Ինչո՞ւ է կնոջ մոտ առաջանում հաճախամիզություն 

Ինչո՞ւ է կնոջ մոտ առաջանում հաճախամիզություն 

Կանանց մոտ ամենատարածված խնդիրներից մեկը հաճախամիզությունն է: Այն կարող է անհարմարություն առաջացնել առօրյայում, խախտել ծրագրերը և փչացնել տրամադրությունը: 

Հաճախամիզությունը կանանց մոտ, պատճառները... 

Կան մի շարք պատճառներ, որոնք կանանց մոտ հաճախամիզություն են առաջացնում: Պարզելով խնդրի առաջացման պատճառը՝  կարող եք ազատվել դրանից և վերադառնալ ձեր սովորական կյանքին: Կախված հիվանդության էթիոլոգիայից՝ կնոջ մոտ հաճախամիզությունը կարող է ուղեկցվել ցավով կամ առանց ցավի: Որոշ դեպքերում, զուգարան գնալու հաճախակի պահանջը կարող է վկայել լուրջ հիվանդությունների զարգացման մասին: 

Եթե կինը մի քանի օր անընդմեջ հաճախ է գնում զուգարան, ապա պետք է դիմի մասնագետի: Որքան կոնկրետ նա կկարողանա նկարագրել իր վիճակը, այնքան ավելի հեշտ կլինի հասկանալ՝ որտեղ փնտրել խնդրի օջախը: 

Ցիստիտ 

Կանանց մոտ ցիստիտի առաջացման հավանականությունն ավելի մեծ է, քան տղամարդկանց մոտ: Ցիստիտի հիմնական ախտանիշը նույնիսկ մեզի քիչ քանակության առկայության դեպքում հաճախակի միզելու ցանկության առաջացումն է։ Միևնույն ժամանակ, միզելու գործընթացը պատճառում է  ցավի, այրոցի և ծակոցի զգացողություններ: Ցիստիտի դեպքում  չի կարելի զբաղվել ինքնաբուժմամբ, քանի որ կան տարբեր լուրջ պատճառներ` աղիքային հիվանդություն, դիմադրողականության անկում, գերսառեցում, առանց քսուքի պահպանակի օգտագործում և այլն: Բուժումը ուղղակիորեն կախված է հիվանդության առաջացման պատճառից: 

Պոլիուրիա 

Հիվանդության հիմնական առանձնահատկությունը մեզի ամենօրյա ծավալի աճն է: Կինը կարող է նկատել, որ մեզի ծավալը, 1-1,5 լիտրի փոխարեն այժմ կարող է լինել 1,8-3 լիտր: Պետք չէ խուճապի մատնվել, քանի որ պոլիուրիան կարող է առաջանալ նաև բնական գործոնների հետևանքով. մեծ քանակի հեղուկի ընդունում, միզամուղ միջոցների կամ բույսերի օգտագործում, գերսառեցում, սթրես: 

Բայց կան պոլիուրիայի առաջացման այլ պատճառներ ևս, որոնց դեպքում անհրաժեշտ է դիմել մասնագետի. 

• նեֆրոպատիա (երիկամների աշխատանքի խանգարում) կամ երիկամային անբավարարություն. 

• հիպոֆիզի աշխատանքի խանգարում 

• վերերիկամային հիվանդություններ 

• հիպերպարատիրեոզ (էնդոկրին համակարգի հիվանդություն) 

• շաքարախտ 

• հիպոկալիեմիա (կալիումի անբավարարություն) 

• հիպերկալցիեմիա (ավելորդ կալցիում) 

• ոչ շաքարային դիաբետ (այն հազվադեպ է): 

• նոկտուրիա (երբ գիշերը հաճախակի արթնանում են միզելու ցանկությունից) 

Նոկտուրիայի դեպքում մարդու մոտ  գիշերային ժամերին առաջանում է  հաճախամիզություն: Մարդը կարող է արթնանալ գիշերվա ընթացքում 2-ից ավելի անգամներ: Եթե այս վիճակը  շարունակվում է մի քանի գիշեր, ապա հարկավոր է դիմել մասնագետի: Նոկտուրիան կարող է լինել այլ հիվանդությունների հետևանք: Բացի այդ, այն ազդում է կնոջ տրամադրության վրա: Նա  նորմալ չի քնում և օրվա ընթացքում դառնում է ցրված, հոգնած  և հոռետես: 

Կան անվնաս պատճառներ, որոնք կանանց մոտ առաջացնում են գիշերային հաճախամիզություն: Դրանք են՝ մեծ քանակությամբ հեղուկի ընդունումը, միզամուղների ընդունումը, սթրեսը, քնի խանգարումը։ 

Նոկտուրիայի առաջացման լուրջ պատճառներ. 


• լեյկոպլակիա 

• երիկամային հիվանդություն 

• միզապարկի իջեցում 

• հիպերակտիվ միզապարկ․ հիպերակտիվ միզապարկի դեպքում կինը տառապում է հաճախամիզությունից և անմիզապահությունից 

Հիպերակտիվ միզապարկի համախտանիշին ամենից հաճախ հանգեցնում է մկանների չափազանց մեծ ակտիվությունը։ Նման սինդրոմի բուժումը ներառում է տարբեր եղանակներ՝ հիմնված կլինիկական պատկերի վրա. 

• հեղուկի օգտագործման ռեժիմ 

• բանջարեղենի ներառում սննդակարգում  

• դեղորայքային թերապիա 

• A բոտուլոտոքսինի ներարկումներ 

• միզապարկի դեներվացիա 

• իլեոցիստոպլաստիկա 


Ուրոգենիտալ համակարգի ուռուցք 

Միզասեռական համակարգի օրգանների նորագոյացությունները, օրինակ, միզապարկի քաղցկեղը, կարող են դրսևորվել միզարձակության խանգարումների տեսքով: Միզարձակությունը կարող է դառնալ հաճախակի կամ հազվադեպ: Հիվանդությունը հաճախ ուղեկցվում է լրացուցիչ ախտանիշներով, որոնցից են ցավը և արյան առկայությունը մեզի մեջ: 

Ախտորոշման համար անհրաժեշտ են լաբորատոր և գործիքային ախտորոշիչ մեթոդներ: 

Եթե մեզի մեջ արյուն եք նկատում, ապա պետք չէ անհապաղ ինքներդ ձեզ ախտորոշել «քաղցկեղ»: Մեզի մեջ արյան հետք է լինում նաև  թութքի դեպքում: 

• Երիկամային հիվանդություն


Երիկամների աշխատանքի խանգարումը անմիջապես ազդում է միզարձակման հաճախականության, ծավալի, գույնի և հոտի օրինաչափության վրա: Որոշ դեպքերում կինը կարող է ունենալ տհաճ զգացողություններ երիկամների շրջանում  կամ նույնիսկ ցավ: Երիկամների հիվանդության դեպքում պետք է դիմել նեֆրոլոգի: Որպես կանոն՝ մասնագետը նշանակում է ուլտրաձայնային հետազոտություն, արյան և մեզի ընդհանուր վերլուծություններ: 

Գերսառեցում 

Եթե կինը մրսում է զբոսանքի ընթացքում, ապա պետք է տուն վերադառնալուց հետո անպայման տաքանա: Հաճախ գերսառեցման պատճառով առաջացած հաճախամիզությունն արագ վերանում է մեկ օրվա ընթացքում, եթե գերսառեցումը սաստիկ չի եղել, և մարմինը արագ տաքացել է: 

Հետծննդաբերական ժամանակաշրջան 

Կանանց մոտ հաճախամիզությունը բնական երևույթ է ծննդաբերությունից հետո 

Հաճախամիզության բուժումը 

Կանանց մոտ հաճախամիզությունը կարող է բուժել միայն բժիշկը։ Կախված այն բանից, թե ինչն է հանգեցրել հաճախամիզության՝ բժիշկը սահմանում է արդյունավետ դեղամիջոց՝ 

• դեղորայքային բուժում, 

• հակաբիոտիկներ` պրոբիոտիկների հետ համատեղ,  

• հակաբակտերիալ միջոցներ: 

Միզուղիների համակարգի հիվանդությունների դեպքում՝  օրգանների աշխատանքի կարգավորման համար նախատեսված միջոցներ, ճիշտ սննդակարգ, անհրաժեշտության դեպքում՝ վիտամինային թերապիա, իսկ  բարդ դեպքերում` վիրաբուժական միջամտություն։ 

Ցիստիտի դեպքում՝ գինեկոլոգի կողմից նշանակված հակաբիոտիկ թերապիա կամ վիրահատություն: Ի դեպ, վիրաբուժական միջամտությունը կարող է օգնել մեկընդմիշտ ազատվել խնդրից, բայց ամեն ինչ անհատական է:

 

Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Նմանատիպ նյութեր

Լյարդի քաղցկեղի ախտանիշներ, որոնց մասին պետք է իմանալ

Լյարդի քաղցկեղի ախտանիշներ, որոնց մասին պետք է իմանալ

Լյարդի քաղցկեղը լինում է առաջնային և մետաստատիկ: Առաջին դեպքում չարորակ ուռուցք է առաջանում լյարդի բջիջներում կամ լեղուղիներում, սովորաբար ցեռոզի պատճառով։

Ինչ է կարելի, և ինչ չի կարելի փսորիազի դեպքում

Ինչ է կարելի, և ինչ չի կարելի փսորիազի դեպքում

Փսորիազի հաջող բուժումը մեծապես կախված է դիետիկ ռեժիմի համապատասխանությունից, որը պետք է ճարպերի և ածխաջրերի լիարժեք էներգետիկ արժեք պարունակի

Գորտնուկի (կանդիլոմա) լազերային հեռացում

Գորտնուկի (կանդիլոմա) լազերային հեռացում

Սրածայր գորտնուկը (կանդիլոմա) մաշկի վրա առաջացած բարորակ գոյացություն է՝ տեղակայված ինտիմ հատվածում, երբեմն էլ՝ բերանի լորձաթաղանթի կամ լեզվի վրա

Ինչպե՞ս նվազեցնել առիթմիայի զարգացման ռիսկը

Ինչպե՞ս նվազեցնել առիթմիայի զարգացման ռիսկը

Առիթմիան սրտի անկանոն աշխատանքն է: Այն խախտում է օրգանների արյան մատակարարման գործընթացը