Ո՞րն է ավելի հեշտ կանխատեսել, վաղվա իրադարձությունները, թե՞ հեռավոր ապագայի։ Պարզվում է, որ ավելի մեծ վստահություն ենք զգում, երբ կանխատեսումներ ենք անում հեռավոր ապագայի մասին։

Մի շարք փորձեր կատարելուց հետո այսպիսի եզրակացության են հանգել Թել Ավիվի (Իսրայել) համալսարանի հետազոտողներ Շիրի Նուսբաումը, Նիրա Լիբերմանը և Նյու Յորքի (ԱՄՆ) համալսարանի հետազոտող Յակով Տրոպը։

Բանն այն է, որ հեռավոր ապագայի մասին դատողությունները կապված են աբստրակտ մտածողության հետ։ Խոսելով համընդհանուր հեռանկարների մասին՝ հիմնվում ենք ընդհանուր օրինաչափությունների վրա, որոնց հիմքում տրամաբանությունն է։

Այդ պատճառով էլ հավատում ենք և ավելի վստահ ենք լինում կանխատեսումներ անելիս։ Իսկ մոտ ապագայի կանխատեսումները ներկայի կոնկրետ և հաճախ անորոշ հանգամանքների հանդեպ ուշադրություն են պահանջում։