Հղիության նշանները պայմանավորված են օրգանիզմում ընթացող հորմոնային տեղաշարժերով, որոնք սկսվում են բեղմնավորումից անմիջապես հետո:

Հղիության հիմնական նշաններն են՝

• հերթական դաշտանի բացակայությունը,
• սրտխառնոցը, երբեմն փսխումն առավոտյան,
• հաճախակի միզարձակությունը,
• կաթնագեղձերի լարվածությունը,
• մեծ ախորժակը, դյուրհոգնելիությունը:

Հղիության առկայությունը հնարավոր է հաստատել համապատասխան թեստով: Այն վաճառվում է բոլոր դեղատներում և արդյունքը դրական ցույց կտա բեղմնավորումից արդեն 10 օր հետո:

Կարդացեք՝ Ինչո՞ւ են հղիության թեստերը երբեմն սխալ արդյունք ցույց տալիս

Հղիությունը հաստատող հավաստի միջոց է ՈւՁՀ-ն: Պտղի առկայությունն արգանդում այս կերպով որոշել կարելի է հղիության 4-5-րդ շաբաթից սկսած: Հնարավոր է ավելի ճշգրիտ որոշել` կատարելով արյան մեջ մարդու գոնադոտրոպինային հորմոնի (ХГЧ) հետազոտում: Վերջինս կարելի է հանձնել դաշտանի ուշացումից մեկ օր անց։