Վարժություններ ողնաշարի համար․ հետծննդաբերական շրջան

Վարժություններ ողնաշարի համար․ հետծննդաբերական շրջան

Բազմաթիվ կանայք մայրանալուց որոշ ժամանակ անց նկատում են, որ իրենց կեցվածքն աստիճանաբար կուզիկանում է, և մեջքի ցավ է ի հայտ գալիս։

Եթե միջողնային սկավառակների վնասվածք կամ օստեոխոնդրոզի սրացում կա, ապա դիմեք բժշկի, ամենայն հավանականությամբ հատուկ կորսետի կամ ցավազրկող դեղամիջոցների կարիք ևս կունենաք։

Եթե մեջքի ցավի սրացում կամ այլ խնդիր չկա և ծննդաբերությունից հետո անցել է վեց ամիս, ապա կարող եք հատուկ վարժություններ անել, որոնք կօգնեն ամրացնել ողնաշարի մկաններն ու վերականգնել շարժունակությունը։ Ցանկալի է օրվա ընթացքում 3-4 վարժություն կատարել՝ յուրաքանչյուրը կրկնելով 4-5 անգամ։

1. Պառկեք մեջքի վրա և ծալեք ոտքերը։ Գլուխն ու ուսերը բարձրացնելով՝ ողնաշարը թեքեք աջ և ձեռքերով ձգվեք առաջ-աջ։ Նույնը կատարեք ձախ ուղղությամբ։

2. Պառկեք որովայնի վրա և ձեռքերը կողք տարածեք։ Ողնաշարը բարձրացնելով՝ ձեռքերը տարեք գլխի հետևը և կորացեք։

3. Կանգնեք՝ ոտքերն ուսերի լայնությամբ։ Գլուխը խոնարհեք աջ, պտտեք ձախ։ Նույնը կատարեք մյուս ուղղությամբ։

4. Կանգնեք՝ ոտքերն ուսերի լայնությամբ, ձեռքերը՝ գոտկատեղին։ Մի փոքր խոնարհվեք աջ և ձախ ձեռքը ձգեք վեր։ Գլուխը խոնարհեք աջ՝ փորձելով ականջով դիպչել ուսին։ Նույնը կատարեք մյուս ուղղությամբ։

5. Կանգնեք՝ ոտքերն ուսերի լայնությամբ, ձեռքերը՝ վեր։ Աջ ձեռքը պարզեք առաջ, այնուհետև կողք։ Նույնը կատարեք մյուս ձեռքով։

6. Կանգնեք՝ ոտքերն ուսերի լայնությամբ, ձեռքերը՝ ուսերին։ Ուսերն ու ձեռքերը բարձրացնել վեր և թափահարելով տանել հետ։

7. Կանգնեք՝ ոտքերն ուսերի լայնությամբ, ձեռքերը՝ կողք։ Ձեռքերն ու մեջքը պտտել աջ, վերադառնալ սկզբնական դիրքին և ձեռքերը պարզել կողք։ Նույնը կրկնել մյուս ուղղությամբ։

8. Կանգնեք՝ ոտքերն ուսերի լայնությամբ, ձեռքերը՝ գոտկատեղին։ Մարմնով խոնարհվեք աջ և ձախ, ուղղվեք, կանգնեք ոտնաթաթերին և վերադարձեք սկզբնական դիրքին։ Նույնը կրկնեք մյուս ուղղությամբ։

9. Կանգնեք՝ ոտքերն ուսերի լայնությամբ, ձեռքերը՝ գլխահետևում։ Իրանը կիսապտույտով ուղղեք աջ, առաջ, ձախ։ Շարժումներն արեք համակցված։ Նույնը կրկնեք մյուս ուղղությամբ։

10. Պառկեք մեջքի վրա, ձեռքերը՝ իրանի հետևում։ Ոտքերը ծալեք դեպի կուրծքը, վեր պարզեք, այնուհետև իջեցրեք։

 

Թարգմանությունը և խմբագրումը՝ sotskiy.am-ի

Լակտացիա․ 3 միֆ գինու և ոչ ալկոհոլային գարեջրի մասին

Լակտացիա․ 3 միֆ գինու և ոչ ալկոհոլային գարեջրի մասին

Իրականում ալկոհոլը ոչ մի կերպ չի շատացնում արտադրվող կաթի քանակը։ Երեխան ավելի հաճախ է ծծում կուրծքը, սակայն քիչ քանակությամբ կաթ է...

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

Հարց ու պատասխան նոր կորոնավիրուսային վարակի, հղիության, ծննդաբերության և կրծքով կերակրման վերաբերյալ

ՔՈՎԻԴ-19-ից խուսափելու համար հղիության ընթացքում կանայք պետք է ձեռնարկեն միևնույն նախազգուշական միջոցները, ինչ մյուս ....

Հեշտոցի ցավը հղիության ընթացքում

Հեշտոցի ցավը հղիության ընթացքում

Ցավը կարող է ուղեկցվել սրտխառնոցով, արտադրությամբ, տհաճ հոտով, այրոցով, հեշտոցի չորությամբ և այլ նշաններով...

Կրծքի այտուցվածություն

Կրծքի այտուցվածություն

Բոլոր կանայք էլ նկատած կլինեն, որ սովորաբար դաշտանին նախորդող օրերի ընթացքում կաթնագեղձերն ուռչում են, երբեմն՝ ցավում։ Երբեմն էլ ցավն այնքան ուժեղ է լինում, որ ընկնում է կնոջ աշխատունակությունը, նվազում է սեռական ցանկությունը և այլն...