Երեխային հանգստացնելու 4 մեթոդ
Հղի կանանց
37961
37961
Լացող երեխային հանգստացնելու համար անհրաժեշտ է ստեղծել այնպիսի պայմաններ, որոնք նրան կհիշեցնեն ներարգանդային կյանքը: Դա փոքրիկի համար լավագույն հանգստացնող միջոցն է:
Բարուրում
Արգանդում բավականին նեղ, քիպ միջավայր է, բայց փոքրիկի համար հարմարավետ է և անվտանգ: Բարուրելով կարելի է ստանալ նմանատիպ միջավայր: Իհարկե սա չի նշանակում, որ երեխային պետք է ամբողջ օրը բարուրած թողնել: Եթե երեխան չի դադարում լացել, փորձեք բարուրաշորով փաթաթել նրան՝ ձեռքերը չմոռանալով:
Պառկեցնել կողքի կամ որովայնի վրա
Մեջքի վրա պառկած դիրքը նորածնի համար փոքր ինչ տագնապային է, քանի որ ներարգանդային կյանքում նա կորացած՝ դեպի որովայնը ծալված դիրքում էր: Երեխային հանգստացնելու համար գրկեք նրան ձեռքերով այնպես, որ նա պառկած լինի կողքի, կամ նրան պառկացրեք որովայնի վրա ձեր ձեռքի վրա կամ ծնկներին: Սա հատկապես արդյունավետ է երեխայի կոլիկաների դեպքում:
Օրորում
Երեխային գրկելիս օրորեք նրան: Սա ամենատարածված մեթոդն է: Ռիթմիկ օրորումն օգնում է երեխային հանգստաալ: Օրորելուն զուգահեռ կարելի է օրորոցային երգել փոքրիկի համար: Գտնվելով մայրիկի արգանդում՝ փոքրիկը մշտապես թույլ աղմուկի մեջ էր. մայրիկի սրտի զարկերը, ստամոքսի աշխատանքը: Փորձեք երեխային հանգստացնել միատոն նուրբ ձայնով՝ շշշ՞ :
Ծծակ
Սա նույնպես հանգստացնող լավ միջոց է: Մայրիկի արգանդում երեխան մշտապես ծծում էր մատները կամ բռունցքը: Հանգստացնելու համար երեխային դրեք կրծքին, կամ պարզապես ծծակ տվեք նրան:
Նմանատիպ նյութեր
Ժամանակակից Բրիտանիայի ամենաերիտասարդ ծնողները՝ 12-ամյա մայրիկը և 13-ամյա հայրիկը
Ռուս մայրիկի հրաշալի լուսանկարները. ընտիր լուսանկարներ
Ձվազատումը որպես երեխայի սեռի պլանավորման միջոց
Երեխային քնացնելու մեթոդները
Հնարավո՞ր է երեխան ծնվի ատամներով
