Սեռավարակներ

Սեռավարակներ

Մանրէները, որոնք ունակ են ախտահարելու միզասեռական համակարգի օրգանները և մեկ անձից մյուսին փոխանցվել սեռական հարաբերության ընթացքում, կոչվում են՝ սեռական ճանապարհով փոխանցվող վարակներ (ՍՃՓՎ)։ Ի՞նչ վարակների մասին է խոսքը ՍՃՓՎ-ներից են՝

• սիֆիլիս

• գոնորեա

•տրիխոմանիազ

• քլամիդիա

• մարդու պապիլոմա վիրուս, որը դրսևորվում է սրածայր կանդիլոմաների տեսքով՝ սեռական օրգանների հատվածում,

• սեռական օրգանների հերպեսային ախտահարում և այլն:

Ինչպե՞ս կարող են դրսևորվել ՍՃՓՎ-ները

Որպես կանոն, վարակի առաջին ախտանիշը անհարմարության զգացողությունն է արտաքին սեռական օրգաններում, միզածորանում և հեշտոցում։ Միզելու ընթացքում առկա է լինում անսովոր արտադրություն և ցավ: Եթե ընդհանուր վիճակը ծանր է, ապա նկատվում է նաև մարմնի ջերմաստիճանի բարձրացում, դող ու թուլությունը: Շատ դեպքերում հնարավոր է կապել հիվանդության այս ախտանիշները վերջերս ունեցած նոր սեռական կապի հետ: Հարկավոր է ժամանակին ախտորոշվել։ Սեռավարակները ունեն գաղտնի բնույթ և կարող են շատ արագ դառնալ քրոնիկ։ Նույնիսկ եթե հիվանդությունը չի դրսևորվում, այն, այնուամենայնիվ, հանգեցնում է միզասեռական համակարգի օրգանների լուրջ ախտահարման: Կանանց մոտ խախտվում է արգանդի պարանոցի լորձաթաղանթի կառուցվածքը. կարող է առաջանալ էկտոպիա, ինչը կարող է հետագայում վերածվել դիսպլազիայի։

Այս դեպքում ախտահարվում են ներքին օրգանները (արգանդի լորձաթաղանթը, արգանդափողերը, ձվարանները), ինչը առաջացնում է կպումային գործընթաց, կիստայի առաջացում, դաշտանային խանգարումներ և, ի վերջո, անպտղություն: Արդյունավետ ախտորոշիչ մեթոդներ Հիվանդության գլխավոր հարուցչին հայտնաբերելու եղանակը բժիշկն ընտրում է հիվանդի հարցման ժամանակ ձեռք բերված տեղեկատվության և հետազոտության արդյունքում: Որոշ դեպքերում ախտորոշման համար օգտագործվում է սեռական օրգաններից վերցված քսուքի մանրադիտակային ուսումնասիրությունը։ Բայց ՍՃՓՎ-ների ախտորոշման ոսկե ստանդարտ է համարվում պոլիմերազային շղթայական ռեակցիայի ուսումնասիրությունը։ Սա շատ զգայուն հետազոտություն է, որի ընթացքում կարելի է հայտնաբերել ԴՆԹ մոլեկուլների նույնիսկ շատ փոքր մասնիկները: ՊՇՌ-ն թույլ է տալիս հայտնաբերել ներբջջային մանրէները (քլամիդիա, ուռեոպլազմա, միկոպլազմա), վիրուսներ (հերպես, մարդկային պապիլոմաներ): Միևնույն ժամանակ, օգտագործելով հատուկ տեխնիկա, լաբորատորիան կարող է որոշել հայտնաբերված պաթոգենի քանակը: Սա կարևոր դեր է խաղում ախտորոշման մեջ, քանի որ բակտերիաների կոնցենտրացիայի և վիրուսի քանակի հիման վրա է բժիշկն ընտրում բուժման օպտիմալ մարտավարությունը: Կանխարգելում Վերարտադրողական տարիքի բոլոր կանանց և տղամարդկանց ԱՀԿ-ն խորհուրդ է տալիս 2 տարին մեկ հետազոտվել սեռավարակների առկայության համար։
 

  Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին