Հետաքրքիր փաստեր սերմնաբջիջների մասին

Հետաքրքիր փաստեր սերմնաբջիջների մասին

Սերմնահեղուկն ավելին է, քան միայն սերմնաբջիջների ամբողջություն: Այո, սերմնահեղուկի միայն 5-10% են կազմում սերմնաբջիջները, իսկ մյուս մասը սննդանյութերով հարուստ հեղուկն է, որը պաշտպանում է սերմնաբջիջներին և օգնում դրանց հասնել կնոջ ձվաբջջին՝ բեղմնավորելու այն: Այդպիսով, սերմնահեղուկի բաղադրության մեջ մտնում են՝ վիտամին C, ֆրուկտոզա, մագնեզիում, ֆոսֆոր, վիտամին B12, ցինկ, նիտրոգեն և կալցիում:

Սերմնահեղուկում պարունակվում է միջինում շուրջ 200 միլիոն սերմնաբջիջ:

Ամորձում սերմնահեղուկի առաջացման համար պահանջվում է մոտ 75 օր:

Հեշտոցում սերմնաբջիջը գոյատևում է մինչև 5 օր՝ կախված հեշտոցի միջավայրից: Միջինում սերմնաբջջի «կյանքը» հեշտոցում 24-28 ժամ է, սակայն եթե հեշտոցի թթվային միջավայրը թույլ տա, այն կարող է մինչև 5 օր պահպանվել:

Սերմնաբջիջները, որոնք չեն արտազատվում սերմնաժայթքման պահին, կրկին ներծծվում են օրգանիզմի կողմից:

Տղամարդու օրգանիզմը երբեք չի դադարում սերմնաբջիջներ արտադրելը: Թեև կանանց օրգանիզմը դաշտանադադարից հետո այլևս չի արտադրում ձվաբջիջ, տղամարդկանցը շարունակում է սերմնաբջիջներ արտադրել:

Առողջ և լավ սննդակարգն առողջ և որակյալ սերմնահեղուկի գրավականն է:

Առողջ սերմնաբջիջների համար օգտակար են բանանը, ընկուզեղենը, սխտորը, անյուղ տավարի միսը, շոկոլադը և այլն: Կարևոր է նաև մեծ քանակությամբ ջուր խմելը: Իսկ առողջ երեխա ունենալու համար հարկավոր է հրաժարվել ծխելուց, խմիչքի չարաշահումից, չափավորել պանիրը, երշիկեղենը, քաղցրավենիքը:

Գիրությունը նվազեցնում է սերմնաբջիջների քանակը և որակը:

Սերմնաբջիջների մեծ մասն անոմալիաներով է: Դրանք երբեմն լինում են երկու գլխով կամ երկու պոչով, տարբեր չափերի: Ըստ մի հետազոտության՝ մեկ սերմնաժայթքման սերմնաբջիջների 90%-ը դեֆորմացված է: Բացի այդ դրանցից ոչ բոլորն են ընդունակ լողալու, ինչը անհրաժեշտ է, որպեսզի կարողանան հասնել ձվաբջջին:

Սերմնաբջիջներն ունեն սեռ: Այսինքն դրանք կրում են կամ X կամ Y քրոմոսոմ, որով էլ որոշվում է երեխայի սեռը: Կա ենթադրություն, որ արական սերմնաբջիջներն ավելի արագ են լողում, թեև իգական սերմնաբջիջներն էլ ավելի դիմացկուն են:

Սերմնաբջիջները ցուրտ միջավայր են սիրում: Այդ պատճառով տղամարդու արտաքին սեռական օրգաններում ջերմաստիճանն ավելի ցածր է համեմատած մարմնի մյուս հատվածերին: Բացի այդ ձմռանն ավելի մեծ քանակությամբ սերմնաբջիջներ են արտադրվում, իսկ ահա տաք միջավայրում սերմնաբջիջները երկար չեն պահպանվում, այնպես որ տաք լողավազաններում երկար ժամանակ անցացնելն այնքան էլ բարենպաստ ազդեցություն չի ունենում:

Որոշ կանայք հնարավոր է ալերգիկ լինեն սերմնաբջիջների հանդեպ: Այս վիճակը կոչվում է սերմնապլազմայի գերզգայունություն: Այս պարագայում հնարավոր է կնոջ հեշտոցի շրջանում առաջանա կարմրություն, քոր և այրոց:

Սերմնաբջիջներն օգտագործվում են կոսմետիկ պարագաների պատրաստման մեջ:

Հաճախակի սերմնաժայթքումը բարելավում է սերմնաբջիջների որակը:

Անլար տեխնոլոգիաները հնարավոր է վնասեն սերմնաբջիջներին: Մեր օրերի անլար համացանցային կապն իրականում վնասակար ազդեցություն է ունենում առողջության, այդ թվում և սերմնաբջիջների ու ձվաբջջի որակի վրա:

Բարձրացնում ենք իմունիտետը, որպեսզի պաշտպանվենք վարակներից

Բարձրացնում ենք իմունիտետը, որպեսզի պաշտպանվենք վարակներից

Սթրեսը, քրոնիկ հոգնածությունը, առողջարար սննդի ու առհասարակ օրգանիզմին անհրաժեշտ սննդանյութերի պակասը դառնում են իմունիտետի անկման հիմնական պատճառ․․․․

Հոմոցիստեին

Հոմոցիստեին

Հոմոցիստեինի փոխանակության գործում կարևոր դեր են խաղում В6, В12 վիտամինները և ֆոլաթթուն․․․

Հուզականությունը հղիության ընթացքում․ ի՞նչ անել

Հուզականությունը հղիության ընթացքում․ ի՞նչ անել

Հղիությունն իր ամբողջ էությամբ նոր փորձ է կնոջ համար, նոր փորձ իր հոգեբանական և ֆիզիկական դրսևորումներով։ Ընդ որում յուրաքանչյուր հղիություն տարբերվում է իր նախորդից և միշտ էլ կարող է անակնկալներ մատուցել․․․

Ինչպե՞ս զսպել վնասակար սնունդ ուտելու ցանկությունը

Ինչպե՞ս զսպել վնասակար սնունդ ուտելու ցանկությունը

Մարդիկ, ովքեր ցանկանում է հրաժարվել վատ սովորություններից և սկսել առողջ սնվել, գիտեն, որ ամենադժվարը սիրելի, բայց վնասակար ուտելիքների գայթակղությանը դիմանալն է․․․