Գինեկոլոգիական խորհրդատվություն

Գինեկոլոգիական խորհրդատվություն

Շատ հաճախ ամոթը և վախը խանգարում են կնոջն այցելել գինեկոլոգիական զննման: Նրանց վախեցնում է և՛ պրոցեդուրան, և՛ բժիշկը, երբեմն էլ հենց գինեկոլոգիական աթոռը: Յուրաքանչյուր կնոջ համար պարտադիր է տարվա ընթացքում 2 անգամ գինեկոլոգիական ընթացիկ զննում անցնելը: Հիշե՛ք, որ գինեկոլոգիական կանխարգելիչ ստուգումներն օգնում են ճիշտ ժամանակին վերացնել արդեն զարգացող հիվանդությունը, իսկ գինեկոլոգի՝ ճիշտ ժամանակին խորհրդատվությունը կարող է զերծ պահել մի շարք հիվանդությունների առաջացումից:

Ինչպե՞ս պատրաստվել գինեկոլոգիական հետազոտությանը

Գինեկոլոգին այցելելուց առաջ պետք է ցնցուղ ընդունել, բայց մանրարկրկիտ լվացումն ունենում է բացասական ազդեցություն, քանի որ բժշկին անհրաժեշտ է տեսնել հեշտոցի ֆլորայի իրական վիճակը: Զննման համար հարկավոր չէ սափրել մազերը: Եթե ընդունել եք հակաբիոտիկներ, ապա գինեկոլոգի զննումը պետք է տեղի ունենա դեղորայքի ընդունումը վերջացնելուց երկու շաբաթ անց, քանի որ սա նույնպես կարող է հանգեցնել սխալ արդյունքի: Եթե պետք է քսուք հանձնեք, ապա ավելի լավ է դա անել դաշտանից առաջ կամ անմիջապես հետո: Մի մոռացեք նաև, որ դաշտանից հետո զննումն առավել արդյունավետ է գինեկոլոգի համար: Խորհուրդ չի տրվում գինեկոլոգի խորհրդատվությունից մեկ օր առաջ սեռական հարաբերություն ունենալ, քանի որ հեշտոցում մնացած սերմնահեղուկի պատճառով կարող են արդյունքները սխալ լինել:

Ինչպե՞ս է անցկացվում գինեկոլոգիական զննումը

Զննումն սկսվում է զրույցից: Սկզբում մասնագետը հարցեր է տալիս և լրացնում է բժշկական քարտը: Որոշ հարցեր կարող են ոչ տեղին թվալ ձեզ, բայց նրանց պետք է ազնվորեն պատասխանել, քանի որ դրանք ուղղակիորեն կապված են ձեր առողջության հետ: Գինեկոլոգի զննումը կարող է ներառել նաև այնպիսի միջոցառումներ, ինչպիսիք են ճնշման չափումը, քաշի և հասակի որոշումը։ Այնուհետև բժիշկն անցնում է սեռական օրգանների զննմանը: Դրա համար կնոջը հարկավոր է պառկել հատուկ գինեկոլոգիական աթոռին այնպես, որ լիովին ապահովվի գինեկոլոգի համար պահանջվող աշխատանքային դաշտ: Արտաքին զննումն ավարտելուց հետո բժիշկն անցնում է ներհեշտոցային զննմանը: Հատուկ գործիքների օգնությամբ նա ուսումնասիրում է հեշտոցի պատերը և արգանդի վզիկի հնարավոր խանգարումները, հիվանդությունները և շեղումները: Գինեկոլոգի զննումը ներառում է նաև հեշտոցի հետազոտություն, որը կատարվում է մատների օգնությամբ: Սա բժշկին հնարավորություն է տալիս որոշել արգանդի և ձվարանների չափը: Դուք կարող եք օգնել բժշկին՝ տեղեկացնելով նրան որոշ հատվածներում ցավի զգացողության մասին, երբ նա շոշափում է: Երբեմն, երբ տվյալները բավարար չեն (օրինակ կույս աղջիկներին հետազոտելու ժամանակ), գինեկոլոգը կարող է կատարել հետանցքային հետազոտություն:

Որքա՞ն է տևում գինեկոլոգի խորհրդատվությունը

Գինեկոլոգի խորհրդատվությունը ընդհանուր առմամբ տևում է 30-40 րոպե: Փորձեք ստուգման ընթացքում հանգիստ լինել, պատասխանեք բժշկի բոլոր հարցերին և մի ամաչեք հարցեր տալ նրան, քանի որ դրանից է կախված ձեր առողջական վիճակը: Մի մոռացեք այցելել գինեկոլոգին ոչ միայն այն ժամանակ, երբ կա դրա անհրաժեշտությունը, այլև յուրաքանչյուր վեց ամիսը մեկ անգամ՝ գինեկոլոգիական խնդիրների, հիվանդությունների կանխարգելման նպատակով:

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում