Ի՞նչ կլինի, եթե քաղցր շատ ուտեք

Ի՞նչ կլինի, եթե քաղցր շատ ուտեք

Քաղցրը սննդակարգի պարտադիր բաղադրիչ չէ, այնպես որ չկան խիստ ստանդարտներ, որոնց պետք է հետևել:

Ո՞ր արտադրատեսակներն են համարվում քաղցր

Քաղցր են համարվում այն արտադրատեսակները, որոնք պարունակում են շատ մոնոսախարիդներ՝ գլյուկոզա, ֆրուկտոզա, դիսախարիդներ՝ սախարոզներ և այլն, որոնք ավելացվում են սննդի և խմիչքների մեջ կամ ի սկզբանե առկա են մեղրի, ծաղիկների նեկտարի, օշարակի, մրգահյութերի և բանջարեղենի հյութի մեջ։

Ինչպե՞ս պարզել, թե որքան շաքար է պարունակում տվյալ սննդամթերքը

Որոշ մթերային պիտակների վրա նշվում է ոչ միայն ածխաջրերի քանակը, այլ նաև շաքարի։ Պարզապես ուշադիր եղեք և հետևեք ձեր սննդակարգին։

Որքա՞ն քաղցր կարելի է ուտել օրվա ընթացքում

Քանի որ չկան որոշված ստանդարտներ, կարող եք կենտրոնանալ տարբեր գիտնականների կարծիքների վրա:
Բրիտանացի բժիշկները կարծում են, որ սննդից և խմիչքներից ստացված շաքարի քանակը չպետք է գերազանցի ամենօրյա սննդակարգի 5%-ը: Սա նշանակում է, որ մեծահասակները կարող են օգտագործել ոչ ավելի, քան 30 գ շաքար, իսկ երեխաները՝ ավելի քիչ։

• 7-ից 10 տարեկանները` օրական առավելագույնը 24 գ,
• 4-ից 6 տարեկանները՝ 19 գ,
• Իսկ մինչև 4 տարեկանը ավելի լավ է խուսափել քաղցր արտադրատեսակներից:

Ամերիկյան սրտաբանական ասոցիացիան կանանց խորհուրդ է տալիս օրական սպառել ոչ ավելի, քան 24 գ շաքար, իսկ տղամարդկանց՝ 36 գ։

Այսինքն, օրական կարելի է խմել 2-3 բաժակ թեյ՝ շաքարով:

Ի՞նչ կլինի, եթե քաղցր շատ օգտագործեք

Կարիք չկա ամբողջովին հրաժարվելու քաղցրից առողջ լինելու համար,
բավական է միայն օգտագործել այն չափի մեջ, այլապես կհանդիպեք կողմնակի բարդությունների.
• Քաշի ավելացում,
• գերհոգնածություն,
• տրամադրության անկում,
• Ատամների առողջության հետ կապված խնդիրներ,
• մաշկի ցան,
• մաշկի վաղ ծերացում,
• շաքարախտի առաջացման վտանգ,
• լյարդի հետ կապված խնդիրներ,
• սրտի կաթվածի և ինսուլտի առաջացման վտանգ։

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին