Տրիխոմոնիազ․ախտանշաններն ու բուժումը
15702
Տրիխոմոնիազը բորբոքային հիվանդություն է, որի դեպքում ախտահարվում է միզսեռական համակարգը։
Փոխանցման ուղիները
Վարակման հիմնական ճանապարհը սեռականն է (շփում հեղուկների հետ՝ արյան, լորձի, թքի, սերմնահեղուկի հետ), հնարավոր է վարակվել նաև այլ ճանապարհներով, օրինակ՝ կենցաղային (ընդհանուր զուգարանից, սրբիչից, խալաթից և այլ իրերից օգտվելիս), սակայն այդ կլինիկորեն ապացուցված չէ։ Հնարավոր է վարակը փոխանցվի նաև երեխայի ծնվելու ընթացքում։
Գաղտնի փուլի տևողությունը վարակվելուց հետո երկուսից չորս շաբաթ է, որից հետո ի հայտ են գալիս առաջին ախտանշանները։ Հիվանդության ընթացքը սուր է, բնորոշվում է առատ արտադրությամբ և ցավով։
Ախտանշանները կանանց դեպքում՝
- սեռական օրգանների կարմրածություն, այտուցվածություն,
- մանր արյունազեղումներ,
- առատ, փրփրանման արտադրություն,
- տհաճ հոտ։
Ախտանշանները տղամարդկանց դեպքում բավականին մեղմ են և քիչ, կամ էլ բացակայում են, սակայն այդ չի նշանակում, որ նրանց համար անվնաս է։ Առանց ախտանիշների ընթացքող տրիխոմոնիազը կարող է առաջացնել պրոստատիտ և անպտղություն։
Ախտորոշումը
Ախտորոշումը կատարվում է ընդհանուր քսուքի կամ PCR եղանակով:
Բուժումը
Բուժումը ենթադրում է որոշ սկզբունքների պահպանում՝ սեռական հարաբերության դադարեցում որոշ ժամանակով, իմունիտետի անկման պատճառ դարձած ուղեկցող հիվանդության բուժում, հակատրիխոմոնադային դեղորայքի ընդունում, տեղային և ընդհանուր հիգիենիկ պրոցեդուրաներ։ Առաջին ախտանշանները նկատելուն պես հարկավոր է դիմել բժշկի, գուցե հարկավոր լինի մի քանի մասնագետի խորհրդատվություն՝ գինեկոլոգի, ուրոլոգի և վեներոլոգի։
Նմանատիպ նյութեր
Ճի՞շտ է, որ եթե սերմնահեղուկը թափվում է հեշտոցից, ապա նվազում է հղիանալու հավանականությունը
Ճի՞շտ է, որ եթե կինը հեշտոցային օրգազմ չի ապրում, ուրեմն հիվանդ է
Ցավ սեռական հարաբերության ժամանակ. ինչի մասին է վկայում
Հղիությունը մեծացնո՞ւմ է սեռական ցանկությունը
Ինչպես ճիշտ օգտագործել պահպանակը և ինչ անել, եթե պատռվել է
