Ուրոգենիտալային միկոպլազմոզ

Ուրոգենիտալային միկոպլազմոզը միզասեռական ուղիների բորբոքային հիվանդություն է, որը հարուցվում է բացառապես միկոպլազմաների կողմից։

Միկոպլազմային վարակը տարածվում է հետևյալ ուղիներով՝

• սեռական, 
• ցերվիկալ կանալ, արգանդի խոռոչ, արգանդափողեր, որովայնի խոռոչ, 
• հեմատոգեն (էրիթրոցիտներ, լիմֆոցիտներ, մակրոֆագներ), 
• տրանսլոկացիոն (միօրգանիցմյուսը), 
• տրանսպլացենտար։

Դասակարգումը

Ըստ կլինիկական ընթացքի լինում է՝

• թարմ, 
• սուր, 
• ենթասուր, 
• թույլ ընթացող, 
• քրոնիկական,
• միկոպլազմայի կրում։ 

Ըստ բորբոքային պրոցեսի տեղակայման լինում է՝

• ուրետրիտ, 
• վագինիտ, 
• ցերվիցիտ, 
• էնդոմետրիտ, 
• սալպինգիտ։

Կլինիկական պատկերը

Հիվանդությունը սովորաբար ընթանում է սեռական օրգանների հատվածի քորով, այրոցով, արտադրությամբ, միզարձակման խանգարմամբ։ Դիտվում է թերապիայի հանդեպ զգալի կայունություն և ուրետրիտի, վագինիտի, ցերվիցիտի, էնդոմետրիտի, սալպինգիտի կլինիկական ախտանշանների կրկնում։

Բարդություններն են՝

• անպտղություն, 
• չզարգացող հղիություն, 
• քրոնիկական էնդոմետրիտ, 
• ընկերքային առաջնային և պտուղընկերքային երկրորդային անբավարարություն, 
• պերինատալ բարձր հիվանդացություն, 
• պտղի զարգացման անոմալիաներ։

Ախտորոշումը

Ախտորոշման հարցում զգալի դեր են խաղում լաբորատոր հետազոտության մեթոդները՝ մանրէաբանական ցանքս, ՊՇՌ մեթոդ։

Բուժումը

Բուժումն ուղղված է ախտադարձի և ախտահարված օրգաններում բորբոքային պրոցեսների ծանրության նվազեցմանը, իսկ բարձր արդյունավետությամբ թերապիայի դեպքում՝ հարուցչի վերացմանը։