Ինչպե՞ս արագացնել նյութափոխանակությունը
Ինչպե՞ս արագացնել նյութափոխանակությունը
Նյութափոխանակությունը այն արագությունն է, որի ընթացքում օրգանիզմը վերամշակում է սնունդը: Եթե փորձում եք նիհարել, ապա նյութափոխանակության բարելավումը կօգնի ձեզ այդ հարցում։ Նյութափոխանակության բարելավումը դիետայի միջոցով
1.Օրվա ընթացքում կերեք հաճախ, բայց փոքր չափաբաժիններով: Եթե օրական սնվեք 4-6 անգամ և ուտեք օգտակար մթերքներ փոքր չափաբաժիններով, ապա կարող եք բարելավել նյութափոխանակությունը:
2. Նախապատվություն տվեք ցածր յուղայնությամբ և սպիտակուցներով հարուստ մթերքներին: Սննդակարգում այսպիսի մթերքների ներառումը կօգնի արագացնելու նյութափոխանակությունը, քանի որ օրգանիզմը ավելի շատ էներգիա է ծախսում սպիտակուցները մարսելու համար:
3. Կերակուրներին համեմունքներ ավելացրեք, քանի որ դրանք նույնպես արագացնում են նյութափոխանակությունը։
Ընթերցեք նաև Ի՞նչու է կնոջ մոտ առաջանում հաճախամիզություն
Նյութափոխանակության բարելավումը ֆիզիկական վարժությունների միջոցով
1. Զբաղվեք աերոբիկայով Կատարեք վարժություններ ամեն օր՝ առնվազն 30 րոպե տևողությամբ:
2. Ներառեք ձեր մարզումների մեջ ուժային տարբեր վարժություններ: Մկանների զանգվածի աճը արագացնում է նյութափոխանակությունը, երբ մարմինը հանգիստ վիճակում է:
3. Եղեք ֆիզիկապես ակտիվ: Որքան ավելի շատ եք շարժվում, այնքան բարձր է նյութափոխանակության մակարդակը:
Նյութափոխանակության արագացման այլ մեթոդներ
1. Ջուր շատ խմեք: Ուսումնասիրությունները ցույց են տվել, որ ջրի շատ օգտագործումն արագացնում է նյութափոխանակությունը 40 % -ով:
2. Սուրճ խմեք: Ապացուցված է, որ սուրճը բարելավում է նյութափոխանակությունը կոֆեինի բարձր պարունակության շնորհիվ:
3. Կանաչ թեյ խմեք: Կանաչ թեյի օգտագործումը, ֆիզիկական վարժությունների հետ համատեղ, կարող է արագացնել նյութափոխանակությունը:
4․ Կերեք առողջ սնունդ և խուսափեք ռադիկալ դիետաներից: Ռադիկալ դիետաներն օգնում են ստանալու արագ արդյունք, բայց զգալիորեն սահմանափակում են կալորիաների ընդունումը, ինչը կարող է բացասաբար ազդել նյութափոխանակության վրա:
Ինչ է նյութափոխանակությունը
1․ Որոշեք, թե ինչից է կախված ձեր նյութափոխանակությունը: Շատ գործոններ են ազդում նյութափոխանակության վրա. Տարիք. քառասուն տարեկանից հետո նյութափոխանակությունը նվազում է։ Սեռ. որպես կանոն՝ տղամարդկանց մոտ նյութափոխանակության մակարդակն ավելի բարձր է, քան կանանց: Ժառանգականություն. նյութափոխանակության մակարդակը հիմնականում որոշվում է գեներով: Վահանաձև գեղձի խանգարումներ. Հիպոթիրեոզը (վահանաձև գեղձի հորմոնների պակաս) և հիպերթիրեոզը (վահանաձև գեղձի հորմոնների ավելցուկ) կարող են դանդաղեցնել կամ արագացնել նյութափոխանակությունը: Եթե կարծում եք, որ ունեք վահանաձև գեղձի հիվանդություն, ապա անպայման դիմեք բժշկի։ Մարմնի կառուցվածքը. ճարպային հյուսվածքներն ունեն ավելի ցածր նյութափոխանակության գործառույթ, քան մկանային հյուսվածքները: Որքան շատ են մկանային հյուսվածքները, այնքան բարձր է նյութափոխանակության մակարդակը: Կլիման և մարմնի ջերմաստիճանը. արևադարձային կլիմայում ապրող մարդկանց նյութափոխանակության մակարդակը սովորաբար 5-20 %-ով բարձր է, քան չափավոր կլիմայում բնակվողների մոտ:
2․ Որոշեք ձեր նյութափոխանակության մակարդակը հանգիստ վիճակում: Այս ցուցանիշը կօգնի որոշելու, թե որքան կալորիա է անհրաժեշտ ձեր օրգանիզմին: Համացանցում կան բազում հաշվիչ-բանաձևեր, որոնցից կարող եք օգտվել։
3. Անհրաժեշտության դեպքում վերահաշվարկեք ձեր նյութափոխանակության մակարդակը: Երբ քաշ եք կորցնում, նյութափոխանակությունը դանդաղում է։ Ուստի, սահմանափակելով կալորիաների ընդունումը, դուք առավել հեշտ եք նիհարում, քանի որ օրգանիզմը բավարար քանակությամբ կալորիա չի ստանում: Սակայն հաշվի առեք, որ քաշի կորստի հետ մեկտեղ կրճատվում է նաև կալորիաների անհրաժեշտությունը, ուստի, եթե ցանկանում եք շարունակել նիհարելու գործընթացը, ապա անհրաժեշտ է ավելի շատ սահմանափակել կալորիաների սպառումը։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին