Ամենորեա (դաշտանի բացակայություն)

Ամենորեա (դաշտանի բացակայություն)
 

Ամենորեան դաշտանի բացակայությունն է 6 ամիս և ավել տևողությամբ: Այն ինքնուրույն հիվանդություն չէ, այլ ախտանիշ` ոչ միայն վերարտադրողական համակարգի տարբեր մակարդակների ախտահարումների, այլև զանազան նյարդաներզատական բնույթի ախտահարումների, բարորակ և չարորակ նորագոյացությունների ժամանակ:

Ռիսկի գործոնները

Ամենորեա կարող է առաջանալ, եթե կա՝

  • ֆիզիկական ծանրաբեռնվածություն,
  • սննդակարգի խախտումներ (շատակերություն, քաղց),
  • գերհույզեր և այլն:

Տարբերում են առաջնային և երկրորդային ամենորեա: Առաջնային ամենորեան այն է, երբ ի սկզբանե երբևէ դաշտան չի դիտվել: Երկրորդային ամենորեան դաշտանի բացակայությունն է 6 ամիս և ավել տևողությամբ` ի սկզբանե կանոնավոր կամ անկանոն դաշտաններից հետո: Առաջնային ամենորեան կարող է զուգորդվել երկրորդային սեռական նշանների զարգացման խանգարումներով կամ դրսևորվել դրանցից անկախ: Երկրորդային ամենորեան զարգանում է երկրորդային սեռական նշանների բնականոն զարգացմանը զուգահեռ:

Ախտորոշումը

Ամենորեայի մասին են վկայում՝

  • առաջին դաշտանի (մենարխե) բացակայությունը 16 և ավել տարիքում,
  • սեռական հասունացման նշանների (կաթնագեղձեր, սեռական մազածածկ) բացակայությունը 14 և ավել բարձր տարիքում,
  • առաջին դաշտանի (մենարխե) բացակայությունը 3 տարի և ավել` երկրորդային սեռական նշանների ի հայտ գալուց և զարգանալուց հետո,
  • հասակի և մարմնի զանգվածի ցուցանիշների տարիքային (կամ կենսաբանական և օրացույցային տարիքի) անհամապատասխանությունը:

Բուժման նպատակը

Բուժումն ուղղված է դաշտանի վերականգնմանը, հորմոնային խանգարումների կարգավորմանը, վերարտադրողական համակարգի զարգացման անատոմիական շեղումների շտկմանը և հետագա վերականգնմանը:

 

Աղբյուրը

Էստրոգենի ազդեցությունը օստեոպորոզի զարգացման վրա

Էստրոգենի ազդեցությունը օստեոպորոզի զարգացման վրա

1980-ականներին մարդկային օստեոբլաստների վրա հայտնաբերվել են ընկալիչներ էստրոգենի նկատմամբ, որոնք առաջ են բերել էստրոգենների և օստեոցիտների փոխհարաբերությունների տեսությունը

Անպտղության բուժման և հղիության բարդությունների մեծ ռիսկի միջև կապը

Անպտղության բուժման և հղիության բարդությունների մեծ ռիսկի միջև կապը

Ըստ ուսումնասիրությունների՝  կանայք, ովքեր ստացել են անպտղության բուժում, օրինակ`արտամարմնային բեղմնավորում, ավելի մեծ հավանականությամբ՝ բարդություններ են ունենում հղիության ընթացքում

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Աշխարհում շուրջ 100 միլիոն կին օգտագործում է հորմոնալ հակաբեղմնավորիչներ

Փորլուծությունը մեծահասակների մոտ 

Փորլուծությունը մեծահասակների մոտ 

Մեծահասակների մոտ լուծը կարող է ունենալ նաև ոչ վարակիչ բնույթ՝ հաճախ լինելով հիվանդության միակ ախտանիշը: