Օրեգանո․ օգտակար և վնասակար հատկությունները

Օրեգանո․ օգտակար և վնասակար հատկությունները

Օրեգանոն դեռևս վաղ ժամանակներից հայտնի համեմունք է, նույն ինքը խնկածաղիկն (душица) է:

Բույսը պարունակում է մինչև 1,5% եթերայուղ, դաբաղանյութեր, ֆլավոնոիդներ, սեսկվիտերպեններ, գերանիլացետատ, տույոն, պիգմենտ, C վիտամին (ցողունի մեջ՝ 58, ծաղիկներում՝ 166, տերևներում 565 մգ %)։ Տերևներում հայտնաբերված է նաև կարոտին, իսկ սերմերում՝ մինչև 28% ճարպայուղ։ Եթերայուղի 20-50%-ը կազմում են թիմոլը և նրա իզոմեր կարվակրոլը։

Թիմոլը թողնում է ցավազրկող և հակասեպտիկ ազդեցություն, իսկ կարվակրոլը՝ հակաբորբոքային և հակաօքսիդանտ։ Պարունակում է վիտամին А, K, E, C, ինչպես նաև В խմբի վիտամիններ, դաբաղանյութեր, որոնք նպաստում են օրգանիզմից տոքսինների և խարանների արդյունավետ վերացմանը։

Խոլինը լավ է ազդում նյարդային համակարգի վրա և կարգավորում է ճարպափոխանակությունն ու խոլեստերինի մակարդակը։ Բույսն ունի ամրացնող, խթանող, միզամուղ, խորխաբեր, մանրէասպան, քրտնամուղ, հանգստացնող, ախտահանող և իմունոմոդուլացնող ազդեցություն։

Դրական ազդեցություն է թողնում հատկապես կնոջ օրգանիզմի վրա, քանի որ խթանող և  տոնուսավորող ազդեցություն է գործում արգանդի հարթ մկանունքի վրա, կարգավորում է դաշտանային ցիկլը, մեղմում դաշտանային ցավը և կիրառվում է դաշտանի ուշացման դեպքում։ Լավացնում է լակտացիան։

Այն որպես դեղաբույս հայտնի է եղել դեռևս հին հռոմեացիներին, իսկ տարբեր երկրների ժողովրդական բժշկության մեջ կիրառվել է մաշկային զանազան հիվանդությունների՝ գորտնուկի, խոցի, քոսի, քաղցկեղի ժամանակ։ Կաթնահյութով բուժել են ոտքերի կոշտուկները, դեմքի պեպենները, տերևների փոշին ցանիլ են ինֆեկցված վերքերի վրա կամ այդ նպատակով անմիջապես օգտագործվել է թարմ տերևը։ Դեղաբույսը ջրաթուրմի ձևով օգտագործվել է լեղուղիների հիվանդությունների, գեղձախտի, ստամոքսաաղիքային տրակտի բորբոքումների, հատկապես լուծի ժամանակ։

Հակացուցումները

Հակացուցված է հղի կանանց, քանի որ կարող է վիժում առաջացնել։ Չի թույլատրվում օգտագործել նաև ստամոքսի բարձր թթվայնության և հիպերտոնիկ հիվանդության դեպքում։  

 

Աղբյուրը

Արյան առողջությունը ապահովող սնունդ

Արյան առողջությունը ապահովող սնունդ

Արյունը մեր բջիջներին մատակարարում է նրանց կյանքի և առողջության համար անհրաժեշտ ամեն ինչ:Արյան որակը ամբողջ օրգանիզմի առողջության վրա ազդող հիմնական գործոններից է...

Կոլրաբի․ օգտակար և վնասակար հատկությունները

Կոլրաբի․ օգտակար և վնասակար հատկությունները

Կոլրաբին պատկանում է կաղամբի ընտանիքին, անվանումը կարելի է թարգմանել որպես «կաղամբ-շաղգամ»

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Մթերքներ, որոնք ցանկալի չէ ուտել հղիության ընթացքում

Մթերքներ, որոնք ցանկալի չէ ուտել հղիության ընթացքում

Հղիությունը յուրահատուկ շրջան է օրգանիզմի համար, և ցանկանաք, թե ոչ, պետք է հրաժարվեք որոշ ուտելիքներից կամ էլ գոնե սահմանափակեք դրանց քանակը, որպեսզի չվնասեք ինչպես ձեզ, այնպես էլ երեխային․․․