Ինչպես որոշել ծննդաբերության օրը

Ինչպես որոշել ծննդաբերության օրը

Ծննդաբերության օրը հետաքրքրում է բոլոր ապագա մայրերին: Նորմալ հղիությունը տևում է 40 շաբաթ կամ 280 օր (կամ էլ 10 մանկաբարձական ամիս. մեկ մանկաբարձական ամիսը 28 օր է): «Նորմալ» բառը, իհարկե, պայմանականորեն է ասված, որովհետև հնարավոր է, որ 2 շաբաթվա տարբերություն լինի: Դա պաթոլոգիա չի համարվում, այդ պատճառով էլ ծննդաբերության ամսաթիվը, որ սովորաբար հաշվում են հղի կանանց խորհրդատվության ժամանակ, ենթադրյալ է:

Ծննդաբերության օրը հնարավոր է որոշել մի քանի եղանակներով:

- Վերջին դաշտանի առաջին օր + 280 օր (կամ 40 շաբաթ) = ծննդաբերության օր (սխալի հավանականությունը 2 շաբաթ է, այդ իսկ պատճառով էլ սովորաբար ստացված թվից հանում են 14 օր):

- Վերջին դաշտանի առաջին օր + 7 օր - 3 ամիս = ծննդաբերության օր:

- Բեղմնավորման օր + 280 օր (կամ 40 շաբաթ)= ծննդաբերության օր (սա ավելի ստույգ է, անսխալ):

Ծննդաբերության օրը որոշվում է նաև ՈՒՁՀ-ի արդյունքում, ինչն ավելի նախընտրելի է այն կանանց պարագայում, ովքեր չեն հիշում վերջին դաշտանի առաջին օրը: Նման դեպքերում կարևոր է հղիության տևողությունը, և առավել ստույգ որոշվում է հղիության առաջին շաբաթների ընթացքում: Հենց այդ ժամկետից էլ խորհուրդ է տրվում հաշվել ծննդաբերության ստույգ օրը:

Հաշվարկը հնարավոր է կատարել` հիմնվելով նաև պտղի առաջին խաղի վրա: Առաջնածին կանայք պտղի առաջին խաղն զգում են հղիության 20-րդ շաբաթում, իսկ այն կանայք, ովքեր երբևէ ծննդաբերել են՝ մոտ 18-րդ շաբաթում: Որոշման այս ձևը, սակայն, ստույգ չէ, նորմայում հնարավոր են շեղումներ այդ ժամանակացույցից:

Պետք է ասել, որ հղիության ճշգրիտ տևողության որոշումը շատ բարդ է, որովհետև դժվար է որոշել, թե երբ է կատարվել ձվազատումը և ձվաբջջի բեղմնավորումը:

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը