Ինչո՞ւ է կլիմաքսի ընթացքում անհրաժեշտ վիտամին D3-ը

Ինչո՞ւ է կլիմաքսի ընթացքում անհրաժեշտ վիտամին D3-ը

Կլիմաքսի ընթացքում վիտամին D3-ը՝ խոլեկալցիֆերոլ, շատ կարևոր է կնոջ օրգանիզմի համար, քանի որ մեծ դեր է խաղում կենսական բազմաթիվ գործընթացներում։

Կլիմաքսի շրջանում կնոջ օրգանիզմը հակված է լինում սրտանոթային, ոսկրային և այլ համակարգերի քրոնիկական հիվանդությունների։ Պաթոլոգիական այդ պրոցեսների զարգացման հարցում մեծ դեր է խաղում վիտամին D3-ը, այդ պատճառով էլ հենց կլիմաքսի սկսվելուն պես պետք է խոլեկալցիֆերոլ պարունակող պրեպարատներ խմել։

Ստորև կնշենք մի շարք հիվանդություններ, որոնք հնարավոր է կանխել D3 վիտամինի միջոցով։

Օստեոպորոզ։ 35-40 տարեկանն անց կանանց դեպքում ոսկրային հյուսվածքը կարող է տուժել հորմոնային ֆոնի փոփոխությունների պատճառով։ Կալցիումն սկսում է հեռանալ ոսկրերից և լավ չի յուրացվում ստամոքսաղիքային տրակտի կողմից։

Կարդացեք՝ Օստեոպորոզը և կլիմաքսը

Հիպերտոնիկ հիվանդություն։ Հիպերտոնիան տարածված հիվանդություն է մենոպաուզայի փուլի ընթացքում։ Խոլեկալցիֆերոլն օրգանիզմին օգնում է բնական ձևով նվազեցնել անոթային ճնշումը ի հաշիվ ռենին հորմոնի արտադրության ճնշման։

Օնկոլոգիական հիվանդություններ։ Վիտամին D3-ի պակասը կարող է հանգեցնել ուղիղ աղիքում, ենթաստամոքսային գեղձում և կաթնագեղձերում նորագոյացությունների առաջացման։ Կլիմաքսի ընթացքում մեծանում է կրծքագեղձի քաղցկեղի առաջացման վտանգը, ուստի հարկավոր է խոլեկալցիֆեոլ պարունակող դեղամիջոցներ օգտագործել բժշկի նշանակմամբ։

Շաքարային դիաբետ։ 40-ն անց կանայք հակված են էնդոկրին այդ հիվանդության առաջացմանը։ Խոլեկալցիֆերոլը նպաստում է արյան մեջ ինսուլին հորմոնի մակարդակի իջեցմանը և եռակի նվազեցնում է շաքարային դիաբետի առաջացման վտանգը։

Դեպրեսիա։ Վիտամին D3-ը մասնակցում է սերոտոնին հորմոնի արտադրմանը, որը մեծ դեր է խաղում հոգեբանական բնականոն վիճակի պահպանման հարցում։ Քանի որ կլիմաքսի հաճախադեպ ախտանշաններից է համարվում տրամադրության փոփոխականությունը, լացկանությունը և դեպրեսիան, ապա վերջիններիս կանխման համար հարկավոր է խոլեկալցիֆերոլ պարունակող պրեպարատներ օգտագործել։

Կարդացեք՝ Մենոպաուզայի և դեպրեսիայի կապը

Վիտամին D3-ի պակասը հանգեցնում է նաև՝ ցրված սկլերոզի, միասթենիայի, օստեոարթիրիտի, աուտոիմուն բնույթիհիվանդությունների և այլն։

Վիտամինն ընդունած կանայք նշում են, որ զգալիորեն նվազում են մենոպաուզայի տարաբնույթ ախտանշանների դրսևորումները, լավանում է մաշկի, մազերի և եղունգների որակը, նվազում են նաև շաքարային դիաբետի, հիպերտոնիկ հիվանդության և հենաշարժողական համակարգի հիվանդությունների դրսևորումները։

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի