն այնքան սերտ է, որ գիտնականները նույնիսկ դժվարանում են որոշել, թե որն է պատճառը, որը հետևանքը: Արդյո՞ք սեռական ցանկության բացակայությունը հանգեցնում է հիվանդության, թե ընդհակառակը՝ այն հիվանդության ախտանիշ է։ Այս հարցին միանշանակ պատասխան չկա: Բայց կան գիտականորեն հաստատված փաստեր, որոնք կարող են մեկնաբանվել՝ որպես գործողությունների ուղեցույց: 
Թվում էր, թե ամեն ինչ պարզ է, և հնարավոր է առանց հետաձգելու սկսել պրոֆիլակտիկան՝ որպես կանխարգելող միջոց։ Իսկ ինչ անեն նրանք, ովքեր սեռական ցանկություն չունեն / կամ չեն կարող: Սա ինքնին արդեն կարող է լինել հիվանդության նշան: Փաստ առաջին. սեռական հարաբերության ժամանակ սրտի բաբախյունը արագ է, իսկ արյան ճնշումը բարձրանում է: Այս ֆիզիկական գործունեությունը սրտանոթային հիվանդությունների հիանալի կանխարգելում է: Հետևաբար, սեքսը ֆիզիկական առողջությունը պահպանելու լավագույն միջոցն է: Գիտնականները կարծում են, որ տղամարդիկ, ովքեր օրգազմ են զգում առնվազն շաբաթը երկու անգամ, ունեն սրտանոթային հիվանդություններից մահանալու երկու անգամ ցածր ռիսկ։  
Փաստ երկրորդ. կրքոտ սեքսն  ակտիվացնում է ուղեղի նեյրոնները, որոնք իրենց հերթին  խթանում են տեստոստերոնի արտադրությանը: Այս «սեքսուալ հորմոնը», որն արտադրվում է տղամարդկանց և կանանց օրգանիզմներում, պարզապես հրաշալի կոկտեյլ է հոգու և մարմնի համար: Տեստոստերոնը բնական հակադեպրեսանտ է։ Ցածր տեստոստերոնի մակարդակ ունեցող տղամարդիկ ավելի հավանական է, որ տառապեն դեպրեսիաներից և ունենան շագանակագեղձի քաղցկեղի առաջացման ռիսկ: 
Շաբաթը երկու անգամ քնքշություն, շոյանք և կիրք 
 
Կանանց մոտ նման էֆեկտը առաջացնում է օքսիտոցին հորմոն, որը օրգանիզմում արտադրվում է սեքսից հետո: Օքսիտոցինը կոչվում է նաև «ջերմության և քնքշության հորմոն» և կանխարգելում է կրծքի քաղցկեղի առաջացումը: Սեռական հարաբերությունների պրոֆիլակտիկ ազդեցությունն ավելի մեծ է, եթե զուգընկերների միջև հարաբերությունները կայուն են և հիմնված են փոխադարձ կապվածության և կրքի վրա։ 
Մասնագետները կարծում են, որ անհրաժեշտ է շաբաթն առնվազն երկու անգամ զբաղվել սեքսով`  հորմոններն ու առողջությունը պատշաճ մակարդակով պահպանելու համար: Դե ինչ, իսկ ի՞նչ անել սեռական ցանկության բացակայության դեպքում: Հայտնի է, որ սա լուրջ խնդիր է, որը թունավորում է մարդկանց կյանքը: Նրանք, ովքեր հազվադեպ են սեռական հարաբերություն ունենում, օրգանիզմում առկա տեստոստերոնի մակարդակը նվազում է, որն էլ կարող է հանդիսանալ թույլ լիբիդոյի պատճառ: Այսպիսով՝ այս խնդրի լուծումը, որքան էլ պարադոքսալ է հնչում, կրքոտ, զգայուն և ամենակարևորը՝ կանոնավոր սեքսն է: 
Որքան շատ սեքս, այնքան երկար կյանք 
Եթե դուք հավատում եք վիճակագրությանը, որը հիմնված է տարբեր երկրներում անցկացված հարցումների վրա, ապա բժիշկների տեսանկյունից առավել «օրինակելի» են հարավի բնակիչները: Durex բարեկեցության հետազոտական խումբը իրականացրել է ուսումնասիրություններ և  ստացված արդյունքներն է ներկայացրել, որոնց համաձայն՝ հույները առաջին հորիզոնականում են սեռական հարաբերությունների հաճախականությամբ. մեկ անձի համար միջին հաշվով՝ 164 սեռական հարաբերություն: Հունաստանից հետո Բրազիլիան է, այնուհետ` Ռուսաստանը, որտեղ (ըստ հարցումների) մեծահասակ քաղաքացիները տարեկան 143 անգամ են սեռական հարաբերություն ունենում: Իսկ Գերմանիան ցուցիչով ավելի հետ է. 1 անձի համար՝ տարեկան միջինը 117 սեռական հարաբերություն։
Ամենապասիվը ճապոնացիներն են: Նրանք տարեկան ունենում են 48 սեռական հարաբերություն: Ի դեպ, Ճապոնիայում կյանքի տևողությունը ավելի մեծ է, քան մյուս երկրներում: Այսպիսով՝ սա հակասում է այն ենթադրությանը, որ  որքան շատ են սեռական հարաբերությունները, այնքան երկար է կյանքի տևողությունը: Կամ, գուցե, ճապոնացիները պարզապես ավելի  ազնիվ են պատասխանել հարցումներին, քան մնացածը ...
 
Աղբյուրը
Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ

Վտանգավոր պահածոներ

Վտանգավոր պահածոներ

 Ինչո՞ւ խորհուրդ չի տրվում տնային պայմաններում պահածոյացնել միսը, ոլոռը և եգիպտացորենը