Տամպոններ․ ի՞նչ է պետք իմանալ

Տամպոններ․ ի՞նչ է պետք իմանալ

Նախկինում կանայք տարբեր նյութեր են օգտագործել միջադիրներ և տամպոններ պատրաստելու համար, օրինակ՝ եգիպտացի կանայք փափուկ պապիրուս են օգտագործել, հռոմեացիները՝ բրդե տամպոններ, աֆրիկացիները՝ փափուկ բամբուկ և այլն։ Ժամանակակից աշխարհում այդ ամենը կատարելության է հասել և՛ նյութերի, և՛ հարմարավետոթյան տեսանկյունից։

Վտանգավոր չե՞ն տամպոնները

Ոչ, լիովին անվտանգ են։ Օգտագործման կանոնները պահելու, հաճախակի փոխելու դեպքում տամպոնն ինքնին անվնաս է և չի խախտում հեշտոցի միկրոֆլորան։

Ինչպե՞ս տեղադրել տամպոնը

Եթե անհարմարավետություն եք զգում, ուրեմն տամպոնը սխալ եք տեղադրել։ Ուշադիր կարդացեք տուփում առկա ցուցումների թերթիկը։ Ներծծելով դաշտանային արտադրությունը՝ այն երկարում է, լայնանում և ընդունում հեշտոցի չափսը։ Ի դեպ՝ տամպոնի թելը, որի օգնությամբ հեռացնում եք այն, բավականին ամուր է և չի կարող պոկվել քաշելիս։

Հնարավո՞ր է, որ տամպոնը դուրս սահի կամ «կորչի» հեշտոցում

Տամպոնը չի կարող ընկնել, քանի որ հեշտոցի մկանունքն այն ամուր պահում են ներսում, չի կարող նաև ավելի խորը գնալ, քանի որ արգանդի պարանոցի անցքը չափազանց փոքր է տամպոնի համեմատ։

Որքա՞ն հաճախ է պետք փոխել տամպոնը

Տամպոնը հարկավոր է փոխել միջինում 4-6 ժամը մեկ, առատ դաշտանի դեպքում ավելի հաճախ․ այդ մեծապես կախված է արտադրության առատությունից։

Ծննդաբերությունից հետո կարելի՞ է տամպոն օգտագործել

Խորհուրդ կտայինք տամպոնն օգտագործել առնվազն երկու ցիկլ անցնելուց հետո։

Հնարավո՞ր է, որ տոքսիկ շոկի համախտանիշ առաջանա տամպոնի պատճառով

Եթե կա նախատրամադրվածություն, ապա այդ համախտանիշը կարող է առաջանալ նաև միջադիրներից։ Պատճառը ոսկեգույն ստաֆիլակոկն է, որի հակամարմինները կան պրակտիկորեն բոլորիս օրգանիզմում։ Տամպոնն ինքնին չի վատացնում հեշտոցի ֆլորան և բորբոքում չի առաջացնում։

Կույս աղջիկներին խորհուրդ չի տրվում օգտվել տամպոններից:

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի