Հեշտոցի ատրեզիա

Հեշտոցի ատրեզիա

Հեշտոցի ատրեզիան հեշտոցի պատերի բնածին կամ ձեռքբերովի սերտաճումն է։ Ատրեզիայի դեպքում արգանդը, արգանդի պարանոցը, արգանդափողերը, ձվարանները և արտաքին սեռական օրգանները ճիշտ են գործում, սակայն խանգարված է լինում դաշտանային արյան հոսքը, փակվում է հեշտոցամուտքը և անհնարին է դառնում սեռական կյանքը։

Առաջացման պատճառները

Հեշտոցի բնածին ատրեզիան առաջանում է մյուլլերյան ծորանների ներարգանդային սխալ ձևավորման պատճառով, ինչը պատահում է մի շարք գործոնների ազդեցությամբ (նաև մոր սեռավարակների):

Ձեռքբերովի ատրեզիան կարող է զարգանալ հեշտոցի ծննդաբերական և վիրահատական վնասվածքներից, բորբոքումներից, բժշկական միջամտություններից հետո, ինչպես նաև մանուկ հասակում տարած վարակիչ հիվանդությունների պատճառով (խոզուկ, դիֆտերիա, պարոտիտ և այլն)։

Ախտանշանները

Հեշտոցի բնածին ատրեզիայի դեպքում աղջկա առաջին դաշտանի սկսվելուն պես որովայնի ստորին հատվածում մշտապես կրկնվող ցավ է դիտվում, սակայն դաշտանային արյուն չի երևում։ Կախված ատրեզիայի տեղից՝ դաշտանային արյունը կարող է կուտակվել հեշտոցում և ձգելով լայնացնել վերջինիս, արգանդի և փողերի պատերը։ Հաճախ այն ուղեկցվում է հետանցքի ատրեզիայով, միզային համակարգի ագենեզիայով։ Ատրեզիան նաև խոչընդոտում է սեռական կյանքին ու բեղմնավորմանը և կարող է այլ խդիրներ առաջացնել։

Ախտորոշումը

Ախտորոշման համար կիրառվում են հետևյալ մեթոդները՝ ռեկտովորովայնային հետազոտություն, փոքր կոնքի ուլտրաձայնային հետազոտություն կամ համակարգչային տոմոգրաֆիա, հեշտոցի զոնդավորում և այլն։

Բուժումը

Հեշտոցի ատրեզիայի դեպքում հեշտոցի պլաստիկ վիրահատություն՝ վագինոպլաստիկա է կատարվում, որի ընթացքում հեռացվում է սերտաճումը և վերականգնվում անցանելիությունը։ Վիրահատությունից հետո հեռացվում է կուտակված արյունը։ Հետագայում հակամանրէային թերապիա է նշանակվում։ Ատրեզիայի վերացումից հետո խորհուրդ է տրվում կանոնավոր սեռական կյանք վարել։

Մեջքի ցավը դաշտանի ընթացքում

Մեջքի ցավը դաշտանի ընթացքում

Արգանդը, արգանդափողերը և ձվարանները խաչաձև դիրքով տեղակայված են փոքր կոնքի խոռոչում

Արգանդի վզիկի քաղցկեղ. պատվաստումը կարո՞ղ է պաշտպանել քաղցկեղից և որքանո՞վ է այն անվտանգ

Արգանդի վզիկի քաղցկեղ. պատվաստումը կարո՞ղ է պաշտպանել քաղցկեղից և որքանո՞վ է այն անվտանգ

Խորհուրդ է տրվում 30 տարեկանից հետո առնվազն տարին մեկ անգամ իրականացնել սքրինինգ

Որքա՞ն հաճախ այցելել գինեկոլոգի

Որքա՞ն հաճախ այցելել գինեկոլոգի

Գինեկոլոգին այցելելու ուղեցույցը

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար