Ստամոքսի խանգարում դաշտանի ընթացքում: Փորլուծություն դաշտանից առաջ կամ հետո. պատճառները, ախտանիշներն ու բուժումը

Ստամոքսի խանգարում դաշտանի ընթացքում: Փորլուծություն դաշտանից առաջ կամ հետո. պատճառները, ախտանիշներն ու բուժումը


  Դաշտանի ընթացքում փորլուծության հիմնական պատճառները


 Կնոջ օրգանիզմում մեծ թվով հորմոններ են արտադրվում դաշտանի ընթացքում: Այդ պատճառով էլ աղիքի պատերը սկսում են ավելի հաճախ կծկվել։ Աղիքների գործունեության վրա ազդող մեկ այլ գործոն է փոքր կոնքում արյան կուտակումը: Այդ իսկ պատճառով, դաշտանի առաջին երկու օրերը կարող են ուղեկցվել փորլուծությամբ: Դրանից հետո արյան քանակը կրճատվում է, իսկ կղազատումը կարգավորվում։

Ընթերցեք նաև՝ Ամեն ինչ առաջին դաշտանի մասին

Դաշտանի ընթացքում կնոջ օրգանիզմն ընդհանուր առմամբ թուլանում է և առավել հեշտ է ենթարկվում տարբեր ազդեցությունների: Մի՛ մոռացեք, որ այս օրերին շատ հաճախ փոփոխվում են նաև համային նախասիրությունները: Ուստի, նոր մթերքների օգտագործումը կարող է հանգեցնել աղիքային խանգարման:

Որպես կանոն, կղազատման հետ կապված խնդիրներն անցնում են երեք օրվա ընթացքում: Այս ընթացքում օրգանիզմն ազատվում է ավելորդ հեղուկից, և ամեն ինչ կարգավորվում է:

Արդյո՞ք հարկավոր է դաշտանի ընթացքում բուժել փորլուծությունը:

Եթե փորլուծությունը վերանում է դաշտանի սկսվելուց հետո՝ մի քանի օրվա ընթացքում, ապա անհանգստանալու և դեղորայք ընդունելու կարիք չկա:

Դաշտանի ընթացքում աղիքների վրա հնարավորինս քիչ ազդեցություն ունենալու համար հետևեք հետևյալ խորհուրդներին.

• Մի՛ օգտագործեք էկզոտիկ, տապակած և յուղոտ սնունդ

• Հեռացրե՛ք սննդակարգից այն մթերքները, որոնք ակտիվացնում են աղիքների աշխատանքը

• Դաշտանի ընթացքում աղիքների վրա կարող են ազդել նաև սթրեսներն ու հոգեբանական խանգարումները: Ուստի հարկավոր է խնայել նյարդային համակարգը, հանգստանալ բնության գրկում, քայլել և սպորտով զբաղվել


Ինչպե՞ս հասկանալ, որ դաշտանի ընթացքում առաջացած լուծը վկայում է լուրջ խնդիրների մասին։

• Տևում է 3 օրից ավելի

• Կղազատումը կատարվում է օրական ավելի քան 10 անգամ

• Ուղեկցվում է որովայնի ուժեղ ցավերով, թուլությամբ, մարմնի ջերմաստիճանի բարձրացմամբ և փսխումով

• Կղանքն առանձնանում է անսովոր գույնով, փրփուրով, առկա արյան հետքերով, կանաչ կտորներով և անսովոր հոտով

Նման ախտանիշների դեպքում հարկավոր է անմիջապես դիմել բժշկի։ Հատկապես վտանգավոր են աղիքային վարակները, որոնց դեպքում արգելվում է զբաղվել ինքնաբուժությամբ։

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում