Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն: Եթե առողջ եք, բայց ցավեր ունեք,  մեղավոր են պրոստագլանդինները. սրանք միջնորդներ են, որոնք մեծացնում են ցավային ընկալիչների զգայունությունը: Դրանք արտադրվում են արգանդի լորձաթաղանթում՝ դաշտանի ընթացքում: Դրանց պատճառով արգանդը կծկվում է՝ արյունը և էնդոմետրիումն ավելի արագ հեռացնելու համար։ 

Երբ շատ պրոստագլանդիններ կան, և արգանդը ուժեղ կծկվում է, որովայնի ներքևում ցավեր են հայտնվում, որոնք հիշեցնում են կծկումներ: 

Երբեմն այս զգացողություններին ավելանում է մեջքի ցավը: Պրոստագլանդիններն ազդում են նաև աղեստամոքսային տրակտի հարթ մկանների կծկման վրա, ուստի այդ նյութերը պատասխանատու են դաշտանի ընթացքում սրտխառնոցի և լուծի համար: 

Ցավի ինչ այլ պատճառներ կան 

Եթե ցավը հանկարծակի է սկսվում, ապա ձեզ հարկավոր է հետազոտել միզասեռական համակարգը և օրգանները, որոնք գտնվում են հարակից շրջաններում: Հնարավոր է, որ անհանգստության իրական պատճառը հիվանդություններն են, ինչպիսիք են. 

• էնդոմետրիոզ 

• միզապարկի բորբոքում (ցիստիտ) 

• ֆիբրոիդներ և այլ ուռուցքներ 

• կոնքի օրգանների բորբոքային հիվանդություններ 

• Աղիքային հիվանդություններ 

Ցավոտ դաշտանի պատճառ հանդիսացող հիվանդություններից որևէ մեկը կարող է նպաստել պրոստագլանդինների արտադրության ավելացմանը: Հետևաբար, եթե ցավն ուժեղանում է, տևում է ավելի քան երեք օր, ցիկլը խանգարվում է, անսովոր արտահոսք կամ ցավ է առաջանում սեքսի ժամանակ, խորհրդակցեք  բժշկի հետ: 

Ի՞նչ հետազոտություններ պետք է անցնել  հասկանալու համար, որ դա վտանգավոր հիվանդություն չէ: 

Ձեզ անհրաժեշտ է գինեկոլոգի մոտ հետազոտություն անցնել, ինչպես նաև կոնքի օրգանների ուլտրաձայնային հետազոտություն կատարել: Դա բավարար է առողջության մասին եզրակացություններ անելու և հիվանդության կամ դիսմենորեայի բուժման համար: Եթե հետազոտության ընթացքում բժիշկը ոչինչ չի հայտնաբերում, և ցավը ուժգին չէ, նշանակված բուժումը չի օգնում, ապա էնդոմետրիոզ հայտնաբերելու կամ բացառելու համար կպահանջվի ախտորոշիչ հետազոտություն: 

Ինչո՞ւ է իմ դաշտանը ցավոտ, իսկ ընկերուհուս մոտ առանց խնդիրների է:  

Ոչ ոք չի կարող հաստատ ասել, թե ինչու են որոշ կանայք ավելի ծանր դաշտան ունենում, քան մյուսները. սա մարմնի առանձնահատկությունն է։ 

Ի՞նչ հաբերով կարող եք ինքներդ ձեզ օգնել։ 

Առաջին օգնություն՝ ոչ ստերոիդային հակաբորբոքային դեղեր: Դրանք բավականին անվտանգ ցավազրկողներ են, մատչելի են և բազմազան համադրություններով: Հակաբորբոքային դեղամիջոցներն ավելին են, քան ցավազրկողները: Դրանք նվազեցնում են պրոստագլանդինների արտադրությունը, որոնք էլ ցավ են առաջացնում։ Սովորական իբուպրոֆենը կարող է օգնել: Կան նաև ավելի ուժեղ դեղեր՝ ինդոմետացին, կետոպրոֆեն: Բոլոր դեղամիջոցներն ունեն հակացուցումներ: Կանայք, ովքեր ունեն ստամոքսի հիվանդություններ, պետք է հատկապես զգույշ լինեն: Այս դեպքերում NSAID-ներ ընդունելու համար հարկավոր է խորհրդակցել բժշկի հետ, ով կընտրի դեղը։ 

Կօգնե՞ն արդյոք հակաբեղմնավորիչները։ 

Հորմոնալ օրալ հակաբեղմնավորիչները ստեղծում են արհեստական դաշտանային ցիկլ: Այս դեպքում էնդոմետրիումը նոսրանում է, որպեսզի բեղմնավորված ձվաբջիջը չկարողանա կցվել դրան: Եվ քանի որ այս շերտը ավելի բարակ է, ուրեմն դրա մեջ ավելի քիչ պրոստագլանդիններ կան: Հետևաբար, հակաբեղմնավորիչ դեղահաբերը հաճախ նշանակվում են ցավոտ դաշտանային ժամանակահատվածների համար: 

Եթե ձեր բժիշկը հաբեր է խորհուրդ տալիս, փորձեք ընտրել ժամանակակից դեղամիջոցներ՝ նվազագույն կողմնակի էֆեկտներով և ստուգել՝ արդյոք ունեք հակացուցումներ: 

Բուժումը չի սահմանափակվում հաբերով. հորմոնալ պարույրները կամ ներարկումները կատարում են նույն գործառույթը: 

Ի՞նչը կարող է օգնել հաբերից բացի։ 

Կան մեթոդներ, որոնք հեշտացնում են դաշտանի ընթացքում ցավի տանելիությունը: Ցավոք, անհնար է վստահորեն ասել, որ դրանք կօգնեն. դա խիստ անհատական է: 

 Փորձեք ամեն ինչ հերթով, կենտրոնացեք ձեր սեփական զգացողությունների վրա։ 

• Լավագույն տարբերակն է ծածկվելը և տաք թեյ խմելը 

Տաք հագնվեք, եթե ձեզ հարկավոր է դուրս գալ տնից: Ընտրեք հագուստ, որը որովայնի տարածքում անհանգստություն չի ստեղծում։ Ամուր ջինսեր ու գոտիներ պետք չէ կրել։  

Տաք ցնցուղը նույնպես գործում է

• Կանխարգելման համար հարկավոր է սպորտով զբաղվել, և երբ այն դժվարանում է, կատարել թեթև վարժություններ` մկանները թուլացնելու և ձգվելու համար: 

• Ասեղնաբուժություն 

Չկա ապացույց, որ նման այլընտրանքային բժշկությունն օգնում է: Բայց գոնե ընթացակարգերը շեղում են ցավից: 

• Հանգստացնող մերսում 

Այն շեղում է տհաճ զգացողություններից և, ընդհանուր առմամբ, օգտակար է մարմնի և մտքի համար, որոնք նույնպես երբեմն հանգստանալու կարիք ունեն: Մերսեք ձեր որովայնը ժամացույցի սլաքի ուղղությամբ: 

• Հարմար կեցվածք 

 Եթե կարողանաք պառկել, փորձեք բարձրացնել ձեր ոտքերը ավելի բարձր կամ պառկել կողքի վրա՝ ծնկները ծալած: 

• Հրաժարվել ծխելուց 

 Պետք է ընդմիշտ հրաժարվել դրանից, ոչ միայն այն օրերին, երբ ցավ եք զգում: 

• Վիտամիններ  

 Սա լիովին հուսալի մեթոդ չէ, բայց հնարավոր է, որ B6, B1, E վիտամիններով հավելումները, մագնեզիումը և կալցիումը օգնեն ձեզ:  

Դաշտանային ցավեր. կենսակերպ և տնային բուժումներ 

Հնարավո՞ր է մեկընդմիշտ ազատվել ցավից։ 

Քիչ հավանական է ազատվել դաշտանային ցավերից, չնայած կան վիրաբուժական պրոցեդուրաներ։ 

Կթուլանա՞ արդյոք ցավը  ծննդաբերությունից հետո։ 

Որևէ երաշխիք չկա, որ ծննդաբերությունից հետո ցավերը կմեղմանան։ 

Որոշ կանայք վստահեցնում են, որ ցավը տարիքի հետ և ծննդաբերությունից հետո նվազում է, բայց ոչ բոլորը կարող են հույս դնել դրա վրա: Ցավը կարող է շարունակվել մինչ դաշտանադադարը: 

Սա վտանգավո՞ր  է։ 

Եթե դաշտանի ընթացքում ցավը չի առաջացնում հիվանդություններ, ապա՝  ոչ: Բայց դա դիմանալու առիթ չէ: Խոսեք ձեր բժշկի հետ և ընտրեք ձեզ համապատասխան ցավազրկողներ: