Համակարգչով աշխատելը չի բարձրացնում աշակերտի առաջադիմությունը

Համակարգչով աշխատելը չի բարձրացնում աշակերտի առաջադիմությունը

Տնտեսական համագործակցության և զարգացման կազմակերպությունը հրապարակել է մի զեկույց, որում գնահատվում է համակարգչային տեխնոլոգիաների դերն ու նշանակությունը կրթության մեջ։

Զեկույցը հիմնված է ամբողջ աշխարհի դպրոցականների 2012 թվականի PISA թեստավորման արդյունքների վրա (Սովորողների կրթական հաջողությունների գնահատման միջազգային ծրագիր)։ Ահա մի քանի եզրակացություն։

Դպրոցում մեծաքանակ համակարգիչների առկայությունը և ժամանակակից տեխնոլոգիաներից օգտվելու ազատությունը բոլորովին չի երաշխավորում աշակերտների բարձր առաջադիմություն և կրթության որակի բարձրացում։ Սովորեցնում են ուսուցիչները և ոչ թե համակարգիչները։

Այն աշակերտները, ովքեր դպրոցում հաճախ են օգտվում համակարգչից, ամենավատ արդյունքն են ցույց տալիս։ Նրանք, ովքեր շաբաթական մեկից երկու անգամ են օգտվում համակարգչից, համեմատաբար ավելի լավ արդյունք են ցույց տալիս, քան նրանք, ովքեր խիստ հազվադեպ են օգտվում։

Այն երկրներում, որոնք ավելի շատ ռեսուրս են ներդրել տեղեկատվական տեխնոլոգիաների զարգացման ոլորտում, ուսանողները ոչ մի ակնհայտ բարելավում չեն դրսևորել։

Բազմաթիվ երկրներում և քաղաքներում, որտեղ PISA թեստի արդյունքներն ամենալավն են եղել, տեղեկատվական տեխնոլոգիաներն օգտագործվում են քիչ՝ շաբաթական մեկ-երկու անգամ։

Չկա մի երկիր, որտեղ աշակերտների առաջադիմությունը բարձրացած լինի դպրոցներում համացանցի լայնամասշտաբ օգտագործման շնորհիվ։

Ավստրալիայում, Նոր Զելանդիայում և Շվեդիայում, որտեղի դպրոցներում համացանցը լայն կիրառություն ունի, տեքստը կարդալու և կարդացածը հասկանալու թեստերի արդյունքներն զգալիորեն նվազել են։ Ինչ վերաբերում է Իսպանիային, Նորվեգիային և Դանիային, արդյունքներն անփոփոխ են մնացել։

Այս ամենից չի կարելի եզրակացնել, որ պետք է հրաժարվել տեղեկատվական տեխնոլոգիաներից։ Հարկավոր է դրանք արդյունավետ և տեղին կիրառել։

Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ

Վտանգավոր պահածոներ

Վտանգավոր պահածոներ

 Ինչո՞ւ խորհուրդ չի տրվում տնային պայմաններում պահածոյացնել միսը, ոլոռը և եգիպտացորենը