Առողջ կին, առողջ սերունդ․ կայացավ կանանց համար նախատեսված հատուկ հանդիպումը
5930
Երեկ՝ փետրվարի 8-ին, կայացավ կանանց համար նախատեսված հատուկ հանդիպումը։ Ջերմ և անկաշկանդ մթնոլորտը նպաստեցին, որպեսզի կանայք բարձրաձայնեն իրենց խնդիրները և տան մտահոգող հարցերը։
Օրեցօր կանանցից բազմաթիվ հարցեր ենք ստանում մեր ֆեյսբուքյան էջի և կայքի միջոցով, որոնց հաճախ դժվար է լինում սպառիչ պատասխանել հավելյալ տեղեկությունների բացակայության և առցանց շփման հարուցած խնդիրների պատճառով, ուստի հատուկ կանանց համար հանդիպում կազմակերպելու միտք հղացավ։ Այն գալու և անձամբ բժշկին հարցերը տալու լավ առիթ էր և շարունակական բնույթ է կրելու․ հոգ չէ, եթե այս անգամ չկարողացաք մասնակցել։
Հանդիպման ընթացքում անդրադարձանք մի շարք կարևոր և կանանց մեծամասնությանը հետաքրքրող այնպիսի թեմաների, ինչպիսիք են՝ ձվարանի կիստաներ, հորմոնային խանգարում (գիրացում, մազակալում), դաշտանային ցիկլի խանգարում, երեխայի սեռի պլանավորում, ցիտոմեգալովիրուս, վիժում, անցանկալի հղիություն, չզարգացող հղիություն, անպտղություն և այլն։
Հատուկ շնորհակալություն «Շունչ» յոգայի կենտրոնին հարմարավետ սրահը տրամադրելու համար և Արման Կարախանյանին լուսանկարելու համար։
