Վաղ կլիմաքս․ կա՞ հղիանալու հնարավորություն

Վաղ կլիմաքս․ կա՞ հղիանալու հնարավորություն

Կլիմաքսը սովորաբար սկսվում է 45 տարեկանից հետո։ Եթե ձեր մոր կամ տատիկի դեպքում այն սկսվել է ավելի վաղ, ապա ամենայն հավանականությամբ դուք ևս հակում ունեք վաղ մենոպաուզայի։ Այդ դեպքում բժիշկները բնական երևույթ են համարում, իսկ եթե ժառանգական հակվածություն չլինելու դեպքում վաղ մենոպաուզան կարող է վկայել օրգանիզմի աշխատանքի խանգարումների մասին։

Կլիմաքսը բնորոշվում է ձվարանների հյուծմամբ և որպես հետևանք՝ սեփական ձվաբջջով հղիանալու անկարողությամբ։ Ըստ այդմ՝ վաղ կլիմաքսին է վերաբերում նաև ձվարանների հյուծումն ու հորմոնային խանգարումները։ Եթե սեփական ձվաբջջով հղիանաու հնարավորություն չկա և միակ ելքը արտամարմնային բեղմնավորումն է, ապա հորմոնային անհավասարակշռությունը լիովին շտկելի է։

Կարդացեք՝ Վերարտադրողական տարիք

Վերարտադրողական ֆունկցիայի վաղաժամ մարմանը նպաստող գործոններն են՝

  • ժառանգականությունը, 
  • նախկինում տարած գինեկոլոգիական վիրահատություններ, 
  • աուտոիմունային հիվանդություններ, 
  • էնդոկրին համակարգի, հիմնականում՝ վահանաձև գեղձի աշխատանքի խանգարումներ, 
  • ճառագայթային թերապիա օնկոլոգիական հիվանդությունների դեպքում, 
  • սթրես, 
  • տարած և լիարժեք չբուժված վարակիչ հիվանդություններ, 
  • վնասակար սովորություններ և այլն։

Ե՞րբ անհանգստանալ

Ինչպե՞ս տարբերել դաշտանի ուշացումը վաղ կլիմաքսից։ մենոպաուզայի հիմնական նշանը, իհարկե, դաշտանի բացակայությունն է։ Սկզբնական շրջանում դաշտանը դադարներով է լինում, հետագայում դառնում է սակավարյուն՝ ժամանակ առ ժամանակ աչքի ընկնելով նաև առատությամբ։ Դիտվում է հեշտոցի չորություն, սեռական ցանկության նվազում, տրամադրության հաճախակի փոփոխություններ, ջերմային առհոսք և այլն։

Պետք չէ կենտրոնանալ այս ախտանշանների վրա, որովհետև դրանք, իրականում, շատ նման են գինեկոլոգիական և էնդոկրին մի շարք հիվանդությունների ախտանշաններին։ Այդ պատճառով էլ հարկավոր է աչքաթող չանել օրգանիզմի ազդանշանները և դիմել բժշկի, որն էլ կախտորոշի խնդիրը։

Կկատարվի կլինիկական զննում, ուլտրաձայնային հետազոտություն և հորմոնային վիճակի ստուգում։ ՈւՁՀ-ն կօգնի գնահատել ձվարանների վիճակը և դրանցում ֆոլիկուլների առկայությունը։

Ստուգվում է հետևյալ հորմոնների մակարդակը՝

  • ֆոլիկուլախթանիչ հորմոն, 
  • լյուտեինիզացնող հորմոն, 
  • պրոլակտին, 
  • անտիմյուլլերյան հորմոն, 
  • թիրեոտրոպ հորմոն և այլն։

Համակողմանի հետազոտությունից հետո հնարավոր կլինի պարզել դաշտանի դադարի պատճառները և վիճակի շտկման հետագա մարտավարությունը։ Հնարավոր է, որ հավելյալ միջամտությունների կարիք զգացվի:

Հղիություն

Վաղ դաշտանադադարի և AMH հորմոնի մակարդակի ցացր լինելու դեպքում երեխա ունենալու միակ միջոցը դառնում է արտամարմնային բեղմնավորումը դոնորային ձվաբջջով։

Եթե ֆոլիկուլներ կան, AMH հորմոնը նորմայի մեջ է, և խնդիրը միայն հորմոնային անհավասարակշռությունն է, ապա նշանակվում է հորմոնափոխարինիչ թերապիա, որը վերացնում է կլիմաքսի տհաճ ախտանշանները, թույլ է տալիս խթանել ձվազատումը և բեղմնավորման հնարավորություն է ընձեռում։

Բուժման արդյունքը մեծապես կախված է հաջողության հանդեպ հոգեբանական տրամադրվածությունից և բուժումը ճիշտ ժամանակին սկսելուց։

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի