Պաշտպանվե՞լ հղիության ընթացքում, թե՞ ոչ

Պաշտպանվե՞լ հղիության ընթացքում, թե՞ ոչ

Սովորաբար առաջին հղիության դեպքում զույգերի մոտ բազմաթիվ հարցեր են առաջանում: Հատկապես հետաքրքրում է արդյո՞ք կարելի է հղիության ընթացքում սիրով զբաղվել և կարիք կա՞ արդյոք պաշտպանվելու:

Շատ զույգեր նշում են, որ հղիության ընթացքում սեքսն ավելի ցանկալի և բուռն է դառնում: Որոշ կանանց մոտ էլ դիտվում է սեռական ցանկության նվազում: Դրա պատճառը հիմնականում տոքսիկոզն է, ինչը թուլություն և հոգնածություն է առաջացնում, իսկ կրծքերը դառնում են ցավոտ: Այնուամենայնիվ, անհրաժեշտ է հասկանալ, թե որ դեպքերում է կարելի սիրով զբաղվել առանց պաշտպանվելու, և երբ է պաշտպանվելը պարտադիր:

Հղիության ընթացքում խորհուրդ է տրվում պաշտպանվել, քանի որ այս շրջանում կնոջ իմունիտետն ընկճվում է, ինչի պատճառով մեծանում է վարակների զարգացման վտանգը: Ամենատարածված վարակներից մեկը կանդիդոզն է, որը կարող է հեշտությամբ փոխանցվել նաև տղամարդուն: Սնկերի բազմացման ժամանակ հեշտոցի լորձաթաղանթը դառնում է հեշտ ներթափանցելի պայմանական-ախտածին ֆլորայի համար: Հնարավոր է նաև առաջանա ցիստիտ, ցավ միզելիս, արյունային արտադրություն:

Սեռական չպաշտպանված ակտը վտանգավոր է նաև հենց սեռավարակների տարածման պատճառով: Դրանք վտանգում են ինչպես մոր, այնպես էլ պտղի կյանքը:

Գոյություն ունի նաև սուպերֆետացիա երևույթը, որը շատ հազվադեպ է պատահում: Այս դեպքում ևս մի բեղմնավորում է տեղի ունենում արդեն հղի կնոջ օրգանիզմում:

Հղի կնոջ համար չպաշտպանված սեռական հարաբերությունը կարող է անվտանգ լինել, եթե նա բացարձակ առողջ է, չունի ալերգիկ ռեակցիա ակտի ժամանակ արտադրվող քսուքի հանդեպ, և եթե զուգընկերը չունի սեռավարակներ:

Անվտանգության նկատառումներից ելնելով խորհուրդ է տրվում պաշտպանվել հղիության առնվազն առաջին եռամսյակում, որպեսզի բացառեք վարակների ներթափանցման վտանգը:

Այնուամենայնիվ, պաշտպանվել, թե ոչ, յուրաքանչյուր զույգ որոշում է անհատապես:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար