Հղիանալու հավանականությունը հենց առաջին սեռական հարաբերությունից հետո

Հղիանալու հավանականությունը հենց առաջին սեռական հարաբերությունից հետո

Բոլորս էլ լսել ենք այն երջանիկների մասին, ում բախտ է վիճակվել հղիանալ հղիության պլանավորման հենց առաջին փուլում: Գիտե՞ք, թե որքան է առաջին անգամից հղիանալու հավանականությունը: Եկեք պարզենք միասին:

Կնոջ դաշտանային ցիկլը տևում է միջինում 28-30 օր: Ցիկլի ընթացքում կան օրեր, երբ կինը կարող է հղիանալ (բեղմնավորման բարձր հավանականությամբ օրեր): Սպերմատոզոիդները պահպանվում են արգանդի խոռոչում կամ արգանդափողերում միջինում 48 ժամ՝ սպասելով ձվաբջջին: Դրանք կարող են պահպանել իրենց կենսունակությունը մինչև 5 օր, սակայն բավականին հազվադեպ է այդպես լինում, և բեղմնավորման հավանականությունը իջնում է: Այնպես որ եկեք հիմք ընդունենք 48 ժամը, որի ընթացքում բեղմնավորման հավանականությունն ավելի բարձր է:

Եթե հաշվի առնենք այդ ժամանակահատվածը և այն շրջանը, երբ կինը պտղաբեր է, ստացվում է 3 օր, որոնց ընթացքում բեղմնավորումը հնարավոր է: Եթե ցիկլը 28 օր է տևում, ապա բեղմնավորման հավանականությունն այդ դեպքում 11% է: Դա է պատճառը, որ շատ կանայք խիստ մտահոգվում են, երբ համառ փորձերը չեն հանգեցնում ցանկալի արդյունքին:

Այժմ եկեք այս «մաթեմատիկային» այլ տեսանկյունից նայենք: Եթե ամեն բան այդքան տխուր լիներ, մի՞թե բեղմնականխման բազմաթիվ մեթոդների կարիքը կզգացվեր:

Կա՞ մեկը, ով երբեք չի լսել անպաշտպան սեռական հարաբերության արդյունում անսպասելի հղիության մասին: Առաջին սեռական հարաբերության արդյունքում հղիանալու հավանականություն կա և հանդիպում է բավականին հաճախ:

Վիճակագրություն

Բժիշկները վկայում են, որ եթե զույգն առողջ է և սեռական հարաբերություն է ունենում շաբաթը 2-3 անգամ, ապա մոտակա կես տարում հղիանալու հավանականությունը 60 % է: Մնացյալ 30%-ը կհասնի ցանկալի արդյունքին մեկ տարվա ընթացքում: Զույգերի մոտավորապես 10% -ը հաջողության է հասնում փորձերի հենց առաջին փուլում:

Տարիքը

Տարիքը և հղիանալու հավանականությունն անմիջականորեն կապված են: Առաջին հերթին դա կապված է ձվազատման ցիկլերի նվազման կամ բացակայության հետ, որի ընթացքում բեղմնավորումն անհնար է: Պետք է ասել, սակայն, որ ամուր առողջության և հակացուցումների պարագայում փորձելը կարելի է և անհրաժեշտ: Ի հատուցումն դրա, բնությունն ուշ հղիություններին պարգևատրում է երկվորյակ ունենալու մեծ հավանականությամբ:

 

Աղբյուրը

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: