Արգանդի և հավելումների ՈւՁՀ

Արգանդի և հավելումների ՈւՁՀ

Արգանդի և հավելումների ՈւՁՀ-ն ֆունկցիոնալ ախտորոշման մեթոդ է, որը թույլ է տալիս արագ և անցավ հայտնաբերել կնոջ սեռական համակարգի օրգանների հյուսվածքներում կատարված փոփոխությունները։

Ուլտրաձայնային հետազոտության ցուցումներն են՝

  • որովայնի ստորին հատվածի ցավ,
  • անհարմարության զգացում սեռական ակտի ընթացքում, 
  • դաշտանի ցիկլի փոփոխություն, 
  • ախտաբանական արտադրություն։ 

Սովորաբար արգանդի և հավելումների ՈւՁՀ-ն անցկացվում է գինեկոլոգիական խորհրդատվությունից հետո: Այն թույլ է տալիս հայտնաբերել արգանդի խոռոչի պոլիպները, միոման, արգանդի պարանոցի որոշ պաթոլոգիաներ, ինչպես նաև արգանդի քաղցկեղի նշանները։

Հղիության դեպքում ՈւՁՀ-ն օգնում է հետևել պտղի զարգացման ընթացքին և գնահատել այն։ Հազվադեպ է արգանդի և հավելումների ՈւՁՀ-ն կիրառվում որպես առանց ախտանշանների հիվանդությունների բացառման պրոֆիլակտիկ մեթոդ, որովհետև դրա համար բավական է նաև գինեկոլոգիական սովորական զննումը։ Այդ նպատակով կարող է կիրառվել, եթե կինը ԱՄԲ է պլանավորում կամ արդեն իսկ հղի է։

Ինչպե՞ս է կատարվում ՈւՁՀ-ն

Այն ախտորոշման ամենաանցավ և ապահով մեթոդներից է և հատուկ նախապատրաստություն չի պահանջում։ Խորհուրդ է տրվում հետազոտությունից օրեր առաջ խուսափել գազագոյացում առաջացնող մթերքներից՝ կաղամբ, լոբի, գազավորված ըմպելիքներ և այլն։ Իսկ թե դաշտանի ցիկլի որերորդ օրն է պետք անել հետազոտությունը, կասի ձեր բժիշկը, քանի որ այդ կախված է մի շարք գործոններից՝ ըստ խնդրի բնույթի։

Հետազոտությունը կատարվում է երկու եղանակով՝

  • որովայնային, որի դեպքում սարքը սահեցվում է որովայնի վրայով, 
  • ներհեշտոցային, որի դեպքում սարքը մտցվում է հեշտոցի մեջ։ 

ՈւՁՀ-ի արդյունքի մասին հնարավոր է տեղեկանալ անմիջապես հետազոտությունից հետո։

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Հոմոցիստեին

Հոմոցիստեին

Հոմոցիստեինի փոխանակության գործում կարևոր դեր են խաղում В6, В12 վիտամինները և ֆոլաթթուն․․․

Հուզականությունը հղիության ընթացքում․ ի՞նչ անել

Հուզականությունը հղիության ընթացքում․ ի՞նչ անել

Հղիությունն իր ամբողջ էությամբ նոր փորձ է կնոջ համար, նոր փորձ իր հոգեբանական և ֆիզիկական դրսևորումներով։ Ընդ որում յուրաքանչյուր հղիություն տարբերվում է իր նախորդից և միշտ էլ կարող է անակնկալներ մատուցել․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․