Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում
Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: Սակայն հուզական ֆոնի այս փոփոխությունները չեն սահմանափակվում, և եթե դուք հստակ հասկանում եք, թե ինչպես է գործում դաշտանային ցիկլը, և ինչ է պատահում կանանց հետ յուրաքանչյուր փուլում, կարող եք սովորել՝ Ինչպես աշխատել տվյալ շրջանում, այլ ոչ թե պայքարել դրա դեմ. անհրաժեշտ է պլանավորել ձեր կյանքը՝ գործուն մնալու համար:
Ինչու է կարևոր, որ դուք հասկանաք ձեր ֆիզիոլոգիան և գործեք դրան զուգահեռ
Իրոք, հորմոնալ փոփոխությունները կարող են որոշ կանանց բավականին տհաճ զգացողություններ հաղորդել՝ ինչպես հուզական, այնպես էլ ֆիզիկական: Բայց այս գործընթացները հասկանալ և զգալ սովորելը շատ ավելի արդյունավետ է, քան անտեսելը կամ ձևացնելը, թե ոչինչ չի պատահում:
Ինչպես է գործում դաշտանային ցիկլը, և ինչպես պլանավորել գործերը տարբեր փուլերում
Նորմալ դաշտանային ցիկլը և օվուլյացիայի վերահսկումը կարգավորվում են երեք հիմնական հորմոններով` էստրոգեն, պրոգեստերոն և տեստոստերոն: Նրանց ազդեցությամբ կանանց մարմինը ամեն ամիս անցնում է չորս հիմնական փուլ․
1. Բուն դաշտան
Ինչ է կատարվում
Սա դաշտանային արյունահոսության առաջինից մինչև վերջին օրվա ժամանակահատվածն է, և դրա սովորական տևողությունը 3-7 օր է: Դաշտանի ընթացքում կանանց հիմնական հորմոնների մակարդակը մնում է ցածր:
Ինչպես է դա ազդում գործունեության վրա
Այս ժամանակահատվածում ուշադրությունը, էներգիան և ստեղծագործականությունը գրեթե զրոյի են հասնում: Կինը զգում է հոգնածություն, հյուծվածություն, քնկոտություն, ցրվածություն:
Ինչպես պլանավորել գործերը
• Եթե հանգամանքները թույլ են տալիս, արձակուրդ վերցրեք, պառկեք, լավ քնեք:
• Եթե չեք կարողանում արձակուրդ վերցնել, այնուամենայնիվ մի փոքր հանգստացեք և աշխատեք հանգիստ տեմպերով:
• Փորձեք հետաձգել առաջադրանքներն ու նախագծերը, որոնք պահանջում են կենտրոնացում և լիարժեք նվիրվածություն:
• Հոգ տարեք ձեր մասին և վերականգնելու հնարավորություն գտեք։
• Կարևոր հանդիպումներ մի նշանակեք այդ օրերի համար:
2. Ֆոլիկուլյար փուլ
Ինչ է կատարվում
Մարմինը սկսում է նախապատրաստվել հնարավոր հղիությանը, արգանդի լորձաթաղանթի հաստությունը մեծանում է: Էստրոգենի մակարդակը կտրուկ բարձրանում է: Տեստոստերոնի մակարդակը մնում է համեմատաբար ցածր և փոքր-ինչ բարձրանում է ֆոլիկուլյար փուլի ավարտին: Միջինում դա տևում է 16 օր:
Ինչպես է դա ազդում գործունեության վրա
Էստրոգենի մակարդակի բարձրացման հետ մեկտեղ արտադրողականությունը նույնպես կտրուկ բարձրանում է: Կինը էներգիայի ալիք է զգում, դառնում է ավելի կենտրոնացած և ակտիվ: Սա սովորելու, նոր նախագծեր սկսելու և ձեր նպատակին հասնելու լավագույն ժամանակն է:
Ինչպես պլանավորել գործերը
• Ստեղծագործեք, ստեղծեք գաղափարներ
• Ձեր օրագրում գրեք այն մեծ, դժվար խնդիրները, որոնք հետաձգում եք ցիկլի հենց սկզբում
• Ժամանակ հատկացրեք դժվար լուծելի խնդիրներին
• Սովորեք
Մի խոսքով՝ այս երկու շաբաթն ակտիվ օգտագործեք ձեր գործերի համար
3. Օվուլյացիա
Ինչ է կատարվում
Ձվարանում հասուն ֆոլիկուլի թաղանթը պատռվում է, ձվաբջիջը շարժվում է դեպի արգանդի խոռոչ: Այս գործընթացը տևում է մոտ 24 ժամ, իսկ հորմոնների մակարդակի փոփոխությունները ձգվում են շուրջ 3-4 օր. էստրոգենի մակարդակը հասնում է գագաթնակետին։
Ինչպես է դա ազդում գործունեության վրա
