Նախապատրաստում հղիությանը. վիտամինների և հանքանյութերի դերը

Հղիության ընթացքում վիտամինների և հանքանյութերի դերն անհերքելի է, և օրգանիզմում վերջիններիս կենսաբանական դերը շատ կարևոր է: Շնորհիվ վիտամինների և հանքանյութերի կանոնավոր են գործում բոլոր օրգանները և հյուսվածքները, արտազատվում ֆերմենտները և հորմոնները, ճիշտ ուղով հասունանում սեռական բջիջները: Վիտամինների և հանքանյութերի անբավարարությունն անհրաժեշտ է կանխել կամ բուժել դեռևս նախքան հղիությունը: Դա զգալիորեն բարելավում է ծնողների առողջությունը, հանգեցնում հղիության ընթացքում տարբեր բարդությունների դրսևորումների նվազմանը, իջեցնում բնածին արատների առաջացման հավանականությունը:

Երբեմն, իհարկե, հղիությունը պատահականության արդյունք է լինում, սակայն ավելի լավ է նախապես պատրաստվել երեխային բեղմնավորմանը: Բեղմնավորման ընթացքում ապագա մայրիկի օրգանիզմը պետք է վիտամինների և հանքանյութերի որոշակի պաշար ունենա, որը կծախսվի հղիության ընթացքում: Այդ պատճառով էլ ենթադրյալ բեղմնավորումից 3-6 ամիս առաջ անհրաժեշտ է սկսել վիտամիններ և հանքանյութեր օգտագործել, որոնք մտնում են հատուկ վիտամինահանքանյութային համալիրների պարունակության մեջ, օրինակ՝ Վիտրում Պրենատալ Ֆորտեի: Ապացուցված է, որ վիտամինների շարունակական օգտագործումը բեղմնավորմանը նախորդող 3 ամիսների ընթացքում նվազեցնում է ապագա երեխայի զարգացման բնածին անոմալիաների քանակը: Իմանալով հղիության մասին՝ անհրաժեշտ է յոդով և հակաօքսիդանտներով հարուստ վիտամինահանքանյութային համալիր ընդունել: 

Վիտրում Պրենատալ Ֆորտեն մուլտիվիտամինային դեղամիջոց է, որը պարունակում է յոդ, յոդի ածանցյալներ (սիներգիստներ), ինչպես նաև ակտիվ հակաօքսիդանտներ: Վիտրում պրենատալ ֆորտեի բաղադրիչները մոր օրգանիզմը պաշտպանում են տարաբնույթ վարակներից, նվազեցնում են հղիության ընթացքում թունավորության հաճախականությունը և ծանրությունը, կանխարգելում անեմիայի՝ սակավարյունության առաջացումը, նվազեցնում հղիության ընթացքում բարդությունների առաջացման հավանականությունը և կանխում վիժման վտանգը:

Վիտամինները կարևոր են նաև տղամարդկանց համար: Դրանք մեծացնում են պտղավորելու կարողությունը, սերմնաբջիջը դարձնում են ավելի դիմացկուն և կենսունակ: Հայտնի է, որ սպերմատոգենեզի (սերմնաբջիջների ձևավորման) տևողությունը 72 օր է, իսկ դա նշանակում է, որ ապագա հայրիկը պետք է նախապես ստանա վիտամինների և հանքանյութերի քանակը, որոնք խիստ անհրաժեշտ են սեռական հորմոնների կազմավորման և հաջող բեղմնավորման համար:

Վիտամինների և հանքանյութերի ազդեցությունը տղամարդու վերարտադրողական առողջության վրա

Վիտամին А – անհրաժեշտ է սեռական հորմոնների արտադրման, մեծ քանակությամբ սերմնաբջիջների կուտակման համար:

В խմբի վիտամիններ - ազդում են տեստոստերոնի կազմավորման և սերմնաբջջի հասունացման վրա:

Վիտամին С- անհրաժեշտ է սերմնաբջջի թարմացման համար, այն դարձնում է կենսունակ, դիմացկուն և ակտիվ, պաշտպանում է ազատ ռադիկալների և ներքին քիմիական նյութերի ազդեցությունից: 

Վիտամին E- ազդում է սերմի և տեստոստերոնի կազմավորման վրա, մեծացնում է բեղմնավորելու ունակությունը, խթանում է սեռական և վերարտադրողական գործառույթը:

Ֆոլաթթու- կարգավորում է սերմնաբջիջների հասունացման գործընթացը:

Ցինկ- ազդում է տեստոստերոնի սինթեզի, սեռական հորմոնների ակտիվության և սպերմատոգենեզի վրա, մեծացնում է սերմնաբջիջների դիմացկունությունը:

Քրոմ- արյան մեջ կարգավորում է խոլեստերինի և շաքարի քանակը:

Սելեն- մեծացնում է սերմնաբջիջների քանակը և բարձրացնում որակը, մտնում է սերմնաբջջի արագ քայքայումը կանխող սպիտակուցների բաղադրության մեջ: