C-պեպտիդ (C-peptide)

C-պեպտիդ (C-peptide)

C-պեպտիդը ձևավորվում է ենթաստամոքսային գեղձի β-բջիջներում որպես պրոինսուլինի ֆերմենտատիվ ճեղքման կողմնակի արդյունք։ Շիճուկային C-պեպտիդի որոշումը ախտորոշիչ մեծ նշանակություն ունի ինսուլինի արտազատման խանգարում ունեցող պացիենտների դեպքում, հատուկ կարևորություն ունի նաև հիպերինսուլինեմիայի դեպքում, երբ պացիենտն ինքն իրեն ինսուլին է նշանակած լինում (այդ դեպքում ցուցանիշը բարձր է լինում)։

Գլյուկոզայի հանդեպ տոլերանտության թեստի գնահատման ժամանակ այն կարելի է օգտագործել նաև որպես հավելյալ մարկեր։

Հետազոտության անցկացման ցուցումները

Հետազոտությունը կարող է նշանակվել հետևյալ դեպքերում՝

  • ենթաստամոքսային գեղձի β-բջիջների արտազատիչ ֆունկցիայի գնահատում,

  • ինսուլինաթերապիա անցնող պացիենտների դեպքում էնդոգեն ինսուլինի մակարդակի գնահատում,

  • ինսուլինոմայի վիրահատական բուժումից հետո անցկացվող մոնիթորինգ։

Նախապատրաստում հետազոտությանը

Հետազոտությունից օրեր առաջ պետք է զերծ մնալ ալկոհոլից։ Արյունը հարկավոր է հանձնել առավոտյան՝ գիշերվա քաղցած վիճակից հետո (վերջին անգամ պետք է սնվել հետազոտությունից 10-12 ժամ առաջ)։

Հետազոտության արդյունքների վրա ազդող գործոնները

Այդպիսի գործոններն են՝

  • հեմոլիզը,

  • խիլյոզը և այլն։

Արդյունքը

Հետազոտության բարձր ցուցանիշները վկայում են հետևյալ խնդիրների մասին՝

  • ինսուլինոմա,

  • երիկամային քրոնիկ անբավարարություն։

Ցածր ցուցանիշները վկայում են հետևյալ խնդիրների մասին՝

  • շաքարային դիաբետ (I և II տիպի),

  • էկզոգեն ինսուլինի ներարկում և այլն։

 

Աղբյուրը՝ likar.info

Թիրեոտրոպ հորմոն

Թիրեոտրոպ հորմոն

Թիրեոտրոպ հորմոնը (ռուս․` ТТГ) արտադրվում է հիպոֆիզի կողմից և վահանաձև գեղձի հիմնական կարգավորիչն է համարվում...

Հոմոցիստեին

Հոմոցիստեին

Հոմոցիստեինի փոխանակության գործում կարևոր դեր են խաղում В6, В12 վիտամինները և ֆոլաթթուն․․․

Հակամյուլլերյան հորմոն

Հակամյուլլերյան հորմոն

Հակամյուլլերյան հորմոնը վերարտադրողական տարիքի կնոջ օվարիալ ռեզերվի մարկեր է...

Ինսուլինը և հղիությունը

Ինսուլինը և հղիությունը

Հղիության առաջին եռամսյակում կնոջ օրգանիզմը հնարավոր է ավելի զգայուն լինի ինսուլինի հանդեպ, ինչը մեծացնում է ․․․