Կարելի՞ է արդյոք ամռանն իրականացնել մաշկի շերտազատում (պիլինգ)

Կարելի՞ է արդյոք ամռանն իրականացնել մաշկի շերտազատում (պիլինգ)

Պիլինգը միջամտություն է, որն ապահովում է վերնամաշկի շերտազատումը: Պիլինգի հիմնական նպատակը մաշկի մակերեսային եղջերացած շերտի, մեռուկացած բջիջների հեռացումն է։ Սովորաբար պիլինգները խմբավորում են ըստ տեսակի և ներթափանցման խորության:

Դրանք կարող են լինել.

• մեխանիկական, որի դեպքում մաշկը հեռացվում է տարբեր նյութերի փոքր մասնիկներով, ինչպիսիք են՝ սուրճը, ծովի աղը, նռան հատիկները և այլն: Մեխանիկական պիլինգը սովորաբար իրականացվում է սկրաբի և միկրոդերմաբրազիայի միջոցով:

• քիմիական պիլինգ, որի դեպքում կիրառվող նյութերը քայքայում են բջիջները և կապը նրանց միջև։ Առանձնացվում է քիմիական պիլինգի տարբեր տեսակներ՝ թթվային, ռետինային, ֆերմենտային և այլն:

Ըստ ազդեցության խորության՝ պիլինգները լինում են.

• մակերեսային — բժշկական նյութերի ակտիվ բաղադրիչները ազդում են եղջերաթաղանթի և մաշկի հատիկավոր բջիջների շերտերի վրա,

• միջին — ակտիվ բաղադրիչների ազդեցության են ենթարկվում էպիդերմային շերտը, մինչ պապիլյար դերմիսի շերտ,

• խորը - ակտիվ բաղադրիչների ազդեցության են ենթարկվում մաշկի բոլոր շերտերը, մինչ բազալ շերտ: Խորը պիլինգ իրականացվում է միայն էսթետիկ կենտրոններում։

Ինչո՞ւ խորհուրդ չի տրվում ամռանը իրականացնել պիլինգ

Ամռանը մաշկն արդեն իսկ վնասվում է շոգից ու ակտիվ ուլտրամանուշակագույն ճառագայթներից, իսկ պիլինգն իր հերթին այն ենթարկում է տրավմայի: Դրա պատճառով կարող է առաջանալ մաշկի բորբոքում և պիգմենտավորում։ Բացի այդ, շոգ եղանակին վերքերն ավելի ուշ են լավանում, ուստի պիլինգից հետո մաշկի վերականգնումը կարող է տևել բավականին երկար։ Բացի այդ՝ քիմիական պիլինգի դեպքում կարող է առաջանալ ալերգիկ ռեակցիա ակտիվ արևի պատճառով։

Հնարավո՞ր է ամռանն իրականացնել պիլինգ Կարելի է, բայց շատ զգույշ: Սա վերաբերում է պիլինգի ցանկացած տեսակին, քանի որ դրանք բոլորն էլ այս կամ այն կերպ վնասում են մաշկը և կարող են հանգեցնել բարդությունների:

Որպեսզի խուսափեք բարդություններից, հետևեք այս խորհուրդներին.

• Ընտրեք շերտազատող ավելի նուրբ նյութեր՝ ոչ քիմիական։

• Ամռանը նախապատվությունը տվեք մակերեսային պիլինգին։

• Ընթացակարգից առաջ խուսափեք արևի ճառագայթներից առնվազն 10-12 օր:

• Պիլինգից հետո մաշկը շատ զգայուն է ուլտրամանուշակագույն ճառագայթների նկատմամբ, ուստի հարկ է առնվազն 2 շաբաթ խուսափել արևի տակ գտնվելուց:

• Անպայման օգտագործեք արևապաշտպան միջոցներ։ Կիրառեք դրանք տնից դուրս գալուց 15 րոպե առաջ։

• Մի՛ մոռացեք խոնավացնել մաշկը։

Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին