Նստակյաց կյանք վարելն ավելի վտանգավոր է, քան ծխելը

Նստակյաց կյանք վարելն ավելի վտանգավոր է, քան ծխելը

Նստակյաց աշխատանքն զգալիորեն կրճատում է կյանքի տևողությունը: Ամեն օր 8 ժամ շարունակ համակարգչի առջև նստած աշխատելը 15%-ով մեծացնում է մահվան վտանգը, իսկ նստած անցկացրած 11 ժամը՝ 40%-ով:

Վերջերս իրականացված հետազոտությունները հուսադրող չեն: Ըստ Առողջապահության համաշխարհային կազմակերպության տվյալների՝ յուրաքանչյուր տարի աշխարհում նստակյաց ապրելակերպի զոհ է դառնում 5 մլն. մարդ, իսկ ծխախոտից տարեկան մահանում է 4.9 մլն մարդ: Փաստորեն նստելն ավելի վտանգավոր է, քան ծխելը:

Ողնաշարի ցավը, մկանային թուլությունը, սրտի հիվանդությունները, ստամոքսի քաղցկեղը միայն մի քանիսն են այն հետևանքներից, որոնց հանգեցնում է նստակյաց աշխատանքը: Բացի այս ֆրանսիացի սրտաբան Ֆրանսուա Կարեի (Նստակյաց ապրելակերպի հետևանքների ուսումնասիրությամբ զբաղվող կոմիտեի նախագահ) կարծիքով քիչ շարժվելը հանգեցնում է օրգանիզմի «աղտոտման», քանի որ բջիջներում ակտիվացնում է օքսիդացնող գործընթացները: Սա հիմք է նախապատրաստում բազմաթիվ հիվանդությունների՝ ներառյալ քաղցկեղի առաջացման համար:

Ի՞նչ անել: Անգամ ամենօրյա մարզանքը բավ չէ, եթե դրանից հետո ժամեր շարունակ չենք շարժվում: Բազմաթիվ միջոցներ կան, որոնք կօգնեն խուսափել նստակեցությունից և վերջինիս կործանարար հետևանքներից անգամ եթե աշխատում ենք գրասենյակում համակարգչի առջև նստած: Ներկայացնենք դրանցից մի քանիսը:

Աշխատակցին էլ. փոստով հաղորդագրություն ուղարկելու փոխարեն մոտեցեք նրան և անձամբ խոսեք:

Աշխատասեղանին բաժակով ջուր դրեք, բայց այնպես, որ միշտ ձեր տեսադաշտում լինի: Այդ դեպքում կամա թե ակամա կխմեք այն: Ջուրը բարելավում է նյութափոխանակությունը, նվազեցնում է ախորժակը, ինչպես նաև օգնում է հաճախ քայլել ... մինչև զուգարան: Հավատացեք սկզբի համար լավ է:

Եթե անգամ աշխատանքը շատ է, մի սնվեք համակարգչի մոտ նստած, գոնե 15 րոպեով դուրս եկեք ճաշելու: Լանչից հետո 5-10 րոպե զբոսնեք փողոցում:

Ժամանակ առ ժամանակ վեր կացեք աթոռից և աշխատեք կանգնած՝ հենվելով աթոռին: Դիրքի փոփոխությունը կօգնի թուլացնել լարված մկանները և ամբողջ մարմնում կբարելավի արյան շրջանառությունը:

Հեռախոսում հիշեցում դրեք, որ վեր կենալու ժամանակն է: Միջանցում քայլելով և ձեռքերի ու գլխի պտույտներ անելով զգալիորեն կատիվացնեք մարմինը: Թող որ հեռախոսը ձեզ հիշեցնի սա անել յուրաքանչյուր մեկ ժամը մեկ:

Ինչո՞ւ է առավոտյան առաջանում սրտխառնոց. ի՞նչ անել

Ինչո՞ւ է առավոտյան առաջանում սրտխառնոց. ի՞նչ անել

Սրտխառնոցը զգացողություն է, որը կարող է առաջանալ ամենատարբեր պատճառներով: Ստորև կներկայացնենք առավել հաճախ հանդիպող պատճառները։

Ինչո՞ւ է հնարավոր մի քանի անգամ վարակվել քովիդով

Ինչո՞ւ է հնարավոր մի քանի անգամ վարակվել քովիդով

Նույնիսկ եթե մարդը արդեն հիվանդ է մեկ շտամով, նրա դիմադրողականությունը կարող է «չճանաչել» մեկ այլ շտամ:

Առաջին օգնության պայուսակ ամառանոցի համար

Առաջին օգնության պայուսակ ամառանոցի համար

Դեղատուփը չպետք է լինի շատ մեծ: Ի վերջո, այն պետք է ունենա միայն առաջին օգնության համար նախատեսված միջոցներ, իսկ հետո անհրաժեշտ է այցելել բժշկի

Ինչպե՞ս ստուգել իմունային կարգավիճակը

Ինչպե՞ս ստուգել իմունային կարգավիճակը

Իմունային կարգավիճակը՝ դիմադրողականության որակական և քանակական բնութագրերի համախումբն է