Կենտրոնացումը, էներգիան, ուշադրությունը, ստեղծագործականությունը դեռ բարձր են: Եթե, իհարկե, չունեք ցավոտ զգացողություններ։
Ինչպես պլանավորել գործերը
Կարևոր հանդիպումներ և դժվար զրույցներ, որոնք վճռականություն են պահանջում, լավագույնս պլանավորված են այս օրերին:
Օվուլյացիան՝ ձվազատման փուլը, առավել «արտառոց» ժամանակահատվածն է, երբ կարող եք պլանավորել նոր ծանոթություններ, հետաքրքիր համագործակցություններ, համատեղ ստեղծագործական նախագծեր և շփումներ ընկերների հետ:
Փորձեք համարձակության և ակտիվության պոռթկումն օգտագործել երկար նախագիծը «ավարտելու» համար:
4. Լյուտեինային փուլ
Ինչ է կատարվում
Եթե ձվաբջիջը մնում է չբեղմնավորված, և հղիություն տեղի չի ունենում, արգանդը պատրաստվում է մերժել ֆունկցիոնալ էնդոմետրիումը: Էստրոգենի մակարդակը նվազում է, պրոգեստերոնի մակարդակը նախ բարձրանում է (պրոգեստերոնի գագաթնակետը լյուտեինային փուլի սկզբում), իսկ հետո կտրուկ իջնում է: Լյուտեինային փուլը տևում է 12-14 օր:
Ինչպես է դա ազդում արտադրողականության վրա
Պրոգեստերոնի բարձր մակարդակի պատճառով գործունեության մակարդակը նվազում է։ Գալիս է հանգիստ շրջան, երբ ցանկանում եք ժամանակ անցկացնել ինքներդ ձեզ հետ և հանգստանալ: Երբեմն լյուտեինային փուլում կանայք դառնում են նվնվան և դյուրագրգիռ, նրանց ախորժակը մեծանում է:
Ինչպես պլանավորել գործերը
• Հնարավորության դեպքում նախընտրեք բաներ, որոնց վրա կարող եք աշխատել միայնակ, ոչ թե խմբով:
• Հոգ տարեք ձեր մասին
• Քնեք օրական առնվազն 7 ժամ
• Հանգստացեք, եթե հոգնած եք
• Ընտրեք սովորական աշխատանքային առաջադրանքներ, որոնք մեծ ջանք և ուշադրություն չեն պահանջում
• Պատասխանեք ստանդարտ նամակներին, խմբագրեք ծրագիր կամ զեկույց, կարգի բերեք փաստաթղթերը, կազմեք ցուցակներ և աղյուսակներ, հավաքեք անհրաժեշտ տեղեկատվություն:
• Օգտագործեք այս ժամանակը ինքներդ ձեզ հասկանալու, վերջին իրադարձությունները վերլուծելու և առաջիկա շաբաթների համար ծրագրեր կազմելու համար:
Ինչպես հետևել դաշտանային ցիկլի փուլերին
Դաշտանային օրացույց պահելը ամենաապահով և դյուրին միջոցն է: Դա կարող եք անել թղթի վրա՝ ինքներդ ափսե նկարելով կամ համացանցից տպելով, կամ կարող եք օգտագործել հատուկ ծրագրեր:
Ցիկլի սկիզբը դաշտանային արյունահոսության առաջին օրն է, իսկ երբ ավարտվում է, նշվում է որպես վերջին օր։
Օվուլյացիա
Եթե դուք չեք զգում դա, կարող եք որոշել հատուկ թեստերի միջոցով, որոնք վաճառվում են դեղատանը: Կանոնավոր ցիկլ ունեցող կանանց մոտ օվուլյացիան տեղի է ունենում հենց մեջտեղում՝ ժամանակահատվածների միջև:
Դաշտանի օրացույցի վրա կարող եք նշել նաև, թե որ օրը ձեզ ինչպես եք զգում և նշումներ կատարել։ Բացի այդ՝ օրացույցի միջոցով կարող եք ժամանակին հայտնաբերել գինեկոլոգիական խնդիրները կամ հղիությունը։

 

Աղբյուրը

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Անպտղության բուժման և հղիության բարդությունների մեծ ռիսկի միջև կապը

Անպտղության բուժման և հղիության բարդությունների մեծ ռիսկի միջև կապը

Ըստ ուսումնասիրությունների՝  կանայք, ովքեր ստացել են անպտղության բուժում, օրինակ`արտամարմնային բեղմնավորում, ավելի մեծ հավանականությամբ՝ բարդություններ են ունենում հղիության ընթացքում

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Աշխարհում շուրջ 100 միլիոն կին օգտագործում է հորմոնալ հակաբեղմնավորիչներ