Հայաստանում շոգ ամառ է, և դիմակներ դնելը դարձել է առավել ծանր:
Ինչպես հոգ տանեք առողջության մասին, որպեսզի մյուս կողմից էլ վնաս չհասցնեք ձեր շնչառությա՞նը:
Ընտրեք բնական նյութերից պատրաստված և շնչող դիմակներ։
Եթե դիմակը կիպ եք դնում, այն շոգ եղանակին խանգարում է շնչելու:
Սա վերաբերում է նաև շնչառական սարքերին․ դրանք չեն ապահովում բավարար
քանակությամբ օդ: Դրեք ավելի բարակ դիմակներ, որոնք նույնպես շատ լավ
պաշտպանում են տարատեսակ վարակներից: Բամբակե բարակ կտորից պատրաստված կրկնակի դիմակները թույլ են տալիս ավելի լավ շնչել, քան սինթետիկ նյութերից պատրաստվածները, ինչպես նաև գրեթե չեն կուտակում արեգակնային ջերմություն:
Խուսափեք պզուկների առաջացումից
Օրվա ընթացքում երկար ժամանակ դիմակ դնելը կարող է նպաստել պզուկների առաջացմանը: Որպեսզի խուսափեք այդօրինակ տհաճ երևույթներից, ընտրեք բամբակյա կտորից դիմակներ կամ ավելի հաճախ փոխեք միանգամյա օգտագործման դիմակները: Ընտրեք ավելի լայն դիմակ, որպեսզի հնարավորինս նվազեցնեք դեմքի հետ շփումը:
Վերցրեք մի քանի դիմակ
Եթե նախատեսում եք բավական երկար ժամանակ մնալ մարդաշատ վայրում, լրացուցիչ դիմակներ վերցրեք ձեզ հետ և ժամանակ առ ժամանակ փոխեք: Քրտինքը և թուքը կեղտոտում են դիմակի ներքին շերտը, այն դառնում է ավելի
անարդյունավետ, իսկ հետո՝ անօգուտ: Փոխեք դիմակը, եթե այն թրջվում է կամ
պարզապես ձեռք եք տվել առանց լվացվելու:
Խուսափեք գերտաքացումից
Փորձեք արևի տակ երկար ժամանակ չմնալ և ավելի շատ ջուր խմել:
Շնչառական հիվանդություններ ունեցող մարդկանց համար դիմակ դնելը կարող է վտանգավոր լինել․ նրանք պետք է հետևեն լրացուցիչ պաշտպանական
միջոցառումների:
Գնահատեք հանդիպման կարևորությունը
Հատկապես շոգ եղանակին տնից դուրս եկեք անհետաձգելի գործեր ունենալու դեպքում միայն։ Եթե դիմակ դրած լավ չեք զգում, առավել ևս, մտածեք՝ արդյոք արժե շոգին դուրս գալ փողոց: Եթե շատ կարևոր չէ հանդիպումը ընկերների հետ, փորձեք հետաձգել այն։
2726
