Ճի՞շտ է, որ որոշ դիրքեր նպաստում են բեղմնավորմանը

Ճի՞շտ է, որ որոշ դիրքեր նպաստում են բեղմնավորմանը

Ցավոք այս թեմայով լուրջ գիտական հետազոտություններ չեն կատարվել, սակայն մագնիսառեզոնանսային շերտագրումը (ՄՌՇ), որի օգնությամբ հետևել են մի քանի զույգերի, ովքեր սեռական հարաբերություն են ունեցել տարբեր դիրքերով, թույլ է տալիս պատկերացնել, թե ինչ է տեղի ունենում օրգանիզմում հարաբերության ժամանակ:

Առողջ բանականությունը հուշում է, որ միսիոներական դիրքը (տղամարդը վերևից) պետք է լինի լավագույնըը, քանի որ տղամարդու սեռական օրգանն առավել խորն է ներթափանցում, և սերմնահեղուկը հեշտությամբ հասնում է արգանդի պարանոցին: Հղիանալ ցանկացող զույգերին սիրով զբաղվելիս կօգնի նաև «տղամարդը հետևից» դիրքը, երբ կինը պառկած է փորի վրա կամ չորեքթաթ դիրքով է. այդպես սերմնահեղուկը նույնպես հեշտությամբ է հասնում նպատակին:

ՄՌՇ-ում երևում է, որ երկու դեպքերում էլ առնանդամի գլխիկը հասնում է հեշտոցի կամարին (արգանդի պարանոցի շուրջը գտնվող փոսիկին): Միսիոներական դիրքում գլխիկը ներթափանցում է հեշտոցի առաջնային կամար, իսկ երբ տղամարդը հետևից է՝ հետին կամար: Այդ հետազոտությունն ուղղակիորեն հաստատում է այն, ինչի մասին շատերն արդեն կռահում էին:

Ո՞ր դիրքերը նպաստավոր չեն բեղմնավորման համար

Որոշ փորձագետներ խորհուրդ են տալիս հրաժարվել նստած, կագնած դիրքերից, ինչպես նաև հեծյալուհու դիրքից (կինը վերևից): Եթե ուղղահայաց դիրք եք ընդունում, ապա ձգողականության ուժն ազդում է սերմնահեղուկի վրա, և դրա համար ավելի դժվար է դառնում շարժվել դեպի վեր՝ ֆալոպյան փողերի ուղղությամբ:

Արդյո՞ք հեշտանքը (օրգազմը) նպաստում է բեղմնավորմանը

Ակնհայտ է, որ տղամարդու հեշտանքը շատ կարևոր է բեղմնավորման համար: Եթե տղամարդը հեշտանք չի զգում, ապա սերմնահեղուկը թույլ է թափվում, առանց սերմնաժայթքման: Ժամանակակից հետազոտությունները ցույց են տալիս, որ կնոջ հեշտանքը կարող է իր դերն ունենալ հղիանալու հարցում: Արգանդի և հեշտոցի կրճատումները, որոնք ուղեկցում են կնոջ հեշտանքին, սերմնահեղուկին օգնում են ընկնել արգանդի խոռոչ: Բնականաբար խոսքն այն դեպքերի մասին է, երբ կինը գագաթնակետին հասնում է տղամարդուց հետո կամ նրա հետ միաժամանակ:

Ամեն դեպքում կարևոր է հիշել, որ հեշտանքի հասնելու ունակությունն ընդհանրապես կամ սեռական ակտի ժամանակ սկզբունքորեն չի ազդում հղիանալու հնարավորության վրա:

Կարո՞ղ է արդյոք դիրքն ազդել երեխայի սեռի վրա

Դրա մասին գիտությունը լռում է, սակայն լեգենդներ են շրջում, որ կապ գոյություն ունի: Լեգենդներից մեկը պնդում է, որ եթե սեռական ակտի ժամանակ կինն է վերևում, ապա աղջիկ կծնվի, իսկ եթե տղամարդը՝ ապա տղա:

Կարդացեք՝  Երեխայի սեռի պլանավորում․ ինչպե՞ս

Արդյո՞ք պետք է հարաբերությունից հետո որոշ ժամանակ պառկած մնալ

Որոշ հետազոտողներ կարծում են, որ երեխա բեղմնավորելու հնարավորությունները կմեծանան, եթե սեռական հարաբերությունից հետո կես ժամ պառկեք անկողնում, ցանկալի է մեջքի վրա՝ փոքր-ինչ բարձրացրած ազդրերով, ոտքերը դրած բարձի վրա: Տեսականորեն դա պետք է օգնի սերմնաբջիջներին առաջ շարժվել դեպի ֆալոպյան փողերը՝ պայքարի մեջ չմտնելով երկրի ձգողականության ուժի հետ: Սակայն պետք չէ դա անել, եթե հակված եք միզասեռական վարակների, և բժշիկը խորհուրդ է տալիս սեռական հարաբերությունից անմիջապես հետո դատարկել միզապարկը:

 

Հոդվածի աղբյուրը՝ babycenter.ru

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: