Հղի կանանց կարելի՞ է արևայրուք ընդունել

Հղի կանանց կարելի՞ է արևայրուք ընդունել

Հղիության ընթացքում կինն իր և իր սրտի տակ մեծացող երեխայի առողջությանը չվնասելու համար տարաբնույթ սահմանափակումների առաջ է կանգնում։ Շատերին է հետաքրքրում ինչ է կարելի, ինչ չի կարելի և այդպիսի հարցերից մեկն էլ վերաբերում է արևայրուքին։ Կարելի՞ է արևայրուք ստանալ։

Իհարկե, օրվա կեսին վառ արևի տակ անցկացնելն արգելված է, որովհետև վնասակար է և ոչ միայն հղի կանանց համար։ Արևային վաննայի ճիշտ ընդունումը, ընդհակառակը, օգտակար է։

Կարդացեք՝ Ամառը և հղիությունը

Արևի օգտակարությունը

Արևի ճառագայթների ազդեցությամբ մարդու օրգանիզմում բազմաթիվ նյութեր են արտադրվում՝

  • վիտամին D, որը նպաստում է կալցիումի յուրացմանը, կանխում է մոր ատամների և վարսերի վիճակի վատացմանը, երեխայի մոտ ռախիտի զարգացմանը։ Վիտամին D-ն վատ է յուրացվում պոլիվիտամինային կոմպլեքսներից, ուստի հղի կնոջն անհրաժեշտ է մնալ արևի տակ։ 
  • վիտամին B, որը կարգավորում է իմունային համակարգի աշխատանքը, 
  • «հաճույքի հորմոն»՝ սերոտոնին, որը նպաստում է տրամադրության բարձրացմանը և դրական հույզեր է առաջացնում։

Բացի այդ, ուլտրամանուշակագույն ճառագայթների չափավոր բաժինը բարենպաստ ազդեցություն է ունենում մաշկի վրա, ապաքինում է մանր ճաքերն ու վնասվածքները, հեռացնում է բորբոքումներն ու կարմրածությունը, ինչպես նաև օժտված է հակամանրէային ազդեցությամբ։

Դիտեք բժշկի հարցազրույցը՝ Ամառը և հղիությունը․ խորհուրդներ

Կանոններ հղի կանանց համար

Հղի կանանց կարելի է արևայրուք ընդունել միայն առավոտյան և երեկոյան, երբ ուլտրամանուշակագույն ճառագայթման ակտիվությունը փոքր է։ Խուսափեք գերտաքացումից, այն անդառնալի հետևանքների կարող է հանգեցնել։

Լողափ գնալիս լայնեզր գլխարկ կրեք, ավելի լավ է արևայրուքն ընդունեք ծառի կամ հովանոցի տակ, չմոռանաք ջրի մասին։ Եթե ստիպված եք սահմանափակել ջրի քանակը, ապա լողափ գնալու վերաբերյալ խորհրդակցեք բժշկի հետ։

Հիշեք, որ հղիության ընթացքում մաշկն ավելի զգայուն է դառնում և հակված է լինում պիգմենտային բծերի առաջացմանը։ Այդ պատճառով էլ անպայման արևապաշտպան քսուք օգտագործեք։

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