Զույգե՞ր, թե՞ երկվորյակներ. ո՞րն է տարբերությունը

Զույգե՞ր, թե՞ երկվորյակներ. ո՞րն է տարբերությունը

Պատահում է այնպես, որ միևնույն մորից միաժամանակ լույս աշխարհ են գալիս երկու կամ ավել երեխաներ, որոնք լինում են կամ երկվորյակներ, կամ զույգեր: Ո՞րն է տարբերությունը: Ինչո՞վ են զույգերը տարբերվում երկվորյակներից:

Նախ նշենք, որ բժիշկները չեն կիրառում «զույգ» հասկացությունը: Տարբերում են միաձվանի (մոնոզիգոտ, հոմոզիգոտ) կամ երկձվանի (դիզիգոտ, հետերոզիգոտ) երկվորյակներ, որոնք առաջանում են երկու կամ ավել բեղմնավորված ձվաբջիջներից, առանձին սպերմատոզոիդներից: Հենց վերջիններիս էլ ժողովուրդն անվանում է զույգեր:

Միաձվանի երկվորյակները նման են, ինչպես ջրի երկու կաթիլ: Պատճառն այն է, որ երկվորյակները զարգանում են մեկ ձվաբջջից, որը բեղմնավորվել է մեկ սպերմատոզոիդից: Այդ ձվաբջիջը բեղմնավորումից հետո տրոհվում է երկու էմբրիոնի: Այս տիպի երկվորյակները միասեռ են լինում, քանի որ ունեն քրոմոսոմների նույն հավաքակազմը: Միաձվանի երկվորյակների ծնունդը պլանավորելն անհնար է:

Բեղմնավորումից հետո բեղմնավորված պտղաձվի տրոհման բնույթը բացահայտված չէ, մեծ դեր է խաղում ժառանգականությունը: Եթե ձեր կամ ձեր ամուսնու ազգականների մեջ եղել են միաձվանի երկվորյակներ, ապա երկվորյակ ունենալու հավանականությունը մեծանում է, սակայն ակտիվորեն ազդել այդ գործընթացի վրա հնարավոր չէ:

Զույգերը երկձվանի երկվորյակներն են: Նրանք ի սկզբանէ ձևավորվում են երկու տարբեր սպերմատոզոիդներից բեղմնավորված երկու տարբեր ձվաբջիջներից: Նրանցից յուրաքանչյուրն ունի սեփական քրոմոսոմային հավաքակազմ: Կարող են լինել ինչպես միասեռ, այնպես էլ տարբեր սեռի և նման են, ինչպես տարբեր ժամկետներում ծնված սովորական քույրերն ու եղբայրները:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար