Կանացի սեռական օրգանների կառուցվածքը

Կանացի սեռական օրգանների կառուցվածքը

Կանանց սեռական օրգանները լինում են ներքին և արտաքին։ Ներքին սեռական օրգաններն ապահովում են բեղմնավորումը, իսկ արտաքին սեռական օրգանները մասնակցում են սեռական գործողություններին և պատասխանատու են սեռական զգացողությունների համար:

Ներքին սեռական օրգանները ներառում են հեշտոցը, արգանդը, արգանդափողերը և ձվարանները: Արտաքին սեռական օրգաններն են՝ ցայլքը, մեծ և փոքր սեռական շուրթերը, ծլիկը, հեշտոցամուտքը, հեշտոցամուտքի մեծ գեղձերը։ Արտաքին և ներքին սեռական օրգանների միջև է գտնվում կուսաթաղանթը, իսկ սեռական կյանքի մեկնարկից հետո` դրա մնացորդները:

Արտաքին սեռական օրգաններ

Ցայլքը կնոջ որովայնի ստորին մասի առջևի բլրակն է, որը ենթամաշկային հարուստ ճարպաշերտի շնորհիվ ավելի ուռուցիկ է։ Ցայլքի շրջանը պատված է սովորականից ավելի մուգ մազածածկույթով:

Սեռական շուրթերը մաշկի ծալքեր են, որոնք տեղակայված են ծլիկի և հեշտոցամուտքի երկու կողմերում:

Տարբերակվում են մեծ և փոքր սեռական շուրթեր։

Ծլիկը կանացի արտաքին սեռական օրգան է, որը գտնվում է փոքր սեռական շուրթերի վերին եզրերին մոտ: Սա եզակի օրգան է, որի միակ գործառույթը սեռական զգացողությունների վրա կենտրոնանալն է։ Երկարությունը մոտ 4-5 մմ է, բայց որոշ կանանց մոտ հասնում 1 1 սմ կամ ավելիի։ Սեռական գրգռվածության ժամանակ ծլիկը չափերով մեծանում է:

Հեշտոցամուտքը ճեղքի ձև ունեցող հատված է՝ կողքից սահմանափակված փոքր սեռական շուրթերով, դիմացից՝ ծլիկով, հետևից` սեռական շուրթերով: Հեշտոցամուտքը վերևից ծածկված է կուսաթաղանթով կամ նրա մնացորդներով: Հեշտոցամուտքի մոտ է գտնվում նաև միզուկի մուտքը, որը գտնվում է ծլիկի և հեշտոցամուտքի միջև։

Բարտոլինյան գեղձերը տեղակայված են մեծ սեռական շուրթերի սկզբնամասին մոտ։ Մեկ գեղձի մեծությունը մոտ 1,5-2 սմ է: Սեռական գրգռվածության ընթացքում այս գեղձերն արտադրում են սպիտակուցներով հարուստ գորշ հեղուկ:

Ներքին սեռական օրգաններ

Հեշտոցը կանացի ներքին սեռական օրգան է, որը ներգրավված է սեռական ակտի գործընթացին և ծննդաբերական ուղիների մասն է կազմում: Կանանց հեշտոցի երկարությունը, միջին հաշվով, 8 սմ է, բայց ոմանց մոտ կարող է ավելի երկար լինել (մինչև 10-12 սմ) կամ ավելի կարճ (մինչև 6 սմ):

Ձվարանները կանացի սեռական գեղձեր են, որոնք ծննդյան պահից պարունակում են ավելի քան մեկ միլիոն չհասունացած ձվաբջիջ: Ձվարաններում ձևավորվում են նաև էստրոգեն և պրոգեստերոն հորմոններ:

Օրգանիզմում այդ հորմոնների մշտական ցիկլային փոփոխության և հորմոնների արտադրության շնորհիվ կատարվում է ձվաբջիջների հասունացում և ձվազատում։ Այս գործընթացը կրկնվում է մոտավորապես յուրաքանչյուր 28 օրվա ընթացքում: Ձվազատումը կոչվում է օվուլյացիա:

Յուրաքանչյուր ձվարանի մոտ գտնվում է ֆալոպյան փողը՝ արգանդափողը։

Ֆալոպյան փողերը ձվարաններից դեպի արգանդ գնացող զույգ խողովակներ են, որոնք ազատ ծայրով բացվում են որովայնի խոռոչում: Խողովակներն ունեն թևիկներ, որոնք ձվարանից դուրս եկող ձվաբջջին փորձում են իրենց շարունակական շարժումներով ուղեկցել նրան խողովակի մեջ, որպեսզի հասնի արգանդ։

Արգանդի խոռոչը տանձաձև օրգան է։ Այն գտնվում է կոնքի խոռոչում: Հղիության ընթացքում արգանդը մեծանում է, քանի որ պտուղը աճում է: Արգանդի պատերը բաղկացած են մկանային շերտերից: Ծննդաբերական կծկումները ժամանակ արգանդի մկանները կրճատվում են, արգանդի վզիկը ձգվում է և բացվում, իսկ պտուղը առաջ է շարժվում ծննդաբերական ուղիներով:

Արգանդի պարանոցը դրա ստորին մասն է, որը միացնում է արգանդը և հեշտոցը: Ծննդաբերության ընթացքում արգանդի պարանոցի պատերը նեղանում են, արգանդի պարանոցը ընդլայնվում է՝ դառնալով մոտ 10 սանտիմետր տրամագծով կլոր անցք, ինչի շնորհիվ էլ հնարավոր է դառնում պտղի ծնունդը։

Կուսաթաղանթը բարակ թաղանթ է, որը գտնվում է ներքին և արտաքին սեռական օրգանների միջև՝ հեշտոցի մուտքի մոտ: Յուրաքանչյուր աղջիկ ունի իրեն բնորոշ կուսաթաղանթ՝ իր առանձնահատկություններով։

 

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում