Հղիության 36-րդ շաբաթ

Հղիության 36-րդ շաբաթ

Պտղի զարգացման փուլ

Պտղի միջին երկարությունը 48 սմ է, մարմնի զանգվածը`2700-2800գ: Ենթամաշկի ճարպի կուտակման հետևանքով մարմնի ուրվագծերն ավելի կլորավուն են դառնում, դեմքի կնճիռները հարթվում են:

Պտուղը կարողանում է դառնալ դեպի լույսը, ձևավորվում է կողմնորոշվելու ունակությունը: Ձեռքերը բարձրանում և հպվում են կրծքին ու պարանոցին:

Զգացողությունները

Երեսունվեցերորդ շաբաթում քաշն արդեն պետք է ավելացած լինի 12 կգ-ով։Արգանդը բարձր դիրքում է՝ պորտից 14-15 սմ բարձր, ցայլքային սիմֆիզից՝ 36 սմ։ Երբեմն այնպիսի զգացում է առաջանում, կարծես փոքրիկը հարվածում է սրտի ստորին հատվածին։

36-37-րդ շաբաթում երեխայի գլուխն իջնում է կոնքի հատակ՝ թեթևացնելով մոր շնչառությունը, սակայն երբեմն այնպես է լինում, որ գլուխն այդպես էլ չի իջնում։ Այդ դեպքում մայրն ստիպված է լինում ծանր շնչել ընդհուպ մինչև ծննդաբերություն։

Ոսկորների ձգվելու պատճառով հնարավոր է, որ կոնքում ցավ առաջանա, արգանդի՝ օրգանները և միզապարկը ճնշելու պատճառով միզարձակումն ու դեֆեկացիան հաճախակի են դառնում։

Արգանդի պարանոցն այդ շրջանում սկսում է փափկել և կարճանալ․ օրգանիզմը նախապատրաստվում է ծննդաբերությանը։ 36-րդ շաբաթում ծննդաբերելը հազվադեպ երևույթ չէ։

Եթե նկատում եք, որ փորը քարանում է, մեջքը ձգում է, փորը նվում է, ապա դիմեք գինեկոլոգի, հնարավոր է, որ արգանդի տոնուսը բարձրացել է և ծննդաբերությունն էլ սարերի հետևում չէ։

Կարդացեք՝ Արգանդի տոնուսը հղիության ընթացքում

Եթե դժվարանում եք վեր կենալ

Պատահում է, որ առավոտյան հղի կինը ոչ մի կերպ չի կարողանում վեր կենալ անկողնուց։ Այդ դեպքում պետք է կտրուկ շարժումներ չանել, նախ կողքի պառկել, միացնել ոտքերը և նոր միայն վեր կենալ։

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Պոլիօրգանային անբավարարություն

Պոլիօրգանային անբավարարություն

Պոլիօրգանային անբավարարությունը մի քանի օրգանների գործունեության խախտման հետևանքն է: Տվյալ ձախողումները կարող են առաջանալ միաժամանակ կամ հաջորդաբար:

Ինչո՞ւ է իջնում թրոմբոցիտների քանակը և ի՞նչ անել

Ինչո՞ւ է իջնում թրոմբոցիտների քանակը և ի՞նչ անել

Թրոմբոցիտները արյան գնդիկներ են, որոնք ունակ են առաջացնելու խցանումներ կամ թրոմբներ

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը