Ի՞նչ է պետք իմանալ կաթի մասին

Ի՞նչ է պետք իմանալ կաթի մասին

Կաթից պատրաստված մթերքները խիստ օգտակար են հղի կանանց և երեխաների համար, քանի որ պարունակում են կալցիում, ֆոսֆոր, վիտամիններ և սպիտակուց: Շատերը, սակայն, չեն սիրում և նույնիսկ շատերի օրգանիզմը չի ընդունում կաթնամթերք, իսկ ստամոքսի խնդիրների դեպքում այն առհասարակ հակացուցվում է: Այսպիսով, արդյո՞ք կաթնամթերքն օգտակար է հղիության ընթացքում:

Կաթի բաղադրությունը

Կաթը յուրահատուկ մթերք է, որ հաճախ իր բաղադրությամբ համեմատում են արյան հետ. այն բաղկացած է պլազմայից, պարունակում է շաքար և հանքային աղեր, սպիտակուցներ, կաթնային ճարպեր: Կաթն իր բարձր կալորիականության և մեծաքանակ օգտակար նյութեր պարունակելու հաշվին հավասարապես դասվում է մսամթերքների շարքին:

Կաթում պարունկավող սննդանյութերն առավելապես արդյունավետ են ներծծվում օրգանիզմում, եթե այն ընդունում եք թարմ, դեռ տաք տեսքով, իսկ սառը վիճակում այն ավելի երկար է պահպանվում ստամոքսում:

Կաթի սպիտակուցը պարունակում է կասեին՝ մոտ 80%, գլոբուլին՝ 5% և ալբումին: Հենց կասեինն է անջատվում կաթից, երբ այն ենթարկում են ցանկացած տեսակի թթվային մշակման: Այդ փրփուրանման զանգվածից էլ ստանում են կաթնաշոռ և պանիր: Չնայած իր չնչին պարունակությանը, գլոբուլինը մեծ հակաբակտերիալ դեր ունի, որն ակտիվացնում է օրգանիզմի պաշտպանիչ ուժերը և պաշտպանում վարակներից:

Կաթնային շաքարն այնքան էլ քաղցր չէ, ինչպես սովորականը, բայց ունի միևնույն սննդային արժեքը: Այն մասնակցում է աղիներում կաթնաթթվային խմորման գործընթացին և կանխում նեխման գործընթացի զարգացումը: Այն պարունակվում է ֆերմենտներում, որոնք անհրաժեշտ են սրտամկանի, լյարդի և երիկամների գործունեության համար:

Վիտամիններն ամբողջական են թարմ կաթում, սակայն սառելուց կամ նույնիսկ կարճաժամկետ պահպանումից հետո դրանց մեծամասնությունն անհետանում է: Իսկ պաստերիզացումից (ջերմամշակում) հետո կաթում պարունակվող կալցիումը վերածվում է չլուծվող կալցիում-ֆոսֆատի, որը մարդու օրգանիզմը չի մարսում:

Այսպիսով, օգտակար է միայն թարմ, ստուգված կաթը: Մասնագետները նշում են, որ հատկապես լավ է օգտագործել այծի կաթ, որը պարունակում է եռգլիցերիդներ՝ արագամարս ճարպեր: Այծի կաթը լավ է ներծծվում երեխաների օրգանիզմում, ունի պաշտպանական հատկություն: Կաթն օգտակար է հղի կանանց համար այրոցի դեպքում, այն օգնում է արագ քնել, եթե խմեք երեկոյան ժամերին:

Ինչո՞վ է կաթը վտանգավոր հղի կանանց և կերակրող մայրերի համար

Կաթը վնասակար է այն կանանց համար, որոնց օրգանիզմում բացակայում է լակտոզան ներծծող ֆերմենտը, քանի որ՝

  • այն բարձրացնում է ստամոքսի թթվայնությունը և հակացուցված է ստամոքսաբորբի (գաստրիտի) դեպքում,
  • ստամոքսի թթվային միջավայրի կարգավորման համար օրգանիզմն ստիպված է լինում հանքանյութերը, այդ թվում կալցիումը դուրս հանել օրգանիզմից, այնպես որ այն օգտագործելով՝ հղի կինը կորցնում է անհրաժեշտ հանքանյութը,
  • լակտոզայի դժվարամարսությունն առաջացնում է ավելորդ գազարտադրություն և փորլուծություն,
  • այն հակացուցված է սակավարյունության՝ անեմիայի դեպքում, քանի որ փոխազդում է երկաթի ներծծմանը:

Վերոնշյալ հատկությունները վերաբերում են միայն ստուգված, թարմ, ջերմային վերամշակման չենթարկված բնական կաթին: Պաստերիզացված կաթը պարզապես ծառայում է օրգանիզմին որպես էներգիայի աղբյուր:

Ինչ վերաբերվում է խանութից գնված կաթին, այն թերի է այն բանով, որ ստացված է փոշուց կամ կովերից, որոնց կարող են կերակրել հորմոններ պարունակող հավելումներով: Բացի այդ, ջերմամշակման արդյունքում կաթնային ճարպերը փոփոխվում են և օրգանիզմում վերածվում են անօգտակար խոլեստերինի:

Ամփոփենք

Թարմ կովի կամ այծի եռացրած կաթն արդյունավետ է հղիության ընթացքում տոքսիկոզի և անքնության դեմ պայքարում: Այն հանգստացնող ազդեցություն է ունենում օրգանիզմի համար, սպիտակուցի և էներգիայի աղբյուր է, բարձրացնում է իմունիտետը և հարստացնում օրգանիզմը վիտամիններով:

Բնական կաթը հակացուցված է անեմիայի, բարձր թթվայնությամբ ուղեկցվող գաստրիտի, կոլիտի, մարսողական այլ խանգարումների, սպիտակուցի և լակտոզայի ներծծման խանգարումների դեպքում:

Այսպիսով, կաթն իր բաղադրությամբ շատ օգտակար է, սակայն պետք է գնել վստահելի և ստուգված աղբյուրներից, որպեսզի բացառեք վտանգները (օրինակ՝ սալմոնելլիոզ հիվանդությունը): Եթե ապագա մայրիկը շատ է սիրում կաթ, իսկ վերոնշյալ հակացուցումները չկան, ապա կաթը սննդակարգից բացառելու կարիք չկա:

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Շամպայն․ օգտակար և վնասակար հատկությունները

Շամպայն․ օգտակար և վնասակար հատկությունները

Ֆրանսիայի մի շարք ծննդատներում ծննդկանին մի փոքր շամպայն են հյուրասիրում երկունքի ցավը մեղմելու նպատակով, իսկ ծննդաբերությունից հետո այն խորհուրդ են տալիս խմել ուժերը վերականգնելո․․․

Լորի ձու․ օգտակար և վնասակար հատկությունները

Լորի ձու․ օգտակար և վնասակար հատկությունները

Լորի ձուն դիետիկ սննդամթերք է, անհրաժեշտ է երեխայի օրգանզիմի բնականոն զարգացման համար, ինչպես նաև հետվիրահատական շրջանում վերականգնվելու համար․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...