Ինչպես օգտագործել դաշտանային բաժակը/թասակը

Ինչպես օգտագործել դաշտանային բաժակը/թասակը

Ինչպես տեղադրել դաշտանային բաժակը

• Ընդունեք հարմար դիրք՝ կանգնած, նստած կամ ծնկների վրա հենված

• Թուլացեք և մի շտապեք

• Շրջեք բաժակը և պահեք այն մի ձեռքով

• Թուլացեք, ազատ ձեռքով նրբորեն բացեք սեռական շուրթերը և մտցրեք շրջված բաժակի կլորավուն եզրը հեշտոցի մեջ

• Բաժակը ներս հրեք: Ուղղեք այն դեպի մեջքի հատված, այլ ոչ թե կտրուկ վեր։

Երբ բաժակն ամբողջությամբ ներդրված է, թողեք այն: Այն պետք է բացվի ներսում. եթե չբացվի, սեղմեք բաժակի հատակին և փորձեք պտտել այն:

Բաժակը պետք է ամբողջությամբ ներսում լինի՝ ներառյալ բռնակը:

Ճիշտ տեղադրված բաժակը միանգամայն չի զգացվում և կարող է մնալ ներսում մինչև 12 ժամ:

Ինչպես հեռացնել բաժակը

Բաժակը հեռացնելու համար նստեք զուգարանակոնքին։Մկաններով ուժ տվեք, որպեսզի բաժակը ցած իջնի:

Փորձեք բռնել ամանի ներքևի հատվածից: Եթե չեք կարողանում բռնել բաժակի հիմքից, ապա, բռնակից բռնելով, ցած իջեցրեք, այնուհետև բռնեք հիմքից։ Սեղմեք բաժակի  հիմքը և զգուշորեն քաշեք ներքև։

Եթե բաժակը շատ է սեղմված, մտցրեք մատը ամանի երկայնքով և հիմքից հրեք այն դեպի դուրս։

Բաժակն ուղղահայաց պահելով՝ ամբողջովին հանեք այն  և թափեք պարունակությունը։

Ինչպես լվանալ բաժակը

Դաշտանային բաժակը նախ լվացեք սառը ջրով, որպեսզի  այն չսևանա։

Այնուհետև լվացեք տաք ջրով և օճառով: Օգտագործեք փափուկ, առանց բուրավետ նյութերի օճառ կամ ինտիմ հիգիենայի միջոցներ:

Դրանից հետո բաժակը կրկին կարելի է տեղադրել: Դաշտանի ավարտից հետո բաժակը հարկավոր է ախտահանել` ջրի մեջ եռացնելով կամ հատուկ ախտահանիչ նյութեր օգտագործելով:

Բաժակը պահեք կտորե տոպրակի մեջ:

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին