Գրեթե չկա մի կին, ով չերազի նիհարելու մասին, սակայն պետք չէ շտապել նիհարել հանուն բուռն սեռական կյանքի՝ զգուշացնում են Հավայան համալսարանի (ԱՄՆ) գիտնականները։

Բլիս Կանեշիրոյի ղեկավարությամբ նրանք ուսումնասիրել են 15-44 տարեկան ամերիկուհիների համազգային հարցման տվյալները։ Հետազոտողներն առանձնացրել են կանանց երեք խումբ՝ բնական քաշով (25-ից ցածր մարմնի զանգվածի ինդեքսով), ավելորդ քաշով (ՄԶԻ-ը՝ 25–30) և գեր (ՄԶԻ-ը 30-ից ավել)։

Առաջին խմբում հայտնվեց ամերիկուհիների 54%-ը, երկրորդում՝ 25%-ը, երրորդում՝ 21%-ը (ովքեր 1,7մ հասակ ունեն և կշռում են 87կգ)։ Նույնիսկ զգալի շեղումները նրանց չեն խանգարել սեռական զուգընկեր գտնելու հարցում։ Ավելորդ քաշով, ինչպես նաև գեր կանայք ունեցել են այնքան զուգընկեր, որքան մյուսները, այսինքն՝ վեցն ամբողջ կյանքի ընթացքում և երկուսը վերջին մեկ տարվա ընթացքում։

Տղամարդկանց դեպքում վիճակն այլ է․ գեր տղամարդիկ ամբողջ կյանքի ընթացքում կրկնակի քիչ զուգընկերուհի են ունեցել, քան բնական քաշ ունեցողները։