Սթրեսի ազդեցությունը բեղմնավորման վրա

Սթրեսի ազդեցությունը բեղմնավորման վրա

Կա տարածված համոզմունք, որ սթրեսը խոչընդոտում է հղիությանը: Իրականում կա՞ արդյոք առնչություն սթրեսի և բեղմնավորման միջև:

Նախ պետք է հասկանալ, որ սթրեսն իրենով ֆիզիիոլոգիապես կարևոր դեր է կատարում մարդու մտավոր և ֆիզիկական նորմալ գործունեության ապահովման և խթանման գործում: Այլ խնդիր է, երբ սթրեսը դառնում է ծանր ու մշտական, իսկ օրգանիզմը չի կարողանում հաղթահարել այն:

Սթրեսի և բեղմնավորման միջև կապը պետք չէ բացառել, քանի որ ուժեղ անհանգստությունների կամ նյարդային երկարատև լարվածության դեպքում կնոջ մոտ հնարավոր է դաշտանային ցիկլն ուշանա և ձվազատում տեղի չունենա: Արդյունքում բեղմնավորում նույնպես տեղի ունենալ չի կարող:

Ենթադրվում է, որ սթրեսի ժամանակ օրգանիզմում սկսվում է արտադրվել մեծ քանակությամբ պրոլակտին հորմոն, որն էլ իր հերթին բացասական ազդեցություն է ունենում լյուտեինիզացնող և ֆոլիկուլախթանիչ հորմոնների արտադրման վրա: Այս հորմոնները կարևոր դեր ունեն ձվազատման գործընթացում, իսկ դրանց քանակի նվազումը հանգեցնում է ձվազատման հետաձգման կամ առհասարակ բացակայության:

Կարդացեք՝ Ամփոփ տեղեկություն հորմոնների մասին:

Տղամարդկանց դեպքում նույնպես հորմոնային ֆոնի փոփոխությունները բացասաբար են ազդում բեղմնավորման վրա: Այդպես, տեստոստերոնի մակարդակի նվազումը կարող է հանգեցնել պոտենցիայի նվազման կամ սպերմատոգենեզի (սերմնաբջիջների ձևավորում) գործընթացի խանգարումների:

Նյարդային համակարգի տեսանկյունից սթրեսը կրկին կարող է բացասաբար ազդել բեղմնավորման վրա: Մարդու բոլոր օրգանները, այդ թվում վերատադրողական օրգաններն անխզելիորեն կապված են գլխուղեղի հետ նյարդային մանրաթելերի միջոցով: Հնարավոր է սթրեսի ժամանակ գլխուղեղից հաղորդվեն նյարդային ազդակներ, որոնք առաջացնում են հարթ մկանունքի կծկումներ: Սա կարող է արգանդափողերի սպազմ և արգանդի հիպերտոնուս առաջացնել:

Կարդացեք՝ Արգանդի հիպերտոնուսը հղիության ընթացքում:

Այս մեխանիզմով կնոջ վերարտադրողական օրգանների ֆունկցիան էականորեն տուժում է, դժվարանում է սերմնաբջջի տեղափոխումը դեպի ձվաբջիջ: Արդյունքում կրկին բեղմնավորման հավանականությունը նվազում է: Այս ամենից խուսափելու համար անհրաժեշտ է անհանգստացնող սթրեսային իրավիճակներից դուրս գալու ուղիներ գտնել: Նախ պետք է հասկանալ սթրեսի իրական պատճառը և հետո փորձել վերացնել այն կամ հնարավորինս բացառել:

Սթրեսի բացասական ազդեցությունից ազատվելուն կօգնեն յոգայի պարապմունքները, մեդիտացիան, հանգստացնող մերսումները, լողը, հանգիստը: Անհրաժեշտության դեպքում պետք է խորհրդակցել հոգեթերապևտի հետ, ով կսովորեցնի սթրեսը կառավարելու հմտություններ:

Հղիության պլանավորումը պատասխանատու և լուրջ աշխատանք է, հետևաբար պետք է նախապես ազատվել բոլոր խանգարող գործոններից, որպեսզի ցանկալի բեղմնավորմանը և հետագա հղիության զարգացմանը ոչինչ չխոչընդոտի:

 

Աղբյուրը

Լորձային արտադրություն հեշտոցից

Լորձային արտադրություն հեշտոցից

Հեշտոցից արտահոսող լորձային արտադրությունը, եթե նորմալ բնույթի է, բնական երևույթ է։ Վերարտադրողական տարիքի բոլոր կանայք էլ ունենում են...

Տրամադրությունը պայմանավորող հորմոնները

Տրամադրությունը պայմանավորող հորմոնները

Պատասխանատու են մեր հոգեհուզական վիճակի համար։ Ահա այն հիմնական հորմոնները, որոնք պայմանավորում են մեր լավ տրամադրությունը․․․

Գեղեցկության և առողջության երաշխիքները

Գեղեցկության և առողջության երաշխիքները

Տարիքին համընթաց օրգանիզմում բազմաթիվ փոփոխություններ են կատարվում, ոմանք, այնուամենայնիվ, շարունակում են պահպանել իրենց գեղեցիկ տեսքն ու առողջությունը․․․

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․