Ընկերքի վաղաժամ հասունացում

Ընկերքի վաղաժամ հասունացում

Ընկերքի վաղաժամ հասունացումը կլինիկորեն չի դրսևորվում, ախտորոշվում է միայն պլանային սկրինինգի ընթացքում։ Պաթոլոգիայի առաջացմանը նպաստում են շրջակա միջավայրի անբարենպաստ գործոնները, հղի կնոջ վնասակար սովորությունները (ծխախոտ, ալկոհոլ, հոգեակտիվ նյութերի օգտագործում և այլն)։

Խանգարումը հաճախ ի հայտ է գալիս այն կանանց դեպքում, որոնք չափազանց նիհար են կամ գեր, նստակյաց և անառողջ ապրելակերպ են վարում։

Հիմնական պատճառներն են՝

  • այլ օրգանների հիվանդություններ՝ երիկամների հիվանդություններ, զարկերակային գերճնշում, շաքարային դիաբետ, հիպոթիրեոզ, հիպերթիրեոզ և այլն, 
  • վերարտադրողական օրգանների քրոնիկ հիվանդություններ, 
  • գեստոզներ, 
  • վարակիչ հիվանդություններ, 
  • պտղի և մոր իզոսերոլոգիական անհամատեղելիություն և այլն։ 

Ախտանշանները

Ընկերքի վաղաժամ հասունացումը կլինիկորեն չի արտահայտվում և հայտնաբերվում է միայն գործիքային հետազոտության ընթացքում։ Սուր հիվանդությունների, քրոնիկ հիվանդությունների սրման կամ հղիության բարդությունների բացակայության դեպքում սովորաբար որևէ գանգատ չի լինում։

Ընկերքային զգալի անբավարարության դեպքում, որն ի հայտ է եկել ընկերքի վաղաժամ հասունացման պատճառով, հնարավոր է՝ պտղի ակտիվության փոփոխություն դիտվի՝ շարժումների ինտենսիվության հաճախակիացում։

Ախտորոշում

Ախտորոշումն իրականացվում է պտղի, արգանդի և ընկերքի ՈւՁՀ-ի և արգանդաընկերքային արյան հոսքի դոպլերամետրիայի միջոցով։ Հաշվի առնելով պտուղընկերքային (ֆետոպլացենտար) անբավարարության առաջացման վտանգը՝ անհրաժեշտ է վերահսկել պտղի վիճակը ֆետոմետրիայի և ԿՏԳ-ի միջոցով։

Բուժումը

Հղիության վարման հիմնական խնդիրը պաթոլոգիան առաջացրած խանգարումների շտկումն է, արգանդընկերքային արյան հոսքի կարգավորումը, ծննդալուծման լավագույն մեթոդի և ժամկետի որոշումը։ Նախածննդաբերական շրջանում հղիության վարումը կախված է այն ժամկետից, երբ հայտնաբերվել է ընկերքի վաղաժամ հասունացումը։

Ընկերքի վաղաժամ հասունացման ախտորոշման ժամկետից անկախ բուժվում է հիմնական հիվանդությունը՝ հակաբիոտիկների, հորմոնային թերապիայի, սրտանոթային համակարգի վրա ազդող և այլ դեղամիջոցների օգտագործմամբ։ Զուգահեռ նշանակվում է նաև պտղի արյան հոսքը լավացնող դեղամիջոցներ:

Դեղորայքային բուժումը լրացվում է ոչ դեղորայքային մեթոդներով՝ շարժողական ռացիոնալ ակտիվություն, սննդակարգի շտկում, քնի և հանգստի ռեժիմի կարգավորում։

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Ալկոհոլը կրծքով կերակրման ընթացքում

Ալկոհոլը կրծքով կերակրման ընթացքում

Լակտացիայի շրջանում ալկոհոլի օգտագործումը քիչ ուսումնասիրված հարց է։ Մայրիկները հաճախ են լսում հակասական խորհուրդներ, թե ինչպես է ազդում ալկոհոլը երեխայի վրա․․․

Ցիստիտը հղիության ընթացքում

Ցիստիտը հղիության ընթացքում

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա․․․

Մագնիումի դերը հղիության ընթացքում

Մագնիումի դերը հղիության ընթացքում

Մագնիումի պակասն առանձնահատուկ զգացվում է հղիության շրջանում, քանի որ այն մասնակցում է փոքրիկի պրակտիկորեն բոլոր օրգանների կազմավորմանը և․․․․