Դաշտանի ուշացում. ե՞րբ և ինչո՞ւ անհանգստանալ

Դաշտանի ուշացում. ե՞րբ և ինչո՞ւ անհանգստանալ

Դաշտանի ձգձգումը մի իրավիճակ է, երբ դաշտանը չի սկսվում սպասվող ժամանակահատվածում:

Այն կարող է ուշանալ տարբեր պատճառներով, որոնցից ամենատարածվածներն են.
Հղիություն
Սա թերևս ամենատարածված պատճառն է սեռական կյանքով ապրող առողջ կանանց համար: Ուշացման դեպքում խորհուրդ է տրվում սպասել 1-2 օր, հետո պարզել հղիության առկայությունը թեստի միջոցով։

Ի՞նչ անել
Եթե արդյունքը դրական է, ապա այցելեք գինեկոլոգի՝ համոզվելու, որ հղիությունը նորմալ է զարգանում:

Սթրեսներ
Սուր կամ քրոնիկ սթրեսը զգալիորեն ազդում է հորմոնալ ֆոնի վրա, ինչի հետևանքով դաշտանային ցիկլը կարող է դառնալ անկանոն։

Ի՞նչ անել
Առավել ակնհայտ և պարզ խորհուրդն է ազատվել սթրեսից, ավելի շատ հանգստանալ, մտածել դրականի մասին: Բայց եթե դաշտանը չի վերսկսվում, ապա հարկավոր է խորհրդակցել գինեկոլոգի հետ:

Քաշի կտրուկ նվազում
Եթե կալորիաները բավարար չեն հորմոնների արտադրության համար, որոնք պատասխանատու են օվուլյացիայի և դաշտանի համար, ապա կարող են առաջանալ խախտումներ:

Ի՞նչ անել
Հարկավոր է հնարավորինս արագ կապվել թերապևտի հետ:
Քաշի կտրուկ ավելացում
Մարմնի մեջ կուտակված ճարպը մեծացնում է էստրոգեն հորմոնի արտադրությունը, որը կարգավորում է նաև դաշտանային ցիկլը: Էստրոգենի մեծ քանակը կարող է ավելի հազվադեպ դարձնել դաշտանը կամ ամբողջովին դադարեցնել այն:

Ի՞նչ անել
Անհրաժեշտ է խորհրդակցել մասնագետի հետ: Բժիշկը խորհուրդ կտա, թե ինչպես արագ և անվտանգ նիհարել:
Ֆիզիկական գերծանրաբեռնվածություն Ֆիզիկական ծանրաբեռնվածությունը նույնպես սթրես է առաջացնում օրգանիզմի համար, որն իր հերթին ազդում է դաշտանային ցիկլը կարգավորող հորմոնների վրա:

Ի՞նչ անել
Եթե կասկածում եք, որ հետաձգումը կարող է կապված լինել ինտենսիվ մարզումների հետ, ապա պետք է խորհրդակցել բժշկի հետ, ով մասնագիտացած է մարզական բժշկության ոլորտում: Մասնագետը խորհուրդ կտա, թե ինչպես պահպանել ֆիզիկական վիճակը՝ առանց խախտելու դաշտանային ցիկլը:

Հակաբեղմնավորիչների ընդունում
Որոշ հակաբեղմնավորիչներ և նույնիսկ ներարգանդային պարույրը կարող են հանգեցնել դաշտանի իսպառ դադարեցման:

Ի՞նչ անել
Հարկավոր է խորհրդակցել գինեկոլոգի հետ ու հետևել նրա ցուցումներին:

Դաշտանադադար
Նախադաշտանադադարային փուլում հորմոնալ փոփոխություններ են առաջանում, ձվարանները դադարում են ձվաբջիջ արտադրել, իսկ դաշտանը դառնում է անկանոն։

Ի՞նչ անել
Խորհրդակցեք գինեկոլոգի հետ:
Դուք ունեք ձվարանների պոլիկիստոզային համախտանիշ։
Սա մի պայման է, որի դեպքում ձվարանների վրա ձևավորվում են կիստաներ, և օրգանիզմում բարձրանում է անդրոգեն հորմոնի մակարդակը և այլն:

Արդյունքում կարող է առաջանալ դաշտանային ցիկլի խանգարում։

Ի՞նչ անել
Դիմել գինեկոլոգի
Դուք ունեք այլ հիվանդություն

Դաշտանի ուշացումը կարող է պայմանավորված լինել որևէ հիվանդությամբ.
• Ձվարանների վաղաժամ անբավարարություն
• Էնդոկրին համակարգի հիվանդություններ
• Ցելիակիա հիվանդություն
• Եվ այլն…

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին, Յութուբյան ալիքին