Ինչպե՞ս առանց ցավի ազատվել կուսությունից  

 
Ինչպե՞ս առանց ցավի ազատվել կուսությունից  
Կուսության կորուստը ձեզ կարող է վախեցնել․ այս թեմայի վերաբերյալ կան շատ առասպելներ: Չնայած կանանց մեծամասնությունը ուժեղ ցավ է ունենում  առաջին սեքսի ընթացքում, սակայն պարտադիր չէ, որ նույնն ունենաք նաև դուք։ Ձեր զուգընկերոջ հետ զրուցելը և իմանալը, թե ինչ է տեղի ունենում սեռական ակտի ժամանակ, կօգնեն նախապես հանգստանալու: Փորձեք տարբեր եղանակներ՝ ճիշտ տրամադրություն ստեղծելու համար, և առաջին սեռական փորձը ոչ միայն դրական կլինի, այլև հաճելի:  
Նախ համոզվեք, որ պատրաստ եք սեքսի 
Բացարձակ պետք չէ նյարդայնանալ առաջին սեքսից առաջ: Բայց եթե անընդհատ լարվածություն եք զգում սեքսի մասին մտածելիս, հավանաբար պետք է սպասել: Եթե դուք սկսում եք սեռական կյանք,  պատրաստ չլինելով սեքսի, ապա դա ձեզ ցանկալի հաճույք չի պարգևի: 
Խոսեք զուգընկերոջ հետ 
Զուգընկերոջ հետ խոսելը կօգնի վստահություն ստեղծելու ձեր մեջ և կնպաստի ինքնավստահ լինելուն սեքսից առաջ: Տղամարդը պետք է ուշադիր լինի ձեր զգացմունքների նկատմամբ, նա պետք է պատրաստ լինի օգնելու ձեզ հաղթահարելու վախերը:  
Գտեք վստահելի մեծահասակ՝ այս թեման քննարկելու համար 
Միգուցե ամաչեք չափահասի հետ սեռական հարաբերությունները քննարկելուց, բայց պարզապես անհրաժեշտ է ընտրել ճիշտ մարդու, ումից ցանկանում եք օգնություն խնդրել: Նա կարող է լինել ձեր ծնողը, բժիշկը, ուսուցիչը կամ նույնիսկ ավագ եղբայրը /քույրը: Մեծահասակները կարող են ձեզ օգտակար խորհուրդներ տալ, պատասխանել ձեր հարցերին:  
Ուսումնասիրեք ձեր մարմինը  
Փորձեք հասկանալ, թե ինչ ֆիզիոլոգիական գործընթացներ են տեղի ունենում սեքսի ընթացքում: Սեփական մարմնի անատոմիան հասկանալը կարող է օգնել ավելի ինքնավստահ զգալու, հատկապես, եթե ձեր զուգընկերը նույնպես կույս է: Կարևոր է իմանալ, թե սեքսի ընթացքում ինչ գործընթացներ կարող են առաջանալ, որոնք են նորմալ, և որոնք՝ ոչ:  
Ընտրեք առաջին սեքսի համար հանգիստ վայր 
Եթե անընդհատ անհանգստանում եք, որ ձեզ կարող են ընդհատել, չեք կարողանա հանգստանալ: Հեշտացրեք այն ձեր և զուգընկերոջ համար` ընտրելով ճիշտ ժամանակն ու տեղը, որտեղ ձեզ չեն խանգարի: 
Օգտագործեք պահպանակներ  
Պահպանակները ոչ միայն պաշտպանում են հղիությունից, այլ նաև՝ սեռավարակներից: Լրացուցիչ պաշտպանությունը կարող է օգնել ձեզ հանգստանալու, եթե անհանգստացած եք անցանկալի հղիության կամ վարակների պատճառով: Հիշե՛ք, որ պաշտպանության այլ մեթոդները չեն պաշտպանում սեռավարակներից, ինչպես պահպանակը։ Եթե ձեր զուգընկերը հրաժարվում է պահպանակ օգտագործելուց, նորից մտածեք, մինչև նրա հետ սեռական հարաբերություն ունենալը:  
Օգտագործեք լուբրիկանտ (քսայուղ) 
Քսայուղը կնվազեցնի շփումը` դրանով իսկ ազատելով ցավից ու անհարմարությունից: Ներթափանցումից առաջ քսանյութ քսեք ձեր զուգընկերոջ առնանդամին (անմիջապես պահպանակի վրա) կամ սեռական խաղալիքին: Հոգ տարեք ձեր մասին առաջին սեքսից հետո: Եթե ունեք արյունային արտադրություն կամ ցավ, պետք է անհապաղ միջոցներ ձեռնարկեք: Օրինակ՝ կարող եք գնել ցավազրկողներ, մաքուր ներքնազգեստ հագնել և բարակ միջադիր դնել մի քանի ժամ: Եթե իրոք շատ վատ եք զգում, ապա դիմեք ձեր բժշկին:
 
Աղբյուրը
Առաջին օգնության կանոններ, որոնք յուրաքանչյուրը պետք է իմանա

Առաջին օգնության կանոններ, որոնք յուրաքանչյուրը պետք է իմանա

Ի՞նչ անել նախքան օգնություն ցուցաբերելը

Ինչպե՞ս նվազեցնել շաքարի մակարդակն արյան մեջ

Ինչպե՞ս նվազեցնել շաքարի մակարդակն արյան մեջ

Առողջ մարդիկ և նրանք, ովքեր ունեն նախաշաքարախտային վիճակ պետք է հետևեն արյան մեջ շաքարի մակարդակի ցուցիչներին, որպեսզի չզարգանա շաքարախտ, իսկ դիաբետիկները պետք է հետևեն, որպեսզի բարդություններ չառաջանան

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Չոր հազ Եթե հազը շարունակվում է ավելի քան երեք շաբաթ, դա կարող է վկայել ալերգիայի մասին

Կուսաթաղանթ

Կուսաթաղանթ

Կուսաթաղանթի ազատ եզրը կարող է լինել հարթ կամ ծալված, նույնիսկ՝ ալիքաձև, կարող է ունենալ տարբեր խորությունների մեկ կամ մի քանի անցք: