Սեքս-խաղալիքներ. ինչո՞ւ են անհրաժեշտ և ինչպե՞ս ընտրել դրանք

Սեքս-խաղալիքներ. ինչո՞ւ են  անհրաժեշտ և ինչպե՞ս ընտրել դրանք

Ինչո՞ւ փորձել սեքս-խաղալիքներ

«Ամեն ինչ պետք է բնական լինի»,-ասում են ոմանք: «Բայց ի՞նչ իմաստ ունի բնականը՝ առանց օրգազմի»,-պնդում են մյուսները:

Այսպիսով, առաջին պատճառը հաճույք ստանալն է: Սա հատկապես ճիշտ է այն կանանց համար, ովքեր դժվարանում են հասնել օրգազմի առանց ուժեղ կլիտորական խթանման, իսկ տղամարդիկ հակված են արագ սերմնաժայթքման: Երկրորդ պատճառը՝ սեքս-խաղալիքները զույգի կյանքում առաջացնում են բազմազանություն: Իհարկե, ամբողջովին չեն  փոխարինում  մարդուն(չնայած այդ ուղղությամբ աշխատում են սեքս-ռոբոտներ արտադրողները), բայց գորշ առօրյան  հաստատ լուսավորում են: Նույնը վերաբերում է նաև այն մարդկանց, ովքեր երկար ժամանակ փոխհարաբերություններ ունեն: Մի քիչ  բազմազանությունը միայն կթարմացնի միությունը:

Ի վերջո, նույնիսկ սեռական խաղալիքներ գնելը կարող է վերածվել փոքրիկ արկածախնդրության: Պայմանով, որ դրա համար միասին գնաք մեծահասակների խանութ, ոչ թե գնեք մասնագիտացված կայքերից: Դե, եթե իհարկե, այն արդեն սովորական չի դարձել զույգի համար:

 Ինչպե՞ս ընտրել սեքս-խաղալիքներ

Սկսնակը կարող է շփոթվել սեքս-խաղալիքների աշխարհում: Հետևաբար՝ օպտիմալ լուծումն այն է, որ որոշեք, թե ո՞ր տեսակի խթանն է ձեզ անհրաժեշտ և ընտրեք ամենապարզ մոդելը: Շտապելով գնել բազմաֆունկցիոնալ և թանկ սարք՝  ռիսկի եք դիմում և կարող եք գումարը վատնել ապարդյուն։ Սկսե՛ք հիմնականից, ամենապարզից: Դրանից հետո պարզ կդառնա, թե անհրաժեշտ է արդյոք այն ձեզ:

  Օգտագործողների մեկնաբանությունները նույնպես օգտակար են: Նրանք կօգնեն ձեզ ավելի ամբողջական պատկերացում կազմելու ապագա գնումների մասին:Նրանց համար, ովքեր ցանկանում են հնարավորինս շատ սարքեր փորձարկել, հուշում. սկսե՛ք էժան ապրանքներից: Դրանք հարմար չեն երկարաժամկետ օգտագործման համար, բայց հստակ ցույց կտան, թե ինչ է անհրաժեշտ: Հետո դուք կարող եք ավելի լավ որակի մոդել ընտրել:

 Նյութեր

Ոչ ծակոտկեն նյութերից պատրաստված սարքերը համարվում են լավագույնը: Նյութեր` սիլիկոն, ապակի և չժանգոտվող պողպատ: Նրանց կառուցվածքը թույլ չի տալիս, որ մանրէները ներթափանցեն: Օգտագործողների համար սա նշանակում է խնամքի, անվտանգության և երկարաժամկետ շահագործման հեշտություն: ABS-պլաստիկ, ջերմապլաստիկ էլաստոմեր (TPE) և ջերմապլաստիկ ռետին (TPR), հիմնականում հիպոալերգեն են և անվտանգ: Բայց դրանք վերաբերում են ծակոտկեն նյութերին, հետևաբար, պահանջում են ավելի զգույշ սպասարկում և զգուշություն օգտագործման ընթացքում:

Լատեքսը նաև հակասական նյութ է: Դա կարող է ալերգիա առաջացնել, ունենալ տհաճ հոտ և, առավել ևս, շատ ամուր չէ:

Ինչպե՞ս խաղալիքներ ավելացնել զույգի սեռական կյանքում

Անհրաժեշտ է պատմել զուգընկերոջը ձեր ցանկության մասին: Սեռական խաղալիքներն ունեն  մի քանի կանոն:Նախ, զուգընկերոջ հետ քննարկեք դրանց օգտագործման հնարավորությունը: Եղե՛ք նրբանկատ, որպեսզի նա չկարծի, որ դուք դժգոհ եք ձեր սեռական կյանքից։ Նախքան սարքը ընդհանուր խաղի մեջ մտցնելը, փորձարկե՛ք այն ինքներդ։ Առաջին վատ տպավորությունը կարող է երկար ժամանակ վերացնել կրկին փորձելու ցանկությունը: Ամեն դեպքում, ավելի լավ է խաղալիքները նրբորեն և զգուշորեն օգտագործել: Պետք է փորձել  գտնել կիրառման օպտիմալ մեթոդը: Եթե երկար ժամանակ խաղալիքների երկրպագու եք և ցանկանում եք ներկայացնել այն  ձեր զուգընկերոջը, ընտրե՛ք  ճիշտ պահ: Առաջին սեռական շփման ժամանակ  ավելի լավ է չօգտագործել այդպիսի նորություններ․ նոր տպավորություններն արդեն  բավարար են: Բայց  չարժի շատ հետաձգել, հակառակ դեպքում, կարող եք տպավորություն թողնել, որ ամաչում եք և գաղտնի եք պահում։

 Նախազգուշական միջոցներ

Օգտագործելուց առաջ կարդացե՛ք հրահանգները:Հիշե՛ք հիգիենայի կանոնները: Օգտագործելուց առաջ և հետո միշտ ձեռքերը լվացե՛ք:

Խաղալիքները  նույնպես պետք է լվացվեն (գերադասելի է հակաբակտերիալ օճառով) և պահվել մաքուր տեղում: Որոշ սարքեր հատուկ խնամք են պահանջում, այնպես որ մի՛ մոռացեք կարդալ հրահանգները: Ավելի լավ է խաղալիքները բաց եղանակով չորացնել: Եթե չունեք նման հնարավորություն, օգտագործեք սրբիչ: Բայց նախքան սարքը թաքցնելը, համոզվեք, որ յուրաքանչյուր մասնիկ չոր է:

Փորձե՛ք օգտագործել պահպանակ: Հատկապես, եթե ձեր խաղալիքը ծակոտկեն է։ Հակառակ դեպքում, դուք կարող եք վարակվել որևէ հիվանդությամբ։ Մի՛ օգտագործեք նույն խաղալիքը անալի համար, իսկ հետո անմիջապես` հեշտոցի (և հակառակը): Վարակման մեծ վտանգ  կա։ Այնուամենայնիվ, պահպանակները կարող են լուծել այս խնդիրը: Եթե օգտագործում եք ինտիմ քսուքներ, հիշեք. սիլիկոնային արտադրանքների համար ջրի հիմքով քսանյութերը հարմար են: Այլ քսուքները կարող են վնասել խաղալիքը: Քսուքը պետք է փորձարկել նախ մաշկի վրա, համոզվել, որ  այն ձեզ մոտ ալերգիկ ռեակցիա չի առաջացնում:

Աղբյուրը