Ինչու՞ են անհրաժեշտ լուբրիկանտները

Ինչու՞ են անհրաժեշտ լուբրիկանտները

 

Շատ կանայք տառապում են հեշտոցի չորությունից, սակայն ամաչում են բարձրաձայնել խնդիրը կամ դիմել մասնագետի:

Առանց քսուքի սեռական հարաբերությունը կարող է ցավոտ լինել և վնասել հեշտոցի լորձաթաղանթը, ինչն էլ  կհանգեցնի հիվանդությունների և տհաճ զգացողությունների զարգացման: Բնական քսուքն ավելի քիչ է արտադրվում հորմոնալ փոփոխությունների, դեղորայքի ընդունման, ծերացման կամ սթրեսի պատճառով: Իսկ արհեստական ​​քսուքը՝ լուբրիկանտը, օգնում է բարձրացնել սեռական հաճույքը, ուժեղացնել զգացողությունները, պահպանել հեշտոցի և վուլվայի մաշկի նրբությունը, կանխել ճաքերի առաջացումը: Լուբրիկանտը նաև համարվում է կանոնավոր խնամք և ունի կանխարգելիչ ազդեցություն չոր ու զգայուն լորձաթաղանթի համար, քանի որ վերացնում է գրգռվածությունն ու չորությունը, բուժում է փոքր վերքերը և ճաքերը, կանխարգելում է քորի առաջացումը և նվազեցնում է պահպանակի պատռման վտանգը: Լուբրիկանտը ցանկացած ինտիմ հարաբերությունների անփոխարինելի մասնիկն է, և անկախ տարիքից՝ անհրաժեշտ է օգտագործել այն:

Ո՞ր լուբրիկանտներն են անվտանգ:

Ընտրություն կատարելիս հետևեք մի քանի խորհրդի.

  • Ուշադրություն դարձրեք բաղադրիչների քանակին: Որքան քիչ բաղադրիչներ է պարունակում լուբրիկանտը, այնքան ավելի լավ։
  • Բացառեք ալկոհոլի կամ հոտավետ հավելումների առկայությունը: Այս բաղադրիչները՝ «alcohol», «parfum», «fragnance», կարող են գրգռել հեշտոցի միկրոֆլորան:
  • Բացառեք քիմիական պարաբենների (Methylparaben, Ethylparaben, Propylparaben…) առկայությունը բաղադրության մեջ, քանի որ դրանք վտանգավոր են և կարող են էնդոկրին համակարգի հետ կապված խնդիրներ առաջացնել։
  • Բացառեք նաև շաքարի առկայությունը, քանի որ այն կարող է առաջացնել սնկային հիվանդություններ: Հիդրոցելյուլոզան, սախարինը, սախարիդը և ինուլինը ստեղծում են PH թթվայնության անհավասարակշռություն և սնկերի աճի համար պաթոգեն միջավայր ապահովում:

Լուբրիկանտների տեսակները։

  • Ջրային հիմքով լուբրիկանտներն ամենատարածվածն են և իդեալական են հեշտոցային սեռական հարաբերության համար:
  • Սիլիկոնային հիմքով լուբրիկանտները բավականին յուղային են և հարմար են մերսման, սիրախաղի և անալ սեքսի համար:
  • Հիբրիդային լուբրիկանտները կազմված են լինում 2 հիմքից, օրինակ՝ ջրային և սիլիկոնային կամ սիլիկոնային և յուղային:
  • Ջրային հիմքով՝ օրալ լուբրիկանտներ, որոնք քաղցր քսանյութեր են ` տարբեր համերով, հարմար են միայն օրալ սեքսի համար:
  • Յուղային քսուքներ, որոնք սովորաբար օգտագործվում են մերսման համար, իսկ պահպանակով սեքսի համար հարմար չեն, քանի որ հանգեցնում են լատեքսից պատրաստված պահպանակի պատռմանը:
  • Լուբրիկանտներ լրացուցիչ էֆեկտներով, օրինակ՝ տաքացնող, սառեցնող, գրգռող:

 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում