Ինչո՞ւ է անհրաժեշտ դաշտանային բաժակը/թասակը

Ինչո՞ւ է անհրաժեշտ դաշտանային բաժակը/թասակը

Դաշտանային բաժակը փափուկ սիլիկոնից պատրաստված, զանգակի տեսք ունեցող  գավաթ  է, որը տեղադրվում  է հեշտոցի ներսում՝ տամպոնի նման, և հավաքում է դաշտանային արտադրությունը:

Բաժակը կարող է կլանել մեծ քանակությամբ արտադրություն, ինչը թույլ է տալիս կրել այն 12 ժամ շարունակ:

Կարող եք լվանալ բաժակը օճառով և ախտահանել, ինչը անվտանգ է դարձնում բազմակի օգտագործումը: Մեկ բաժակը կարող է ծառայել մինչև 5 տարի:

• Ապահով է առողջության համար

Բաժակները պատրաստվում են 100 %-անոց բժշկական սիլիկոնից, չեն պարունակում ֆտալատներ, ֆիսֆենոլ և քիմիական այլ նյութեր: Դաշտանային բաժակի հարթ մակերեսը չի խանգարում հեշտոցային պատերի բնական խոնավեցմանը և չի խախտում բնական պաշտպանիչ մեխանիզմները:

• Հարմարավետ են

 Կարիք չկա ամեն ամիս գնելու հիգիենայի պարագաներ: Մի բաժակը կծառայի մի քանի տարի և դաշտանի ընթացքում հարմարավետություն ու ազատություն կպարգևի, քանի որ այն չի զգացվում ներսում, չի արտահոսում և թույլ է տալիս ակտիվ կյանք վարել:

• Տնտեսող են

Բաժակները բավականին մատչելի են։ 

• Էկոլոգիապես մաքուր են

Բաժակները աղբ չեն առաջացնում, չեն պարունակում պլաստիկ, յուրաքանչյուր բաժակ համարժեք է 1000 մեկանգամյա օգտագործման հիգիենայի միջոցների, որոնք, ի տարբերություն բաժակների,աղբ են դառնում։

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին